بالسلامة اخوي ... انصحك تبقى مده اطول في انترلاكن لأن الخيارات فيها اكثر (بحيرات-قمم ثلجيه- برشوت- رافتنق- شلالات) .. زيلامسي الخيارات اقل ... اللي اذكره ان يورب بارك في فرايبورغ في جنوب غرب المانيا ....إذا معك سيارة فذلك قمة المتعة وبتكون حر تسكن وين ما تبي وتأخذ الوقت اللي تبي بعكس إذا كنت حاجز الفندق من هنا ....

هلا بك أخوي
يورب بارك في روست rust
وبالنسبة لي ناوي استأجر سيارة من جنيف بإذن الله والتسليم في ميونخ
أي اقتراحات ترونها أفيدوني بوركتم

احتاج مساعدة لاختيار السكن في زيورخ مع العلم أني ناوي استأجر سيارة

السلام عليكم
عندي لك خطه
جينيف-انترلاكن-روست-بريجنز-زيلاميسي-ميونخ
تستلم السيارة في جينيف واذا حبيت تجلس فيها يومين
يوم الوصول ويوم ثاني
يعني 15 و16
7تنطلق الى انترلاكن وانت في طريقك تمر بمصنع الشوكلاته نستله في مدينة Borc
وبعدها تواصل طريقك الى انترلاكن وتجلس فسها 17/18/19/20
تاريخ 21 تنطلق الى روست الالمانيه
وتروح للفندق تحط اغراضك..واذا عنك وقت تقدر تزور المدينه الفرنسيةStrasbourg القريبه من روست
تبعد 50 كم تقريباً وترجع قبل المغرب ل روست وتنام وفي صباح يوم 22 تروح للحديقه ومن تخلص الحديقه تضرب لفه ع روست
وتريح الليله..وصباح يوم 23 تنطلق الى الى مدينة بريجنزBregenz النمساويه وتجلس فيها يوم وحده فقط عشان تقلل من ساعات الطريق الى زيلاميسي
وتاريخ 24 الصباح تنطلق الى زيلاميسي...ونت في طريقك تمر على Innsbruck النمساويه عشان معرض الكرستال وبعدها تمر ع مصنع الالبان في Zell am Ziller
وتجلس في زيلاميسي 24/25/26/27
وتاريخ 27 الصباح تنطلق الى ميونخ
عشان التسوق
7و 28
يمكن يوم نص في ميونخ
وتاريخ 29 ترجع بيتكم..
عسى اني افدتك بحاجه
صح: انت حجزت تذاكر الطيران ولا بعد؟؟؟؟؟

الله يجزاك خير أفدتني كثير لأني افكر اكنسل زيورخ
كم تبعد بريغنز عن روست وعن زيلامسي؟؟
وكيف الطريق لها
التذاكر وفنادق روست وجنيف حجزتها

الرحلة 14 ليله
زيلامسي لازم تكون 3 ليال عشان اخلي ليلتين في ميونخ أو ميونخ تكون ليله

ومحتاج اقتراحات للسكن في بريغنز