ahmed_elshaer
اهلا فيك تجي بالسلامة
اليوم الأول: الثلاثاء
الوصول صباحا والذهاب للفندق، الخروج وقت الظهر لجعيتا وزيارة المغارة (لا أعلم ان كانت مغلقة أم لا حتى الآن)، ثم نهر الكلب والتمشية في جونيه ثم ركوب التلفريك لحريصا ثم الغداء والعودة للفندق
وبعدها الخروج لصخرة الروشة والكورنيش حتى المساء ثم العودة للنوم
1- بفضل تخليه لليوم التاني هاليوم خليه يكون انك تروح عالروشة وبعدين تطلع على جبيل كتير منيح هيك وعشية تتمشى عالكورنيش لأنو اول يوم تعب عليك تجي من السفر وبعدين تطلع على جعيتا والتلفريك وهالمناطق
2- اليوم التاني الصبح بكير الساعة شي 9 بتطلعوا على جعيتا والتلفريك وبعدين على فاريا والغدى بيكون بمطعم مانويلا بجونية وعشية لو حابين روحوا على ال abc
3- اليوم التالت : بتطلعوا على الشوف مغارة كفرحيم وبيت الدين وقلعة موسى وبعدين شو بدك بالباروك مسكر كل شي هونيك كملوا من بيت الدين على جزين وبعدين صيدا شوفوا القلعة البحرية وبعدين تمشوا لو بدكم بسوق صيدا وفي عندكم مطعم الحان بصيدا للغدى وعشية نزلوا عالسوليدير
اليوم الرابع على صخرة الروشة بالنهار وبعدين لو حابين تتسوقوا فيكم تعملوه للتسوق وعشية تشوفوا سينما عندك اسواق السوليدير وسوق مارالياس وسوق برج حمود واسواق الضاحية الجنوبية وسوق فرن الشباك واسواق الزلقا والكسليك وسوق فردان والحمرا وال abc والستي مول وبيروت مول
اليوم الأخير: السبت
أريد الاستمتاع بالثلج مرة اخرى قبل العودة لبلدي، ولكن هل هناك منطقة أخرى غير فاريا أم اذهب مباشرة لفاريا؟
وليلا اريد الذهاب للكورنيش أو أي سوق شعبي، وان كنت لا أستمتع بالأسواق والمولات
نعم في فيك تطلع عالى صوب البقاع فوق عاليه وبحمدون في جبل صنين او بمنطقة ضهر البيدر انت وطالع على شتورا استمتع بالتلج قد ما بدك وبعدين كمل على شتورا كلوا قريشة وعسل او جربوا الغدى بمطعم الشمس بمنطقة عنجر
ولدي بعض الأسئلة أرجو مساعدة الأعضاء
ما المدة التي تستغرقها الفسحة في هذه الأماكن؟ وهل ستكفي حسب الجدول؟
ان شاء الله بتكفي
هل هناك أماكن أخرى تستاهل الزيارة؟
في بس بعيدة شوي يعني متل طرابلس وبعلبك ممكن تمرء بالجدول وحدة من هالمدن
هل بمانا وبحمدون مناسبة للزيارة شتاء؟
بتمر فيها مرور الكرام
عندك بس ببرمانا لو بيوم حبيت تتعشى او تتغدى في مطعم منير لا يفوتك
سمعت عن بحيرة بنشعي في زغرتا، فهل هي مناسبة للزيارة؟
بعيدة كتير وهلأ بالشتا ما كتير رح تستفيد بس لو حبيت ليش لا ولو كان في وقت
بالتوفيق ان شاء الله بتمنى كون افدتك لو شوي صغيرة رحلة موفقة وبانتظار التقرير

عبير لبنان شكرا على الرد بجد افدتنا كتير أبو حميد أسطه عالجدول كده معاك ياريس

عبير لبنان .. حقيقة أعجز عن الشكر، سواء بإفادتك على الجدول، أو بتعليقاتك السابقة التي استفدت منها الكثير، فأنا لم ازر لبنان من قبل وخبراتي كلها من هذا المنتدى. وهو مايشجعني على المزيد من الأسئلة، إن لم اثقل عليك
بالنسبة لاول يوم فأنا لم أحضر لبنان للنوم والراحة ومشاهدة حوائط الفندق، وإنما للاستمتاع بجمالها، ولو علي فأنا اتمنى ان ازور كل المعالم في أول يوم، ويكفيني من النوم 6 ساعات، وبقية اليوم للبنان
وبناء على تعليقك، قمت بتعديل الجدول للآتي:
اليوم الأول:
صخرة الروشة نهارا ثم جبيل والكورنيش وركوب مركب، (هل هناك أماكن أخرى داخل بيروت يمكننا زيارتها في هذا اليوم؟)
اليوم الثاتي:
جعيتا والتلفريك ثم الذهاب لفاريا للتزلج والعودة على جونية لمطعم مانويلا
ليلا:؟
اليوم الثالث:
كفرحيم وبيت الدين ثم قلعة موسى وجزين (لا أعلم ما هي اماكن الزيارة فيها) ثم قلعة صيدا والسوق ومطعم ألحان
ليلا: السوليدير
اليوم الرابع:
البقاع والمرور بعالية وبحمدون ثم التزلج على جبل صنين والعودة على شتورا ومطعم الشمس
وليلا: صخرة الروشة والكورنيش
ويتبقى عندي يوم فاضي ، هل أذهب إلى أماكن أبعد أم هناك أماكن اخرى قريبة يمكنني زيارتها؟
ويتبقى الأسئلة
ماهي الأماكن التي يمكنني الذهاب إليها ليلا غير المولات والأسواق؟
هل يوجد تلفريك في أماكن أخرى غير جعيتا وفاريا وجونيا؟
هل ملاهي الحبتور مناسبة للزيارة في الشتاء الآن، وأين أضعها بالجدول؟
ومرة اخرى، أشكرك جدا على تفاعلك سواء في إجابتي أو في الردود الأخرى في المنتدى

1. اليوم الأول:

ولو تكرم عيونك

اليوم الأول:

صخرة الروشة نهارا ثم جبيل والكورنيش وركوب مركب، (هل هناك أماكن أخرى داخل بيروت يمكننا زيارتها في هذا اليوم؟)
اكيد في بس انا دايماً بالليل بحس انو الشخص هو الي بيحدد هالشي لأنو في كتير خيارات وفي اشخاص بيكتفوا بالنهار لهيك ما كتير علقت عالليل فيك مثلا تنزل عالكورنيش تتمشى في كتير مطاعم وكافيات وفيك تشوف سينما فيك تنزل عالسوليدير كمان التمشاية حلوة هونيك عندك خيارات كتيرة وانت عليك الاختيار
اليوم الثاتي:
جعيتا والتلفريك ثم الذهاب لفاريا للتزلج والعودة على جونية لمطعم مانويلا
ليلا:؟
جاوبت فوق
اليوم الثالث:
كفرحيم وبيت الدين ثم قلعة موسى وجزين (لا أعلم ما هي اماكن الزيارة فيها) ثم قلعة صيدا والسوق ومطعم ألحان
ليلا: السوليدير
جزين في شلالات جزين حلوة
اليوم الرابع:
البقاع والمرور بعالية وبحمدون ثم التزلج على جبل صنين والعودة على شتورا ومطعم الشمس
وليلا: صخرة الروشة والكورنيش
بصنين ما في تزلج بس فيك تستمتع بالتلج ولو ما حابب فيك تغيرها على فاريا يوم تاني
ويتبقى عندي يوم فاضي :frown:، هل أذهب إلى أماكن أبعد أم هناك أماكن اخرى قريبة يمكنني زيارتها؟
طلع على طرابلس انت وطالع في متحف الشمع قلعة طرابلس السوق فيها ولا تفوتك الحلاة بجبن من عند الحلاب فظيعة او عمول شو بينغ مثلا فيك كل النهار تقضيه بالأسواق وعشية تطلع على برمانا عندك مطعم منير كتير حلو وممكن تكون زرت مكان وحبيت تاني يوم ترجع عليه
ويتبقى الأسئلة
ماهي الأماكن التي يمكنني الذهاب إليها ليلا غير المولات والأسواق؟
هل يوجد تلفريك في أماكن أخرى غير جعيتا وفاريا وجونيا؟ لا ما في تلفريك إلا هونيك
هل ملاهي الحبتور مناسبة للزيارة في الشتاء الآن، وأين أضعها بالجدول؟ مسكرة ملاهي الحبتور سمعت انو بالصيف رح يرجعوا يفتتحوها
ومرة اخرى، أشكرك جدا على تفاعلك سواء في إجابتي أو في الردود الأخرى في المنتدى
تكرم عيونك لو حابب تستفسر عن اي شي تاني ابداً ما توفرني بالتوفيق ان شاء الله

عبير لبنان، حقيقة أعجز عن الشكر
وان شاء الله سأقوم بعمل الجدول النهائي بناء على مقترحاتك

النسخة المعدلة من جدول رحلتي إلى لبنان:
الثلاثاء:
الروشة (الكورنيش- مطعم بايروك)
جبيل (الكورنيش،مركب،القلعة،السوق)
الأربعاء:
جعيتا (المغارة،تلفريك)
فاريا (تزلج،تلفريك)
جونية (كورنيش،تلفريك،مطعم مانويلا)
نهر الكلب
الخميس:
جبل الشوف (محمية الأرز)
كفرحيم (المغارة)
بيت الدين (المتحف،مطعم باروك)
قلعة موسى (المتحف)
جزين (الشلالات)
صيدا: (القلعة، السوق، مطعم ألحان)
صور
الجمعة:
البقاع
عالية
بحمدون
جبل صنين (الثلج)
شتورا (مطعم الشمس)
الأماكن الليلية:
السوليدير، الروشة، الكورنيش، شارع الحمرا،مول abc ،أسواق شعبية، ساحة ساسين، الكسليك
ونأتي للأسئلة
سمعت عن مكان دير القمر ويقولون به آثار جميلة، أين أضعه في البرنامج؟
إذا كانت جعيتا مغلقة، هل ألغيها من البرنامج، أن أن بها أماكن أخرى غير المغارة؟

اخي بالنسبة لجدولك نهار الخميس ستمضي معظمه على الطريق لن تستطيع القيام بهذه الرحلات وتتمتع بها كون المسافات بعيدة بين بعضها البعض

ياسلام اختي عبير على مجهودك وترتيبك للجدول السياحي
يعطيكي الف عافية