Sara/07
بصراحه كلام يخوف
انا جوازي موجود عند السفاره اليونانيه
لكن اعتقد ان اللي نقلك المعلومه ما عنده سالفه
روحي وان شاء الله دربك خضر

Sara/07
كلام غير واضح وغير مفهوم بالنسبة لي

aboaziz
مزيد من التوضيح
الموظفه بنفسها قالت انه لازم نسوي فيزا سويسريه بالاضافه للتشينجن اذا كنا نبي نروح سويسرا
السبب على قولتها انه مدة الفيزا التشينجن اللي سووها لنا شهر والمفروض انها لازم تكون 3 شهور عشان يصير انه ندخل سويسرا
الحين ما نعرف شو نسوي: مره نقول نلغي سويسرا ونكتفي بالنمسا.... بس انا خاطري بانترلاكن
وأحد يقول نسوي فيزا سويسريه بس قهر خصوصا اني شايفه السبب سخيف وماله اي داعي :112:
شوو رايك يا بو عزيز؟؟ نطنشهم ونروح جذي ع البركه ولا من شاف ولا من دري؟
علما انه الوصول والرجوع للوطن بيكون من النمسا

Sara/07
عطيني فرصة اكلم القنصل السويسري عندنا غدا صباحا بإذن الله
هذا كلام غريب شوي

aboaziz
تسلم يا بوعزيز ما تقصر
حبيت اضيف نحن من الامارات
ونحن ف انتظار ردك بفاارغ الصبر

Sara/07
حبيت اطمئنكم لدخول سويسرا المطلوب هو ان يكون المسافر وقت دخول الأراضي السويسرية ان يحمل معاه فيزا شنقن سارية المفعول ومتعددة الدخول (ملتي)
لم يحدد يوم او شهر او 3 أشهر
هذا الرد اللي جاني من موظف العلاقات الحكومية والتأشيرات في مكان عملي
وهذا الشيء اللي كنت متأكد منه وتأكدت أكثر منه
ان شاء الله يجيني الرد رسمي من القنصلية خلال يومين وساعتها راح نتأكد أكثر

تكلمت اليوم مع مكتب السفير السويسري في ابو ظبي
وشرحت الوضع بالضبط وقال لي ان الوضع بالنسبة للأمارتيين مختلف
وكلامكم صحيح 100% (كلام الموظفة)
قال إن الإماراتي الجنسية لابد أن يكون معاه فيزا شنقن صالحة لمدة 3 شهور ومتعددة حتى يتمكن أن يدخل سويسرا
حولوني الى قسم الفيزا وتحدثت مع الأخت المسؤولة وطمنتني ان الموضوع سهل وبسيط وسريع والفيزا تخرج خلال ايام
ارجو الإتصال لمعرفة الطلبات والمرفقات 0097126274636
وفيكي البركة انك نبهتينا لمعلومة جديدة ومهمة
وبالتوفيق إن شاء الله

قال إن الإماراتي الجنسية لابد أن يكون معاه فيزا شنقن صالحة لمدة 3 شهور ومتعددة حتى يتمكن أن يدخل سويسرا
أخوي أبو عزيز من كلامك فهمت أن هذا خاص بالاماراتيين ولايشملنا نحن السعوديين . فهل هذا صحيح ؟ وإلا نفس النظام علينا جميعاً !!
لأني بصراحة طالع بعد عشرة أيام لسويسرا والفيزا معي شنجن من اليونانية .
أرجوا التكرم بالتوضيح بارك الله فيك .
تقبل تحياتي .

الونيس
كم مدتها ؟؟
اذا 3 شهور مافي مشكلة
غدا بإذن الله راح اروح للقنصلية السويسرية واستفسر اكثر
هل هذا الشرط يشمل جميع دول الخليج؟