شكرا ورده بيضاء على هذا الموضوع ولانه صارلي ..كنت مجمعه الفواتير وعلى اساس اني بروح فرع واحد من كل محل وبسوي التاكس فري لكنهم قالولي لازم اروح كل فرع اشتريت منه لان القوانين اتغيرت ,,الصراحه اتوهقت لانه كان اخر يوم النا وطيارتنا باليل.. بس الحمدلله خلصت في اخر لحظه

ذكرتيني باللي مضى
انا كل ماسافر انسى سالفة التاكس فري..لكن هالمرة اول مره اجرب..جمعت تقريبا 1000 يورو من التاكس فري
ولما رحنا للمطار نسيت انه لازم يشوفون الاغراض اللي شريت بها التاكس فري..حضرتي بعد ماراحت الشنط كلها في الشحن رحت لمكتبهم..والا يقول لنا وين الاغراض((انصدمت)):36_11_13:
عطانا الاوراق..وشققتها وقطيتها وانا قلبي يعورني..:36_1_4:

الله يعينج فتامي بصراحه قهر 1000 يورو تروح عليج
عاد اهما ما يدققون يعني ما يبطلون الجناط بس المهم تقوليلهم ان الاغراض بالجنطه بس ما يفتحون الجناط
و بالنسبه لي افضل شي انك عقب ما تشتري من كل محل تسوي التاكس فري على طول اضمن و احسن خاصه ان الاجراءات ما تطول

shima.84
ايه والله اختي ..والله انقهرت..بس مافهمت شلون اسوي التاكس فري على طول؟؟

يعني عقب كل محل تسوين التاكس فري بدل ما تجمعين الفواتير

اسمحيلي اختي..بعد مافهمت
يعني شلون بدون فواتير؟؟

خواتي اخواني شو سالفة التاكسي فري تكفون علمونا يالربع ترى مثل الطرشان بالعروس نورونا الله ينور علينا وعليكم قولو امين وهل موجود في ميونخ ولا حتى النمسا وفرنسا

مجنون النمسا..هلا اخوي..اتاكس فري موجود في كل اوروبا..يعني بعد ماتشتري اي شي من محل غير طبعا السوبر ماركت..تطلب من البائع التاكس فري..هو عباره عن ورقه ومعاها فاتورة مشترياتك..انت عاد جمعهم وانت في المطارهم..في مكتب مكتوب عليه التاكس فري..تسلم لهم الاوراق بالفواتير مع مشتراياتك((حطهم في شنطه وحده احسن لك)) لانهم بيطلبون منك المشتريات اللي شريتها من بلادهم بس ما يدققون في المشتريات..بس ليشافو الشنطه بيختمون على اوراقك..وعقب تودي هالاوراق لمكتب بعد مكتوب عليه تاكس فري..وبيرجعون لك مبلغ من فلوسك اللي صرفتها بالمشتريات..انشالله اكون وضحت لك الموضوع.
لكن فيه ناس يقولون سوو التاكس فري على طول في المحل..هذا اللي انا مافهمته..ياريت حد يوضح لنا..

كل الشكر لك وشرفني مرورك الكريم