السلام عليكم
اول حاجة مرة اشكر المنتدى لاني استفدت منه كتير خصوصا في هدي السفرة الي اعتبرها مرة خاصة
هي شهر عسل وخطيبي اداني حرية الاختيار في تنظيم السفرة بكيفي ..وطبعا رسى اختياري على ايطاليا لانو نفسي اروحها من زمان
رحلتنا حتكون انشالله 14 يوم
روما
فلورانس+بيزا
فيرونا+فينيسيا
باريس
عندي كم استفسار ويارب القى عندكم اجابة زي ماعودتونا
1- بالنسبة للسكن..صح احنا عرسان..بس مانبى فخامة وحركات العرسان الجدد..بالعكس نبى سفرتنا فلة ومغامرة..فابى فنادق سعرها كويس مايتجاوز 700 ريال لشخصين مع الفطور والتاكس..
2- فين اسكن بالزبط؟؟احنا نحب الاثار..لكن في نفس الوقت..بعد مانرجع من تمشيتنا اليومية..نبى نتمشى على رجولنا..يعني فين افضل مكان حيوي في كل المدن الي راح ازورها؟؟
3- بيزا؟؟تستحق المبيت..ولا بس زيارة عالطريق ونرجع؟؟وفلورانس كم يوم يبالها؟؟وايش اهم حاجة اشوفها فيها؟؟وهل ضروري اروحها ولا في خيار تاني؟؟
4-فيرونا..ماعرف عنها حاجة غير انها مدينة روميو وجولييت..طيب ايش فيها؟؟وهل ابات فيها يوم؟؟ولا تكفيها نهار كامل وارجع فينيسا؟؟
5- ايش المدن البحرية..يعني لو كنت حابة اغير او احطها ضمن زيارتي؟؟
6-وهل في مدن تنصحوني بيها؟؟وايش رايكم في تيفولي؟؟وايش معلوماتكم عنها؟؟
غارفة زودتها :55654:بس العشم فيكم..مابى اتفشل قدام خطيبي ويقوم ياحرام يلقى نفسه حايس في خطط فاشلة