يا هلا فيك في بلادك قطر وزياره سعيده أن شاء الله
بنسبه الي الرحلات البحريه ممكن تروح رحله صيد عن طريق الفنادق التاليه
1 - فندق ومنتجع شراتون الدوحه
2 - فندق الفور سيسن الدوحه
3 - فندق الريتز كارلتون الدوحه
بس ماعندي فكره عن تنضيم الرحله ولا عن الاسعار
بي اخبرهم ينضمون رحلات بحريه لنزلاء الفندق او من يريد
وايذا وصلت الدوحه أن شاء الله تقدر تستفسر منهم وترتب رحلتك البحريه
اما بنسبه الى الجديد في المدينه الترفيهيه في قاعة المعارض باقي سبوع على انتهأ المعرض
انصحك فيه راح تستمتع أن شاء الله
وهاذا تقارير عن السياحه في قطر من اماكن سياحيه ومطاعم راح تفيدك في تخطيطك للرحله
https://artravelers.com/p/re/283370
واي خدمه احنا تحت امرك الغالي

الله يعطيك العافية.. مشكور ومتميز مثل اسمك
راح أسأل عن الفنادق اللي ذكرتها، لكن كنت أتمنى إذا أحد يعرف أحد المكاتب غير الفنادق.
الفنادق زي ما أنت عارف راح تكون أسعارهم خيالية، وبالنسبة للمعرض هل ممكن تعطيني الإحداثيات أو اسم الشارع عشان أقدر أوصل؟
الله يبارك فيك والجميع

موقعه الغالي في شارع AL ISTIQLAL ST.جنب لافته في الخريطه مكتوب عليها 13
وبحث في الخريطه عن اسم الشارع الي وضعته لك ورقم 13 مقابل الشارع هاذا بضبط موقع المعرض
http://www.explore-qatar.com/goodies/DOHAMAP.PDF
واي خدمه احنا تحت امرك

يعطيك العافية يا خبيرنا..
أنا الحين في الدوحة وساكن في فندق رائع (حتى الآن.. هع هع هع) وهو فندق سويس-بل
الفندق أربع نجوم لكن خدمتهم خمس نجوم، وغرفهم ست نجوم ههه.. بصراحة الغرف أثاثها جديد وكبيرة بشكل مو طبيعي
البعض يمكن يتوقع اني أبالغ لكن من خبرتي القليلة هذي أكبر غرفة سكنت فيها في فندق، لاحظوا أني أقول غرفة ما قلت جناح
اليوم زرت فيلاجو وتغديت مع أم نايف في المطعم الجنوب أفريقي اللي اسمه.. آآآ.. ايش؟ نسيت
فيلاجيو حلو كثير لكن عيبه مافيه سينما حتى الآن، انطلقت بعده على اللاندمارك وهو مول صغير ولكن أهم شي فيه سينما..
عيب السينما بصراحة أنها صغيرة من ناحية عدد القاعات، لكن أحسن شي ان القاعات فاضية :-)
شفت الليلة فلمين:
1- The boat that crocked أو اسم قريب من كذا، فلم كوميدي بريطاني.. يمشي حاله ولكن مقطعين فيه الرقابة ولا بقى منه إلا ربعه الظاهر ههه
2- Largo.. لارغو مدري ايش، فلم خطير للي يحبون الأكشن مثلي
طبعاً لحد يقول لي بطولة مين مابطولة مين، ما أعرف ولا ممثل لأني ما أتابع كثير
تصبحون على خير، ومعليش غثيتكم بلا فايدة يمكن، بس حبيت أنزل اللي في راسي

احسنت الاختيار بنسبه للفندق فعلاُ الفندق جديد والحمدالله انه اعجبك
وأستمتع بقطر
واي خدمه احنا تحت امرك

حياك الله فبلادك الثانيه
واذا تبي سينما اكبر من سينما الاند عندك سينما الستي
وان شاء الله تعجبكم الدوحه

مرحبا فيكم يابو نواف تنورون قطر
حبيبي تحصل في الفنادق ممكن اول ماتوصل تتصل على استعلامات 180
وتطلب الفنادق او المكاتب سياحية
بس اللحين حر وايد انصحك لما الجو يكون اوكي
وفي رحلات سفاري لمنطقة طعوس على البحر بسيلين