ياحياج الله يا اخت طمطماية وبتنور الكويت بوجودك
بالنسبه للسكن عندج سفير البستكي شقق عائلية ونظيفه
وعندج في منطقة دسمان شقق وايد حلوة وزينه واسعارها زينه بس بما انكم شخصين ليش ماتسكنون فندق افضل
اما بالنسبه للرحلة راح تكون تقريبا 900 كيلو اي بمعدل 8 او 9 ساعات بالسيارة
وبالنسبة للاقمشة ففي سوق مشهور عندنا بالكويت اسمه البلوكات فيه كل انواع الاقمشة ومكانه فيه سوق الديرة
ورحلة سعيده ان شا الله

حيا كربي أخوي زسكو
ومشكور يا الغالي على الرد ....
أول شي أنا رجال ... ادري الاسم مو مبين اني رجال، بس شسوي خلصت الاسامي :d
يا الغالي بالنسبة للشقق ... فما أدري كيف وضع الشقق في الكويت، يعني شقق العزاب تحتلف عن شقق العوايل .. ولا الوضع عادي ؟؟
وكم معدل أسعار الشقق باليوم ؟؟
بالنسبة للرحلة ... معقول 900 ؟؟!!
والله كثيرة توقعتها أقل ؟؟ اللي اعرفه انهاحدود ال 600 كيلو
طبعا بالنسبة للأقمشة أبي اقمشة بيضا ... هل هي في نفس المكان اللي قلت عليه ؟؟
أخاف اروح هناك احصل أقمشة حريم
شكرا لك عزيزي

هلا فيك ياخوي
اعتقد الوضع عادي بالنسبه للسكن واذاانتوا عزاب اخذوا لكم فندق افضل واريح لكم
وسوق البلوكات هذا اكبر سوق اقمشة بالكويت و فيه اشهر المحلات وافضل الماركات والخامات الرجالية تقريبا بلوك كامل
لنا للاقمشتنا
حياك الله مرة ثانية ياخوي واعذرنا على الالتباس
اخوك زيكو

اخى الكريم المسافة من الرياض الى عاصمة الكويت تقريبا 700 كيلو . وحياك الله فى بلدك الثانى