أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
ابو نزيه
ياهلا يابو نزيه ومرحبا مليون ..
حياك الله وربي استفدة منك الفتره الماضيه ولا يهونون الاخوان والله ماقصرتوا وماشين على التعليمات ..
صحيح من يمشي عدل يحتار عدوك فيك ..
الواحد يرتب يبي يكون كل شي ممتاز ونفس ماخطط ..
منور موضوعي ابو نزيه ولا تحرمنا هالطله ..
معليش ع المداخله >> بس انتو رايحين ع النمسا مباشرة
والا راح تمرون دول قبلها ؟؟؟
لأني لمن جيت اطلع رفضوا >> والسبب وصولي راح يكون عن طريق ألمانيا
حتى الأمانية رفضت لأني ماراح اجلس فيها كثر النمسا
وش العمل
أخوي A 7 S A S
وأخوي abofa9
مبروك لكم تقديم الأوراق
والله يسهل اموركم
وأسأل الله ان يبلغنا رمضان
كما أسأله صيامه وقيامه خالصة لوجهه الكريم
وأسال الله واتمنى لكم سفرة موفقة وسعيدة
ودعواتكم الصادقة بأن الله يوفقني بزواجي في العيد ان شاء الله
وانا ما سويت الا الواجب
واشعر بالسعادة لأنكم استفدتم من موضوعي
واأسال الله ان يجعل ذلك خالصا لوجهه الكريم
أخوكم
أبوتميم
الحمد لله وصلت للشرقيه توي من الرياض وأبشركم خلصت أموري للفيزا اليوم الصباح راحت علي نومه ولاجيتهم ألا الساعه 9 ونص وخلصت أموري وطلعت من عندهم 11 وربع وكان دوري 16 وبعض الأخوان كانت أوراقهم ناقصه ومشى الدور بسرعه وانا خايف حيل مع أن أوراقي تمام التمام ومرتب كل شيء بالضبط المهم صراحه تمنيت اروح للمصريه ماأدري ليه خفت من اليماني مع أن أوراقي كامله بس اليمني لو كنت مخطيء بشيء بالأستماره حط عليه أصفر وقال عدل هاذي وينادي اللي بعدك ويروح دورك عليك والحمد لله رحت للمصريه وراجعت الأوراق وأكثر مادققت عليه كشف الحساب وختم البنك وتواريخ تأكيد الحجوزات(فندق فندق ) وطلبت مني 644 ريال رسوم الفيزا لشخصين نصائحي 1- عبي الأبلكيشن كامل لاتنسى فقرة الداعي اللي بالصفحه الثانيه على ماأعتقد سؤال 30 أو 31 أكتب فيه أسم أول فندق والأسئله اللي بعده عنوان الداعي يعني عنوان أول فندق وتلقاه مكتوب دائما عنوان أي فندق تحت تأكيد الحجز أنقله وأكتبه وأرقام تلفونات الداعي والفاكس والأيميل يعني رقم تلفون الفندق والفاكس وأيميله لاتنسى تكتب أسمك الأول بالأنجليزي خلف الصورتين اللي مقاسها 3ونص ب4ونص وتحطها بمشبك فلوسك خليها جاهزه توقيعك بالأستماره نفس اللي بالجواز (الصفحه الثالثه) فيه واحد ردوه عشان ماختم تعريفه حق العمل من الغرفه التجاريه (((تعب نفسه والشغله كلها 25 ريال ختم من الغرفه التجاريه وخمس دقائق أنتظار بأي فرع بالغرفه التجاريه )))) يدققون على تاريخ الميلاد المكتوب في تأمينك الطبي هل هو مشابه لتاريخ الميلاد بالجواز أو لا بعضهم يخطيء بالتاريخ الله يسهلها عليكم وترى الشغله سهالات أذا الواحد جايب الطلبات كلها بالتمام شكري وتقديري لصاحب الموضوع اللي أتوقع أنه قابلني ((أنا الوحيد اللي كنت لابس جينز عرفتني )) شكري وتقديري لمشاعر شاعر شكري وتقديري للتفاصيل الدقيقه وسعة صدره العضو المميز ((((عالي مستواه )))) ابو تميم اللي كان موضوعه مهم لكل من يبحث عن معلومات التقديم للفيزا تحياتي لكم
وبصراحة أنا مثلك استفدت من موضوع أخوي عالي مستواه كثيراً ، وقدمت اوراقي الاسبوع الماضي
تحياتي لك
أبو فهد