**Abu Faisal**
31-12-2022 - 01:27 am
فيه جامعتين ارسلوا لي الاوراق بالدي اتش ال امس وان شاء الله السبت بالكثير بتوصل السعوديه.
الجامعه الاولى: University of Toledo
جاني منهم قبول مشروط والاي 20 حقتهم من معهد اللغه اللي بالجامعه
الجامعه الثانيه: Florida Institute of Technology
جاني منهم قبول نهائي والاي 20 حقتهم من نفس الجامعه
شرايكم اي وحده اختار. ولا اوديهم للوزاره وهم يختارون؟؟؟ المشكله اني الاسبوعين الجايات كلها بكون خارج السعوديه فهل يا ترى ينفع لو اعطي ولد عمي الاوراق كلها وهو يروح للوزاره علشان اصدار التوصيه للسفاره لأن أنا شخصيا ما راح يمديني اروح لاني مثل ما قلت بكون خارج السعوديه لظروف خارجه عن ارادتي وراح ارجع قبل موعد المقابله مع السفاره بكم يوم؟
واذا عطيتها اياه من يراجع بالوزاره صالح آل الشيخ ولا الدكتور الحميضي ولا مين بالضبط؟ وهل شغله اصدار التوصيه تطول وفيها تعقيد ولا شغله روتينيه عاديه؟
بالنسبة للحيرة بين الجامعتين فاعتقد بانها محلولة بحيث اني حسب ما سمعت اذا مو غلطان انها اغلق الابتعاث اليها بسبب العدد الكافي المبعوث اليها ولكن أنا شخصيا أنصحك انك تروح بنفسك وتتاكد.
اما بالنسة لي هل لازم تروح انت شخصيا حسب ما اعرف لا ولكن ايضا يفضل انك تروح بنفسك حتى اذا صار في اشكال او شيء تستطيع توضيحه لهم اما اي شخص اخر غيرك ربما لن يستطيع الرد هذا من جهة ومن جهة اخرى حسب علمي أن روحت الوزارة يبي لها شغلة وطولت بال من كثرة الزحام وربما ايضا اللخبطة وسوء الانتظام وشخص يقولك روح لهذا الكتب واخر يقول لك لمكتب اخر و يمكن ود عمك او اي شخص اخر يطفش وما يكمل الاجراءات فانا اقول اذا سفرتك اهم سافر واذا كان الابتعاث اهم لا تسافر.
أما من جهة تروح الى من فاللي اعرف اول لازم يشوف الاي تونتي دكتور(يمكن يكون المقصود هو الحميضي) ثم اذا وافق تروح توقع الاي تونتي ايضا من صالح ال الشيخ حتى يصدر واالضمان.
اما الوقت اللي يحتاج حتى يستخرج الضمان الموجه للسفارة فاعرف شخص راح يوم السبت وقالوا له تعال يوم الاثنين ولكنه اخذه يوم الاحد
مع الشكر الجزيل والتوفيق للجميع