سلام للكل انتم بجد ماتقصرون على الفزعات
مثل ماقلت انا ثاني مره بروح لندن بس هالمره احس غير لانها بالشتا
المره الاولى كنت ساكنه في ثستل ماربل آرج موقعه استراتيجي بس غالي
هالمره كلها بس يومين ودي اقعد بمكان قريب من الاكسفورد السوق ورخيص شنو تنصحوني فيه؟؟
لاتقولون شوفي الروابط لا ابيكم تذكرون لي فندق رخيص وكويس
بالنسبة للباصات تقعدت في البداية الاستخدام بعدها صارت خبرة عندي فيها
وبغيت اسأل وين شارع الريجنت ماشوفه والبيكاديلي شنو فيها سوق؟؟؟
شنو اسواق سلون ستريت وين احصلها؟؟
انا اللي جيت بس الهارودز والاكسفورد طويل يمين ويسار والبكاديلي ماشوف غير دوار وبس
ورحت للعين ورحت توسو والباص المكشوف اخذت جولة فيه ورحت للقصر وتعنيت للسفاري بس كانت موشي مو نفس شرق آسيا ورحت للشبربوش طبعا وغير الهايدبارك وتجمعنا فيها والريجنت بارك بعد
ياريت تقولون لي شنو الشي اللي مازرته في لندن عشان ازوره هالمره
اتمنى سرعة الرد لاتخيبون ظني فيكم يا اهل الفزعات مابقى غير اسبوعين عن السفره
اي بالنسبة للحجز الفندق شرايكم من هناك احجز ارخص ولاشنو؟؟