* صمت البوح *
حياك الله يا اخوي و عيدك مبارك و تقبل الله طاعتك

ماقصر اخوي ولد خمس نجوم
وهذا الرابط حق الفنادق
https://artravelers.com/p/re/320759

حياك الله يا ولد الرياض في ديرتك الثانية الكويت
ياهلا وغلا باهل الكويت الغالين
حبايبي جايكم ان شاء الله باجازة العيد وعندي بعض الاسئلة
اول مره ازور هالديرة الغالية وابي ازور كل مكان حلو فيها
مدة الزيارة ثلاث ايام
كم المسافة الى الكويت ؟
تقريبا 600 كيلو وشوي
افضل الشقق النظيفة الرايقة في الكويت عددنا 5 شباب ويكون سعرها معقول ؟
فيه فنادق ممتازه مثل فندق موفنبيك البدع + رجنسي البدع + فندق ومنتجع شاطئ النخيل البدع
البدع منطقه ساحلية معروفه
والفنادق واجد لكن هذي راقيه وفيه اقل درجات ما عندي خبره عنها ..ولك الخيار
اول مره ازور الكويت وابي احسن مكان للسكن خاصة للشباب ؟
مسرحية طارق العلي ودي طريقة قص التذاكر من الرياض و متى عرضها وهل ستستمر الى 8 / 10 ؟
سمعت ان الحجوزات فل ( يعني طق عصي ) .. لكن مايمنع روح واسأل عن طريق فندقك اماكن الحجز والعرض
احلى الاماكن للزيارة خاصة االشباب ؟ لايكون بعد بتقولون عوايل مثل الرياض
عندك مجمعات مثل مجمع الافنيوز + مجمع 360+ مدينه مائيه الاكوابارك + حديقه الشعب الترفيهيه + المدينه الترفيهيه + مجمع المارينا مول وكل المجمعات عائليه وشبايبيه وفيها سينما شغاله الى منتصف الليل ..
تحياتي يالغالين
تحيتي لك ورحله سعيده انت وربعك

1. بس لاتكشخون في هاليوم واايد وراكم لعب


2. اليوم الثاني


3. الصبح اتريقون في الفندق اتسون ريوق بيتوتي


4. اليوم الثالث


5. اليوم الرابع


6. بعد الريوق اتروحون الفندق اتريحون اشوي لان وراكم رحله بحريه

جدول بسيط :
اليوم الاول
الصبح اتريقون على 9:30 او 10 مطعم لونوتر في مول 360 منطقة جنوب السره على الدائري السادس ريوقهم وايد حلوو بوفيه وبعد الريوق اتمشون واتسوقون في المول وسمعت توهم فاتحين لادوريه كافيه عندهم خوش ماكروون

بس لاتكشخون في هاليوم واايد وراكم لعب

عقب ما اتخلصون سوق وتمشي اتغدون في مطعم B+F (امريكي ) اعتقد بس وايد لذيذ ،، عقب اتصلون العصر في المول وتتجهون منطقة صبحان المنطقه مقابله لمنطقه جنوب السره وتروحون نادي الصيد والفروسيه ترمون اشوي وتركبون الخيل الدائري السادس بجانب مستشفى القوات المسلحة http://www.facebook.com/group.php?gid=54325662250
ورقمهم 24717271
وبعدين المنطقه اللي بجنب صبحان والمطار منطقه الضجيج تروحون وتسابقون سيارات PRO KART هذي خريطتهم ورقمهم 90096121 فاتحين من 10 ص لي 12 مساء
http://www.facebook.com/photo.php?fbid=146680515364330&set=a.146670982031950.21198.146408922058156
بعد ما اتخلصون تروحون الفندق تريحون وبعد صلاه العشا تروحون منطقه البدع ، شارع التعاون عند الفنادق موفنبيك وشيك وريجينسي قعدات خارجيه كافيهات ومطااعم اتعشون في مطعم المياس ( لبناني ) داخل منتجع شيك يطل على البحر الاكل حلو والقعده حلووه ،، او المطعم الايطالي ما اعرف اسمه اعلانه بالمقلوب يمه جافا ديتور كافيه ... وبعدين اتحلون في شوكلت بار عند الموفنبيك ..

اليوم الثاني

الصبح اتريقون في الفندق اتسون ريوق بيتوتي

نخي وباجيلا وخبز ايراني جبن وخيار وزيتون من هالسوالف على اذان الظهر اتصلون واتوكلون على الله على شارع الخليج صوب مطعم فرايديز او مطعم شليز اتأجرون جت سكي وتستانسون في البحر بعدها ترجعون الفندق اتريحون ساعه وبعدين تختارون مطعم اتغدون فيه وعقب تروحون ( المدينه الترفيهيه ) لاخلصتوا منها ورديتوا ،، توكلون على الله باتجاه مجمع الافنيوز على الدائري الخامس اتسوقون واتمشون فيه او تدخلون سينما ..العشا في نفس المجمع مطعم NAPKET ايطالي وحلو او مطعم رايس (شبه كويتي ) او فيلا فيروز (لبناني )

اليوم الثالث

الصبح الريوق على 10 في اي مطعم من مطاعم مارينا كرسنت اللي على البحر واتمشون بعدها فب المارينا مول وتدخلون سيناما اذا حابين وحزه العصاري يمكم مطعم فريج صويلح اتغدون فيه ..
بعد الغدا تروحون الفندق اتريحون وتطلعون على 4:30 نتوا داخل الابراج اتشوفون الكويت من فوق وبعدين تنزلون تحت الابراج تلعبون paintball حرب الاصباغ اللعبه واايد حلوه اذا كنتوا قروب تلعبون ضد قروب واذ شخصين تقدرون تدشون مع قروب هذا سايتهم http://www.paintball-kuwait.com/
وبعد صلاه العشا تختارون تروحون مسرحيه او حفله .. وراح تلقون في الجرايد اليوميه ..
واذا ماتبون جذي تقدرون تروحون مجمع الصالحيه راقي وكله ماركات في مدينه الكويت شارع الجهراء اتمشون فيه وبعدين اتعشون في جوني روكتس (امريكي) بره مع المطاعم اللي عند النافوره ..
او تروحون منطقه فحيحيل تاخذون الخط الساحلي في مكان اسمه سبونز كله مطاعم وكافيهات حلوه القعده فيه منها اتعشون واتحلون ..

اليوم الرابع

تروحون مدينه الكويت وبالتحديد منطقه دسمان (شرق) يم مجمع دسمان برج مشعل ، تحت مطعم baking try مقابل مطعم نواره . اتخلي برج الحمرا يمينك واتكمل سيده بعد الاشاره راح يبين برج مشعل وفيه المطعم .. ريوقهم واايد حلو ..

بعد الريوق اتروحون الفندق اتريحون اشوي لان وراكم رحله بحريه

عندكم مكتب سلسان لتأجير اليخوت هذا سايتهم http://www.silsan.net/New/charter.php ، مكانهم شارع الخليج بجانب مطعم مركز سلطان اتأجرون بروحكم من 1 – 4 على كيفكم جم ساعه تبون وتقدرون تروحون وتشوفون الجزر الكويتيه او يتمشى فيكم في الديره ما يطلع على الجزر انتوا اللي تختارون.
بعد ماتردون على المسيان وتريحون اتعشون في مطعم ساسو saso نفس مكان الريوق الجهه المقابله ل baking try ، بعد العشا تكونون حاجزين فيلم في 360 مول ..
وحياكم الله

تسلم حبيب قلبي وفيت وكفيت يالبى قلبك