- عندي تنبيه مهم بخصوص تقديم الطلبات للفيزا البريطانية ..
السلام عليكم ورحمة الله وبركاته
شخباركم اخواني و خواتي ؟
عندي تنبيه مهم بخصوص تقديم الطلبات للفيزا البريطانية ..
المكتب اللي يخلص طلبات الفيزا عندهم نوعين من الخدمة و اللي هي العادية و ال v.i.p
طبعاً نحن كنا ماخذين موعد و ما عندنا فكرة عن هالموضوع و بعد ما وصلنا المكتب دخلنا و جلسنا و كان عددنا كبير ما شاء الله (9) و راح الوالد يتفاهم مع الموظفة اللي في الاستقبال و قالتله اصبر دقايق و بزقرك (بناديك يعني)
و بعد شوي زقرته و راح يكلمها و اختفى ما ندري وين راح و نحن ننتظر في الصالة الخارجية و بعد نص ساعة رجعلنا و قال الحقوني
و دخلنا صالة ثانية على اليسار مكتوب عليها الخدمة الممتازة او شي من هالقبيل ما اذكر الصراحة لكن بما معناه V.I.P .. طبعاً انا اتوقعت ان هالخدمة عليها رسوم و قلت اكيد مخبرين ابويه و هو اللي اختار خدمة في آي بي عشان نخلص بسرعة
و بعدين اتكلمت مع الموظف قلتله لو سمحت هالخدمة عليها رسوم اضافية ؟ قالي نعم و سئلت كم ؟ جان يقول بحسب لكم التوتل بعدين و بخبركم ... و الوالد ما كان يعرف هالمعلومة و ما انتبه على اللوحة اللي على الباب و الموظفة اللي فالاستقبال ما خبرته بس راحت معاه للصالة الثانية !!
و بعد ما خلصنا الاجراءات انصدمنا ان هالخدمة كلفتنا رسوم اضافية بحدود 2500 درهم للطلبات كلها !!!
مع العلم انه مافي فرق يذكر بين الخدمة العادية و خدمة ال v.i.p غير انه صالة الخدمة العادية (العمومية) مزدحمة اكثر شوي و الانتظار فيها بالأرقام .. يعني ما تسوى ال 2500 اللي خسّرناها
و حتى صالة ال v.i.p مافيها اهتمام خاص بالمراجعين ولا مشروبات (اقلها ماي) ولا ترحيب ولا تعامل خاص .. يعني ابداً ما تسوي تدفعون فيها 275 درهم على كل تأشيره
حبيت احذركم عشان ما تاكلونها مثلنا و القانون لا يحمي المغفلين ههه
انا اخذت الفيزا بموعد عن طريق الموقع من شهر تقريبا والله كانت الخدمه في اي بي لانه ما كان في حد غيرنا و ما دفعنا غير سعر الفيزا يالله عسى ان تكرهوا شيئا و هو خيرا لكم