اول شي كم معدلك العام ؟
GPA
من شروط دراسة الماجستير في معضم الجامعات ان معدلك لا يقل عن 3.0 من أصل 4.0 و لازم تحافظ على درجات الدراسة فوق B في كل المواد ... بعدين جامعة هارفرد من أقوى الجامعات و أصعبها .. و اذا لفتك ما كانت جيدة و بالمستوى المطلوب ... ممكن تواجه صعوبات كبيرة أثناء الدراسة .. و لكن أنا أعرف و أنت تعرف أنه ما في شي مستحيل فالدنيا
فالك التوفيق ان شاء الله

no nick
الغالي انا تقديري جيد في اليسنس القانون وانا خريج اكاديمية شرطة دبي اما من ناحية GPA ما ادري كم يمكن 2,5 لكن انت تقصد المعدل التراكمي للدراسة وهل الشروط نفسها لكل التخصصات مع العلم اني ناوي على علوم سياسية .
وناوي على الماجستير ان شاء الله بس انتظر الموافقة على المنحة وبدرس لغة وبحاول اشد حيلي في اللغة مع ان اللغة في الوقت الحالي عندي ضعيف بس عندي طموح ان شاء الله اجيب تخصص مش موجود عندنا ان شاء الله وعيني على هذي الجامعه لان التخصصات الي فيها عجبتني وحمستني الصراحة .

اخوي no nick ابي بعد تنصحني لدراسة الماجستير علوم سياسية الجامعات التي تصلح لهذا التخصص وتنصح بها؟

بالنسبة لجامعة هارفرد مثل ما قلتلك اخوي لازم المعدل التراكمي يكون 3.0 فأعلى و انت معدلك أقل من هذا الشي و لكن
انت ادرس اللغة في الوقت الراهن .. و خل هذا الشي هدفك الحالي و ركز عليه.. و بعد ما تخلص و تصير بلبل ان شاء الله .. قدم على عدة جامعات و ان شاء الله تحصل قبول
بالنسبة للعلوم السياسية بكل أمانة ما أقدر أفيدك لاني ما اعرف بس سمعت ان جامعة جورج واشنطن و UCLA من أفضل الجامعات في العلوم السياسية
و حتى لو تختار اي جامعة تكون مقبولة في التعليم العالي و معتمدة من الدولة توكل على الله و ادرس فيها

تسلم اخوي no nick على التجاوب معي وان شاء الله الهدف موجود والعزيمة موجودة
هل تقصد UCLA جامعة كاليفورنيا في لوس انجلوس ؟