السلام عليكم ورحمة الله وبركاته
أحبتي أعضاء بوابة الكويت الحبيبه , لقد عزمنا بإذن الله زيارتكم بعد عشرة أيام بالتحديد يوم 28يوليو بصحبة أفراد الأسره لقضاء بعض الإلتزامات والتنزه لمدة يومين إلى ثلاثة أيام ...
الذي أريده منكم بارك الله فيكم أن ترشدوني في هذا البلد الحبيب لأنني لا أزورها إلا قليلا ولفترات متباعده وبأوقات قصيره والدلاله لكم عليها ..
الموضوع وما فيه ..
اولاً: الشقق الفندقيه النظيفه وين أحصلها واللي أسعارها معقوله نبي شي نظيف الله يخليكم وإذا فيه أرقام لا تبخلون علينا .... ويا حبذا لو تكون قريبه من السوق اللي حنا قاصدينه ...
يمدحون بودل ويقولون في السالميه وزحمه والله مدري ...
ثانياً: ام العيال تقول إن عندكم سوق إسمه المباركيه أو بلكات المباركيه فيه خياطين وملابس وجلابيات وحاجاتٍ واجد والحريم يمدحنه ودنا نطيب خاطرها ونوديها يمه ..
ثالثاً : إذا عندكم حديقة حيوان ودي أودي العيال يمها وين مكانها ومتى تفتح من الساعه كم إلى كم ..
رابعاً: يا ليت الوصف يكون بإسم الشارع لأن عندي في جوالي خرائط نوكيا وتساعد بعض الشي ...
خامساً : اللي بيهتم في موضوعي أبدعيله إن الله يزوجه بالبكر اللي ما تالد ولا تحيض ..!!
والخوات أبدعيلهن إن الله يرزقهن الذريه الصالحه ويوفقهن دنيا وآخره ..
ونسيت بعد المطاعم الزينه النظيفه اللي فيها خصوصيه عائليه يعني ما يشوفنا أحد , ويمدحون قيصر مبطي يوم إني شباب تغديت فيه في الفروانيه ,
وكذلك ودي أشري قماش كم طاقه رجالي وين نحصله وش الأنواع الزينه والمحلات وأساميها واماكنها ...
وطولت عليكم سامحوني وإعذروني ...
أحييكم جميعاً واللي يبي يزور الشرقيه الدمام - الخبر يبشر بالسعد ...
والسلام عليكم ورحمة الله وبركاته