1. الملعب والله ماعرف خصصو له يوم برضو بس ابدا ماعندي معلومه عنه

شوفي اذا انتو فعلا نظاميين وتمشون بالجدول رتبيه مثل ماتبين لان صراحه الجداول ماتنفع معي كم مره سويت جدول ولما رحنا صرنا نكرر الاماكن الي تعجبنا انتي خلي ثاني يوم اركبي في البيق باص من بدري اهم شي واذا وصلتو لندن اي انزلو عندها واذا خلصتو ارجعو اركبو البيق باص تور لان اكيد بيكون تقريبا كل 10 دقايق يجي باص ثاني يكمل خط السير واذا حسيتو انه فيه وقت ادخلو متحف الشمع ياخذ منكم ساعتين يعني يكفي بنفس اليوم ان شاالله
اليوم الي بعده اصحو بدري وروحو قصر الباكنقهام وشوفو تغيير الحرس بينبسطون الصغار(تغيير الحرس يكون الساعه 11 او 10 الصباح نسيت) ومنه روحو للبيكاديلي تمشو فيه وهناك بتلاقين ام اند امز + فيه ملاهي الكترونيه نسيت اسمها ان شاالله بتذكره وارجع اقولها لك اجلسو في البيكاديلي الى المغرب لان السهر فيه مو كويس ابدا
اليوم الي بعده اطلعو بدري للاوت لت عشان يمديكم ترجعون تحطون اغراضكم بالاوتيل وتريحون وتطلعون تتعشون
الي بعده خلوه تسوق بالاكسفورد ستريت وهارودز وادخلو اي قهوه في النايستبيردج وتعشو في الاكسفورد عشان اقرب للاوتيل
الكوفنت قاردن خصصو لها يوم الاحد من الصباح + الثورب بارك اطلعولها برضو من الصباح ويفضل مايكون ويكند عشان تخف الزحمه شوي

الملعب والله ماعرف خصصو له يوم برضو بس ابدا ماعندي معلومه عنه

الريجنت بارك ممكن تزورونها بعد ماتطلعون من مدام توسو لان قريب بس اذا فيكم حيل
تقدرين تعدلين بالجدول وتغيرين على كيفك رتبي الاماكن الي جمب بعض بنفس اليوم وزيدي مثلا انا عطيتك اليوم بشكل عام تقدرين تزيدين انه وقت المغرب تروحون الهايد بارك او اي قهوه في النايتسبيردج وتطلعون منهم تتعشون بالاكسفورد وترجعون للاوتيل احنا كان هذا تقريبا روتينا بنهاية كل يوم وساكنين بنفس اوتيلكم كمان :d
وارتاحي ترا مره سهل التنقل بالباص والاندر قراوند في لندن بشكل ماتتخيلينه!! انا عن نفسي افضل الباصات انتي اول يوم انزلي من الاوتيل جمبك محطة الماربل ارتش اشتري منها تذاكر اسبوع للباص والاندر قراوند واكتب نوته عندك بالجوال مثلا فيها ارقام الباصات ولوين تودي وانتي اذا جيتي تركبين الباص عادي اسألي هل هو متجه لكذا ؟ بيجاوبونك عادي مره سهل
اذا تحتاجين شي زياده انا بالخدمه

شكرا الصراحه ما قصررت الله يخليك رتبت لي الاماكن وريحتني من ناحية القطارات والباصات

لندنية94
بالنسبة للأندرقراوند هو سهل جداً بس ما رايح تفهمينه إلا إذا جربتيه ..
لإنه قطارات تحت الارض دخول وطلوع وبتشوفين الناس نازلة بسرعة وناس طالعة بسرعة فأهم شيء الغة انجليزية
على اساس فيه لوحات في الممرات مثلاً : Way In او Way Out ...
وخريطه الاندرقراوند تكون دائما في يدك لمعرفة محطة البداية ومحطة النهاية
والباصات كذلك لها ارقام وخط سير وموضحة في جداول وخرائط عن كل محطة باص ...
وزي ماقالوا الاخوان الامر سهل جداً جداً لا تشيلين همها

السيف الاسود المشكله الانجليزي مو مره لكن يمشي وضعه
شكرا على ردك عزيزي

حياكم الله
ممكن تستعينون بالمواضيع المثبتة

نعم هناك موضوع مثبت عن اسبوع سياحي في لندن افادني جدا
وقد عملت بعض التعديلات عليه لسفرتي فأرجوا مشرفنا موادع 1 اذا لك ملاحظه عليه افدني وفقك ربي قل آمين

الله يسلمكم ما قصرتو بيض الله وجيهكم

كل الشكر و التقدير استفدتنا كثير من الردود