وعليكم السلام ورحمة الله وبركاته ::
هلا اخوي محمد.
بالنسبة للأنشطة ..فهي كثيرة وممكن تحدد الانشطة المراد زيارتها ..وراح نرتبها لك بشكل يومي.
الانشطة ممكن تطلع على هذا الموضوع :
https://artravelers.com/p/re/108099">https://artravelers.com/p/re/108099
وهذا ايضا :
عالم من الاحداثيات ..سويسرا وما جاورها https://artravelers.com
والانتباه في اي شهر راح تسافر عشان لا تكون الانشطة مقفلة.
بالنسبة للمواصلات ..لا اجمل من وجود سيارة للتنقلات وخصوصا في الريف .
اذا كانت ثلاثة ايام في نفس انترلكن ..وما ودك تاخذ سيارة ..ممكن تاخذ السويس باس لمدة اربعة ايام .
http:// travel.maktoob.com/vb/travel62167/
مع اني ارجح السيارة اكثر.
على العموم ..ممكن لو تفيدنا ايضا بالمحطة اللي قبل انترلكن والمحطة اللي بعدها .
بالنسبة للهوليكوبتر ..السعر للشخص 192 فرنك ..وللحجز على هذا الموقع :
http://www.swisshelicopter.ch/EN/shop/bernese-oberland/eiger-moench-jungfrau-en2.html
وفي انتظارك .

الوصول راح يكون بشهر يوليو بتاريخ 3 والمكان اللي راح اجي منه راح يكون من ميلان ماعندي خيارات محدده بحكم اني اول مره ازور انترلاكن لكن ودي ازور اكبر قدر ممكن منها والمواصلات شاغله بالي ودي اعرف اي المواصلات انسب لي من ناحية السعر وتوفير الوقت

ما شاء الله حلو ..توقيت مناسب للزيارة ..
طيب اخوي بقولك الفرق بين السيارة والقطارات .
السيارة ..ممكن تزور عدد لا بأس به من الانشطة اليومية ..بالاضافة الى سهولة التنقل ..والقيادة غير صعبة ..وامنة الحمد لله .
وتكون حر نفسك ..وقت ما تحرك تحرك ..ووقت ما توقف توقف .
اما القطارات والباصات..فلها جدول مواعيد محددة ..واوقات انتظار تكون بعض الاحيان طويلة ..ممكن نشاط الى نشاطين في اليوم كحد اقصى .
ومن ايجابياتها ..الراحة .
للاسف اخوي انت ما ذكرت لي المحطة اللي بعد انترلكن ..ليش؟
لو كانت ميلان ..يعني عودتك منها ..اقولك خذ السيارة من ميلان ..واطلع انترلكن ..ويوم ترجع ميلان تسلمها .
ولو كانت رجعتك من جنيف ..تطلع بالقطار من ميلان الى لوقانو السويسرية ..وتاخذ السيارة ..وتطلع على انترلكن ..وتسلمها في جنيف.
وبكذا تتفادى ضريبة استلام السيارة وتسليمها في دول مختلفة .
حجز سيارة صغيرة من لوقانو وتسليمها في جنيف لمدة اربعة ايام تقريبا سعرها 1127 ريال = 276 فرنك .
ومن ميلان الى ميلان ..اربعة ايام ..سعرها 624 ريال = 122 يورو .
على حسب موقع سيكست :
http:// http://sa.sixt.com
بينما سعر السويس باس ..اللي يعطيك حرية التنقل بالباصات والترام والقطارات والعبارات (البواخر) لعدد غير محدود
مع خصم 50 % للقطارات الجبلية والتلفريكات ..ودخول بعض المتاحف مجانا.. ..لمدة اربعة ايام ..لشخصين :
2فرنك = 1909 ريال .
على حسب هذا الموقع :
http://www.myswissalps.com/swisspass.asp?lang=EN
من ما سبق نستنتج :
السيارة انسب + امكانية عمل انشطة اكثر.
مع اني افترضت سعر البنزين + المواقف = 1000 ريال...ولا حتى توصلها .
واذا تم اختيار السيارة ..واختيار زيارة قمة اوروبا + اي قمة اخرى معها ..مثل الشيلثورن او تتلس ...انصحك تاخذ كرت التخفيض السويس هاف فير كارد.
اللي يعطيك خصم 50 % لكل المواصلات والانشطة .
لأن قيمة الصعود الى قمة اوروبا تكلفك 170 فرنك للشخص الواحد ..وقيمة الصعود الى شيلثورن والمطعم الدوار 90 فرنك ..وتتلس ايضا 90 فرنك .
والامر راجع لك اخوي في الاختيار .
واستخير الله وشاور ..والله يكتب اللي فيه الخير.
وبالتوفيق

هلا والله اخ ميدو مشكور ع هالشرح الوافي وربي يعطيك العافيه واسف ع عدم ذكري للمدينه الثانيه
مخطط رحلتي راح يكون خروجي من ميلان تاريخ 3 صباحاً وراح اغادر انترلاكن يوم 6 لباريس
ففرضاً لو اخترت السياره راح يكون مخطط سيري من ميلان للوجانو بالقطار واستئجر سياره منها لانترلاكن وبعدها اي الاماكن افضل لتسليم السياره
جنيف مثلاً والتوجه من جنيف لباريس باي وسيلة نقل القطار ام الطائره ولك مني كل الشكر والتقدير

متابعة الموضوع بعد اذن صاحب الموضوع لانى طالعة انترلكن ثلاث ايام ومحتارة وفي دوامة
والاخ ميدو ما يقصر ان شاء الله مع بقية الاعضاء
شكرا واعتذر للمداخلة

هلا والله اخوي ..والمعذرة تأخرت عليك..
بالنسبة للتسليم ..ممكن تسلمها في بيرن العاصمة ..ومنها تطلع بالقطار الى باريس .
او
اذا ودك بزيارة جنيف ..يعني رغبان فيها ..ممكن قضاء نصف يوم فيها وتسليم السيارة والذهاب اما بالقطار ..او بالطيران الاقتصادي الايزي جت .
http:// www.easyjet.com
والامر راجع لك اخوي .
===================
بالنسبة للمخطط ..راح يكون مضغوط شويتين :
مثلا :
الطريق من لوقانو الى انترلكن ...يوجد الطريق السريع مع شوية مرتفعات .
او
طريق جبلي ..ليس خطر ..بل ممتع ...وما ادري هل فيه مشكلة مع المرتفعات ولا لأ .
لأن لو على الخط السريع ..اقولك ممكن تتمشى في لوزيرن وبعده تنزل على انترلكن .
هذا اليوم الاول .
==========
اليوم الثاني :
زيارة شلال التروميل باخ + قمة اوروبا الينفيرواخ ..والتمشي على ضفاف بحيرة ثون ..وممكن تعمل زيارة لها لباقي اليوم .
========
اليوم الثالث:
لزيارة كهوف ساينت بيتس الملحية + بحيرة الاوشن سي والزحليقة + بحيرة البلاوسيه .
=======
اليوم الرابع يوم الخروج من انترلكن ..عندك خيارين ..يا بيرن او جنيف.
اذا بيرن ..ممكن تتمشى في مجمع الويست سايد ..بس بشرط ما يصاف يوم احد ...لأن المولات تكون مقفلة يوم الاحد .
او جنيف ..وبإمكانك المرور على مصنع الشوكولاتة وقضاء بعض الوقت في جنيف .وبعدها تسليم السيارة والذهاب الى باريس.
========
اذا ما ودك بزيارة لوزيرن ..والذهاب دايركت الى انترلكن ..بإمكانك زيارة شلال الجس باخ ..ومطل الهاردركلم الموجود بالقرب من سنتر انترلكن .
والامر راجع لك أخوي .
وبالتوفيق.

ربي يعطيك العافيه اخ ميدو ع سرعة الردود والمتابعه ودعواتي لك بالتوفيق وجعل الله خدمتك في ميزان حسناتك دمت بود وبصحه وعافيه واعذرني ع تأخر شكري لك