بالمطار قبل لاتطلع بتلاقي مكتوب لافته مكتوب عليه تاكس .. بس عطهم الاوراق وهم بيخلصون لك الباقي

تقدرين تيمعينهم كلهم مره وحده حتى مال فرنسا يوم بتردون البلاد ان شاء الله عطيهم مطار المانيا عادي ياخذون مال فرنسا بس اتحملي اتحطين الشنط على الوزن يعني عشان يدخلونهم الطياره والا التاكس فري بيروح عليج لازم الشنط يكونون وياج يوم بتعطينهم الفواتير الين ما تسلتمين البيزات وعقب وديهم على الوزن

مشكورين وماقصرتو بس ابا اعرف ماشي مكاتب غير المطار؟؟
لانيه اباهن قبل لااسير فرنسا ومافينا نروح للمطار
كل سنه اخذهن من المطار بس السنه اباهن ابا استفيد منهن هنيه ماظنكم شي مكاتب في ميونخ خاصه لاسترجاع التاكس ؟

هلا اخوي احب اضعلك بعض النقاط
1. اذا بتاخذ التاكس فري لازم تاخذ الاوراق حقتها وايضا تكون مع القطع لان احيان يكون الموظف سخيف يقولك ابي اشوف كل قطعه مع التاكس فري حقتها وهذي تصير كثير
2. لك طريقتين تسترد فيهم التاكس فري اما عن طريق ترسل اغراضك للشحن وتستردهم من جمارك الشحن او وانتا راجع من المطار وشناطك معاك والافضل وانتا راجع على اساس لا يدقق الموظف واجد في الاشياء
3. ما تقدر تسترد التاكس فري الا اذا خرجت برا اوروبا لكن جوا اوروبا ما بيعطونك التاكس فري .
4. لا يوجد مكاتب خارجيه يمكن من خلالها تسترد التاكس فري سوا المطار فقط وانتا راجع بالسلامه

معليش اخوي احب اوضحلك نقطه مهمه الكثير يطيحون فيها لمن توصل المطار انتبه تدخل الشنط اقصد توزنها وتشحنها وبعدين تروح مكتب التاكس فري بكذا ما بيعطونك شي ابد لكن الطريقه كالتالي
1. اول شي خلي اغراض التاكس فري في مكان واحد افضل يعني لا توزعهم بين الشنط علشان لا تنحاس المهم حطهم في شنطه وحده
2, لمن تروح لموظف الخطوط علشان الوزن والبرودنج باس قوله ان معايا تاكس فري المهم بيوجهك لموظف الجمارك .
3. تروح لموظف الجمرك وهو بيشيك على الشنطه وبيشوف فواتير التاكس فري وبيختمها لك لازم الختم بدون الختم لو رحت لمكتب التاكس موب معطينك هيا بعدها بيحطون الشنط على عربيه وبيودونها تنوزن وتكمل باقي الاجراءات
4. بعدها لمن تختم الجوازات تروح مكتب التاكس فري وتكون معاك الاوراق مختمه ومن الافضل انك تروح بدري شوي لان احيان يكون مكتب التاكس فري مزدحم ويكون موعد الرحله قرب .
اسف على التطويل

بخصوص التاكس
شو هي الاشياء الي عليها ضرايب ؟؟
وكيف اقدر احصل على الاوراق الي تبين مشترياتي ؟؟
وكم بال% التاكس ؟؟
ومشكورين اخواني

مشكورين اخوانيه وماقصرتو
ويزاكم الله خير

الرجاء من الاخوان الشرح اكثر عن التاكس يعني اذا شريت تكفي الفاتورة والا كيف؟؟

التاكس فري تقريبا 15%
وممكن تستردونه من مكاتب موجوده داخل البلد يعني مو لازم المطار بس اهم شي يكون الجواز معكم واحيانا يطلبون الكريدت كارد علشان يطابقون الاسم مع الجواز 000
والمكاتب ممكن تسالون عنها لانها منتشره وهي تقريبا كذا شركه
واللي سال هل تكفي الفاتوره طبعا لا لان المحل اللي بتشتري منه راح يعطونك ورقه تعبيها ويختمونها وعلى اساسها تسترجع التاكس فري
واذا بستردين التاكس فري من المطار اهم شي لازم قبل ماتشحنون العفش واحيانا يطلبون انهم يشوفون الاغراض اللي شريتيها 00000000 تحياتي