أسار
21-05-2022 - 05:19 pm
السلام عليكم ورحمة الله وبركاته . ولله الحمد رحت سوريا يوم الثلاثاء الماضي وتوني راجع وأنهيت شغلي ولله الحمد على التوفيق . سويت تنسيق مع المستشفى قبل ذهابي ورحت إلى دمشق وحولت الفلوس إلى المستشفى وبعدها جا الدوا عن طريق تاكسي متعاملين معاه (غالي شوي ) بس يستاهل في ضل ها الاوضاع . الحمدلله . (ودي أخبركم إن الوضع في دمشق مايطمن . سكنت في الميريديان وبالمطاق حصلت على غرفة حاجزها من الرياض بالواسطه . فوضى ماشفت زيها بالفندق أذكره هادي ومافيه أي صوت بس اللي شفت غرف وأجنحه مفتحه على بعض وأطفال وشغالات في الممرات إزعاج تذكرت بيتنا ياصار فيع عزيمه . حتى بهو الفندق كله نازحين وفيه بعض العوائل تبكي . مشهد والله يبكي . التلفزيونات كلها على قناة العربية . حالة ترقب من الكل . طلعت أتغدى في بلودان على بالي ماشفت إلا عوائل خليجية قليلة ماتقارن في العام الماضي ولا ربعهم رغم ان الجور روعه . تغديت في جنة بلودان ورجت علا طول . المهم أنصحكم ماتروحون لأن الوضع شوي مشربك حتى السهرات أكثر اغانيها عن حزب الله ولبنان (تشجيعيه وهذا طبعاَ شي طيب ) رجعت اليوم الجمعه العصر وتراهم محولين الرحلات السعوديه وأعتقد الخليجيه بعد إالى صالات الحجاج . أنواع الفوضى بغيت اطلع الطياره بدون ختم الجواز . خذي كل السالفه وآسف علا اللإطاله بس مره ثانيه أنصح اللي بيروح يدرس الموضوع شوي . وشكراَ لكم .... :x1: :x1:
