نشر في أكسفورد

جايه على لندن من امريكا من وين الفيزا

اعشق اسافر بعيد

23-03-2022 - 11:38 pm

السلام عليكم
انا جايه على لندن انشالله من امريكا بعد 3 اسابيع .. يعني لمده اسبوع الى عشر ايام ..ولكن نسيت موضوع الفيزا ..كيف ممكن تساعدوني بهالسالفه...مع العلم اني برجع من لندن الى السعوديه باذن الله ..
وسؤال ثاني ... احتاج اوتيل مكانه قريب من اكسفورد .. يعني بنفس المنطقه عشان نقدر نتمشى على رجولنا
اتذكر منذ مبطي كمبرلاند ولكن مدري كيف الحين اسعاره وحالته .. يعني موقعه كان ممتاز ..
مين ممكن يساعدني بحجز اوتيل ....
تحياتي

التعليقات (7)

D r e a m

24-03-2022 - 03:07 am

اذا انتي مقيمة في امريكا ماعليك خوف روحي بس السفارة البريطانية و شوفي طلباتهم و قدميها
لكن اذا انتي رايحة امريكا سياحة اصلا و راجعة مالك الا انهم يعطونك بالمطار فيزا ترانزيت 24 ساعة
وبالاخير اتصلي عالسفارة البريطانية في امريكا و خذي منهم الجواب الشافي

سلطان لندن

24-03-2022 - 04:08 am

عفوا ما راح تقدر تطلعين المطار للاسف
الا اذا كنتي امريكية او بريطانية الجنسية فقط
غير ذلك ما راح تسوين شي الا تنتظري اقرب رحلة للمواصلة رحلتك لسعودية
لايوجد نظام استخراج فيزا من المطار في بريطانيا

دمووع^الحزن

24-03-2022 - 05:09 am

للأسف ماراح تقدري تاخذي اي فيزا من المطار .. حتى 24 ساعه ماراح تاخذيها الا لما يكون عندك شيء يثبت انك راح تسافري في هالمده ..

اعشق اسافر بعيد

24-03-2022 - 06:10 am

دمووع^الحزن
حيرتوني .. انا لي3 سنين طالبه في امريكا وتخرجت السنه .. وحاليا برجع السعوديه عن طريق لندن .. يعني بجلس في لندن 10 ايام وبعدين ارجع السعوديه ...يعني ون واي (امريكا -لندن-السعوديه)

jibril79

24-03-2022 - 07:11 am

اذا انتي زي ماذكرتي طالبه في امريكا وتاشيرة الدراسه عندك ماانتهت روحي للقنصلية او السفارة البريطانية او اتصلي عليهم احسن واستفسري عندهم اذا ممكن تقدمي التاشيرة البريطانية من عندهم .
انا اتذكر انو اخذتها مرة من خارج جدة من قبل 10 سنين في المانيا عن طريق القنصلية البريطانية فيى مدينة دوسلدورف قدمت عادي واعطوني التاشيرة لانو القديمه عندي كانت انتهت.
ان شاءالله مسهله وبالتوفيق,

اعشق اسافر بعيد

24-03-2022 - 08:12 am

jibril79
انا تخرجت في شهر 6 والفيزا عندي 5 سنين ولكن الاي توني بينتهي في اوغست لاني ماحتاج امدد عشاني تخرجت... الاتصال عليهم مكلف الدقيقه ب3 دولار..
لكن هل تتوقع اذا رحت القنصليه بنيويورك راح يرضون يدخلوني بدون موعد ..
انا عبيت الابليكيشن الموجود بالوب سايت ولكن غرزت عند عنوان احد في لندن
ماعرف احد وحاولت احط عنوان الفندق بس ماقبل ... وقفت عند هاخطوه وماعرفت اكمل ...
هل عندك حل ..

jibril79

24-03-2022 - 09:14 am

طيب .... ممكن ترسلي الرابط حق الموقع اللي عبيت الابلكيشن منه؟

أكسفورد المسافرون العرب

جايه على لندن من امريكا من وين الفيزا