1. اخواني الاعزاء..موضوعي هذا عباره عن استفسار وشكر..وعتب..


2. ليش صوروا لنا بعض الاعظاء ان السفاره الامريكيه معقده؟؟؟..

السلام عليكم ورحمة الله وبركاته

اخواني الاعزاء..موضوعي هذا عباره عن استفسار وشكر..وعتب..

ليش صوروا لنا بعض الاعظاء ان السفاره الامريكيه معقده؟؟؟..

اقسم بالله انهم رايقين ورهيبين..اولا ماطلبوا مني لاجواز قديم ولاكشف حساب ولاورقة عمل ولاشي..الكونفرميشن بيج والفورم 160 والجواز فقط لاغير..في المقابله سألتني الامريكيه عن عملي وين وكم لي سنه فيه..وبعدها قالت خذ الكرت هذا وسلمه لفيديكس ومع السلامه
اولا احب اني اشكر اختي الغاليه بنت الصقور على وقفتها معي في الرد على كل استفساراتي اللي اغلبها ممل وغثيث..واحسدها على صبرها والله يكثر من امثالها يارب..
وثانيا اشكر شاب سريلانكي لطيف في السفاره الامريكيه لأنه مسح كل الاعتقادات الخاطئه اللي في بالي عن السفاره من كلام بعض الاعظاء..بصراحه خوفوني من سالفة عدم الاحترام في المقابله او في اجرائتها ولكن تبخرت كل هالاعتقادات من يوم ماشفت فرحان السريلانكي الله يحفظه لأهله..تصدقون كان يترجى العالم يقولوهم بليز بليز بليز ويكررها والعالم ولاشايله خبر..يقول اللي موعده 7 ونص هواللي في السرى فقط ويقولون الناس اوكي وبعد دقيقه يجد 4 او 5 موعدهم 9 الصباح..غطى على بنت الصقور بالصبر
وثالثا اشكر ابو رامي..شايب شاب..اعتقد انه يمني الجنسيه يعمل في استديو عجمان للتصوير في الحي الدبلوماسي في ساحة الكندي بجنب كودو..اشكره كثير..كان واقف قريب للسفاره ويستفسر عن اي شئ ناقصك تعال نكمله لك..لا احد يقول هذا يسعى في رزقه..نعم صحيح لكن سعيه هذا وفر على وقت كثير جدا خصوصا للي مو من اهل الرياض اللي تدبل الكبد بزحمتها وكبرها..
اخيرا وصلتوا قسم الاستفسارات في موضوعي
انا اخذوا مني الجواز وقالوا راح يجيك بعد 3 اسابيع عن طريق فيديكس..هل هذا يعني اني اخذت الفيزا خلاص؟