و عليكم السلام و رحمة الله و بركاته
رحله سعيده و اقامه مريحه و اسعد
كل ما اكتب هو مقترح مني و هناك الكثير لهم اراء اخرى
دامك توصل الصباح و محدد يومين و نص يعني انك حاجز الفندق و مرتب امورك
طيب
وصولك الصباح تريح شوي اذا كان وصولك على العشره تريّح الى الغداء تسحب بالسياره الى مطعم من المطاعم الجميله بتحصل تقرير لمسقطيه في هذا القسم
و بعدها تاخذ لك جوله على منطقة المجمعات التجارية بالقرم و منها الى منطقة الكراون البلازا و الشارع البحري الجميل و بعدها تكمل دربك الى مسقط القديمه لزيارة قصر السلطان مروراً بالكورنيش و حديقة ريام و متابعاً الى فندق قصر البستان و الى اسواق روي القديمه
ثاني يوم الصبح تسحب نفسك على متحف الطفل اللي هو جنب حديقة القرم الطبيعيه و تخلي البنت تتسلى شوي بالاشياء الموجوده ( عن جد انا العب مع العيال اذا رحت هالمتحف ) و من متحف الطفل تسحب نفسك الى متحف التاريخ الطبيعي في منطقة الوزارات و بالضبط مكانه بوزارة التراث و الثقافه و تاخذ لك لفه و تشوف تاريخ عمان الطبيعي ( رغم اني اقول عنه جزء من تاريخ عمان الطبيعي ) و بعدها تسحب الى المتحف الوطني اللي عند وزارة الأعلام هنا تكون وصلت لوقت الغدا خذ الغدا معاك و روح الى حدائق الصحوه اللي بعد المطار ( في تقرير عنه هنا ) تجلس تتغدى انت و ام العيال و خلوا البنت الله يحفظها تلعب على راحتها بس خلوا عينكم عليها بعد ما تخلصون الغدا تروح للفندق تريّح شوي و تتحرك الى مركز البهجه التجاري خلوا البنت تلعب على كيفها و اشتروا لها العاب من هناك و سهرتكم جميله تختارون لكم مطعم جميل و رائع و ارشح لك مطعم طريق الحرير في مدينة السلطان قابوس و بعد العشا خذوا لكم لفه بمنطقة القرم التجارية و حديقة القرم الطبيعيه ( و لا تروح مرح لاند ما ينفع حق اللي بعمر بنتك الله يحفظها )
و آخر يوم على طول تتوجه الى سوق مطرح القديم ( سوق الظلام ) و خذ لك جوله حره

بالليل عليكم بحديقة القرم الطبيعية ويفضل توصلون فيها قبل المغرب

شكرا يا التميمي على التفاصيل .