1. الاخوة الاعزا ..... السلام عليكم ورحمة الله .

بسم الله الرحمن الرحيم

الاخوة الاعزا ..... السلام عليكم ورحمة الله .

والمعذرة منكم لاني تاخرت في الرد وموافاتكم بالاخبار من ارض الحدث .. لكن اخوكم مايعرف الا محل واحد لنت في الرباط (بشارع فال ولد عميره ) الباقيه اللي اجيها الكيبورد فيها فرنسي .
مزعلني كلام اخوي الخير وكنه مكذبني ان الجو مزيان بالزاف في الرباط مادرى انه جالس بقدر ضغط (51 ْ ) ,, ياخوي الله يعطيك العافيه حنا بالليل في الرياض ماوصلت 30 ْ درجة وانت تقول حر في الرباط وابشرك اغلب الايام الضهر بشاطئ تمارا والله ماونست هالحراره اللي اشتكيت منها وانت بالسعوديه .
اعتقد هالموضوع مايهم بالحيل فقط لتوضيح .... واكيد فيه ناس متحمسين للوضع في الرباط وكازا عموما انا واصل يوم الاثنين الفجر في مطار جده .
اخذت حوالي خمسة عشر يوم في الرباط وثلاثة ايام في كازا والله مامر علينا مضايقات ابداا ولاحسينا ان فيه مشكله .
فيه شباب راحوا الى اقادير وبعد يومين رجعوا لرباط وهم اللي خلوني اهون عن الروحه لمراكش و لقادير ماذكروا ان صار لهم مشاكله لكن يقولوا الوضع مو مثل اول يعني فيه حرص شوي خصوصا خارج الفندق .والمقاهي اللي ع الشاطي يقولوا ماهي مثل اول.
الوضع في كازا طيب سكنت في فندق عبر المحيط وسط المدينه (اربع نجوم ) ثلاثه ايام . برنامجي في كازا متشابه تقريبا ويتخلله بعض التحويسات , بالغالب اكون العصر بميامي وبعد المغرب فنجال قهوة كاحلة بمقهى ميامي والعشاء ننزل تحت على الشاطي مقابل ماكدونالدز جلست زينه (ولاني معلمكم باسمها ) ونتعشاء في ماكدونالدز وبعدها نروح نسهر.
اكثر شي يضايقك في الشاطي اللي يشحذون .
ماقابلت احد في كازا ولا في الرباط وسألته وقال صارت لي مشكله . حتى اللي جايين من اقادير .
الموضوع مضخم شوي . اللي انصح به بكازا انك لاتسكن في شقق ولا في اماكن مشبوهه .
ولا تشيل معك ركاب في الطاكسي وخلك لحالك لان الدرك يسترزق بالصيف .
هذا باختصار شديد لرحلتي المباركة(لو اسردها كلها راحت عليكم السفريه وانتم تقرون ) والعوده للمغرب في عيد الاضحى ان شالله . ولوني حاس الوضع خطير كان حذرت الاخوان ولا سافرت هالسنه.
اخوكم
العريباني