أولاً ....... تسعدنا زيارات الأخوة في الخليج لقطر و حياكم اللة
ثانياً ........ فعلاً و معاك حق بملاحظة الأسعار يا سيدي احنا القطريين يدوب عارفين نمشي إمورنا من زود ارتفاع الأسعار كل شي عندنا صار بأسعار تضاهي أسعار أوربا و يمكن أكثر
المهم ......... اقترح عليك و على أي حد يبي يزور قطر يحجز الفندق عن طريق مكتب من الدوحة يعني حجز داخلي أنا مره حجزت لصديقتي و زوجها غرفة بالريتز كارلتون ب 870 ريال ........بالتحديد شهر نوفمبر اللي فات.
و كانت حاولت تحجز من مكتب من الإمارات طلع عليهم السعر 1250 ريال ............ شفت الفرق
لذلك انصحكم تتصلون على مكتب بقطر و تحجزون اتوقع يطلب الفيزا ما أدري كيف ممكن تحلونها معاهم بس هم أسعارهم أوفر بكثير ............ المكتب اللي جربته و عطاني اقل سعر كان ألفا تورز .... و هذا رقمهم ت/ 4344496
و على فكرة مو شرط تكون قطري علشان تحصل هالاسعار حتى لو خليجي بيعطونك نفس السعر
جرب دق عليهم و شوف.

الحمدلله رب العالمين اهم شيء انكم استمتعتم في الدوحه
واسفرت وانورت

هلا وغلا بكم في قطر
واسعدني انكم استمتعتوا بكل شيء
وبخصوص الاسعار نفسها في كل دول الخليج
والاسعار اظنها نفس اللي بالبوابة بخصوص فنادق الخمس نجوم وغيرها
زالله تصدق عاد اللي نخسرة في فنادق دبي باسبوع نخسرة في فنادق لندن في اسبوعين

صحيح كلامك اخوي
انا ما اعرف من اللي اعطاك الأسعار في المنتدى
بس كان المفروض تتأكد قبل ماتجي
عشان ماتنصدم
وشكله الأسعر اللي في المنتدى حق 4 سنين قبل
وأنا رأيي اذا تبي تسأل احد عن الفنادق لا تسأل أهل البلد نفسهم
اهل البلد ممكن يعطونك أسماء الفنادق ومواقعها، بس بالنسبة للخدمة والغرف والأسعار صعبة يقولولك
لأنهم مايسكنون فيها (مع اني شفت بعض الناس من اهل البلد يسكنون في فندق في نفس البلد، قال تغيير قال)
وأعتقد ان أسعار الفنادق في قطر من أغلى الأسعار في الخليج

وشو هذي اسعارهم والله مصيبه الاسعار مرتفعه انت سكنت بوسط الدوحه وخمس نجوم ولاكيف ياليت تعطيني التفاصيل لاننا يومين ورايحين الدوحه وتفاجات لما قلت لنا الاسعار

مرحبا بكم في الدوحة .. وبالنسبة للأسعار فأعتقد بأن الفنادق في الخليج أسعارها مرتفعة ، فقبل فترة بسيطة كنت في الرياض وكان سعر الغرفة الواحدة 1300 ريال في الليلة . .
بانتظار اتحافنا بالمزيد من ملاحظاتكم القيمة عن دوحتنا الجميلة .

haya
اخي الكريم
سعر جناح ملكي في فندق الانتركونتينتال في قلب العاصمة الرياض الليلة ب 860 ريال
جناج ملكي
اسعار الفيصلية والمملكة (الفورسيزن) في حدود ال 600 ريال للغرفة
حتى دار التوحيد انتر كونتينتال مقابل الحرم المكي الشريف في ليالي العشر من رمضان
ماتوقع توصل لهالمبلغ اللي قلت
اذا جيت الرياض مرة ثانية وتبي فنادق خمس نجوم واربع نجوم راقية وفي وسط العليا افضل حي فالرياض مثل (هوليدي ان العليا,, الواحة ,, الاندلسية) مايتعدى ال 350 واذا كثر 400
واذا بتلف على الدائري شمال وشرق وغرب وجنوب بتحصل أكثر من 50 شقق مفرووشة فخمة وتستاجر غرفتين ومطبخ وحمام ب 140 ريال ,,
اتمنى اكون وضحت لك الصورة

اي والله اسعار الشقق المفروشه في قطر جدا مرتفعه
لاننا عائله كبيره نروح مع اخواتي وعيالهم نعاني من هذا الارتفاع
وخاصه اننا نحب قطر ونحب زيارتها

الأخ الفاضل سلم الطائرة ..
إما أنك من أهل الرياض ، لذا فأنت لا تسكن فنادقها فلا علم لك بأسعارها ، ،،،
وإما أن هناك أسعار خاصة للسعوديين وأخرى لغيرهم !! ، ولا أستطيع أن أوافقك الرأي لأنني أتكلم عن تجربة مررت بها قبل فترة بسيطة من الزمن ، فشقق رويال سويتس في العليا كانت ب 850 ريال للغرفتين في الليلة الواحدة ، أما بقية الفنادق الفخمة الأخرى في العليا فقد كانت مشغولة ولم نحصل على غرفة فيها وكان سعر الغرفة في معظمها يتجاوز الألف ريال ، والانتركونتتنتال كان السعر كما ذكرت ( 1300 ) ولأننا من حملة البطاقة الخاصة بالأعضاء وبعد محاولات عدة تم خصم السعر قليلا ليصبح ( 1000 ) ريال للغرفة وليس للجناح .
وقبل أيام كنا في الخبر في فندق كورال والذي لا يرقى لمصاف الفنادق الفخمة فكان سعر الجناح بغرفة وصالة في الليلة الواحدة بألف ريال ، وقبلها كنت في زيارة خاطفة للبحرين والتي كانت فنادقها محجوزة بالكامل بسبب مؤتمر ما فبعد جهد تمكنا من حجز شقة بغرفة وصالة ومطيبخ بألف ريال في الليلة في إليت السيف .
أنا أتحدث عن تجربة مررت بها ، وأرى بأن الغلاء يلتهم كل شيء في طريقه في خليجنا العامر .