بسم الله الرحمن الراحيم
كبدايه حبيت اسلم على اصحاب المنتدى الرائع والاعضاء والمشرفين لانه من جد لو لله ثم هالمنتدى ما عرفنا هالديره الي من جد رجعت وتمنين اني ما راجعت بس وش نسوي بالدوام
بداية التفكير بالسفر لبلاد الاندومي من القهر حبيت اغيره بلاد الرز والشاهي من كثر ما اشوفه عندهم
كنت جالس اقلب في المنتدى انا وواحد من الزملاء الغالين ونشوف بعض الدول بس عن قولة نتعرف عليها بالصور وكنا ناوين نروح لديره غير اندونيسيا بس بعد ما فتحنا صور عن اندنيسيا تحولت الفكره 180 درجه
وقررنا قرار نهائي لا رجعة فيه
وسمينا بسم الله وتوجهنا على احد المكاتب السياحيه علشان نشوف اسعار التذاكر ونحدد يوم الاقلاع ومره وحده نقص التذاكر
اخذنا التذاكر وكان سعر التذكره ذهاب وعوده 2350 ريال وكان يوم السفر الاربعاء الموافق2342008 الساعه 11 ليلاً والعوده كانت في تاريخ 1552006 الساعه 9 صباحاً بتوقيت السعوديه
بعد ما اخذنا التذاكر كل واحد راح لبيته وجلس احسب الايام ليوم السفره الايام يالله تمشي :112:
والحمد لله هانت وجينا على يوم الاربعاء الي هو يوم السفره انتهينا من الدوام وكل واحد جلس ارتب اموره من اغراض قبل ما يسافر ومرني العزيز الغالي ورحنا لم المطار الساعه 9 ليلاً وزحمة الدائري ونقول يمدي او ما يمدي وكل همنا ان الطياره تروح وصلنا المطار وطيران على المغادره زين ما طارت الطياره لانهم كان اخر نداء وطيران على بوابة الطياره ودخلنا المدرج ونرتاح وه بس اما بالنسبه للبوردنق نسيت اقولكم اننا قاصينه قبل الاقلاع بيوم علشان ما نتوهق وصارت خيره قصة البوردن
المهم اقلعنا وكان فيه اتفاق مع سواق ينتظرنا بالمطار بعد مرور تسع ساعات وصلنا على الساعه 11 بتوقين اندونيسيا وبعده على شباك الفيز ومن شباك الفيز خلصنا على الجوازات وبعده على تدوير الشنط وعلطول على الجمارك ورح على تدويرنا للسواق وين هو جالس ولقيناه وركبنا معه علطول للجبل
ورح لم الفله الي كنا حاجزينه بس ما صلحت وغيرناه وبعده علطول على مجمع بونجاك ريسر قريبه من حديقة الزهو فله حلوه واخذناه مجمع حلو انصح العوائل فيه وفيه غيره احلى بعد المهم ما ابي اطول عليكم اعطيكم بعض الصور من الرحله لان الصور
كثيره وحبيت اعطيكم الزبده وان شاء الله تنال اعجابكم
طبعاً السفره علطول للجبل وبعدها على باندوق وبعدها سياره على بالي لاننا نبي نفر كل بلاد العمه
بس نصيحه لا احد اروح بالسياره تاخذ وقت وتكسر الظهر طبعاً نمنا في مقن ظهران الي جاها اتسونامي وبعده نمنا في جوقجا كل وحده ليله ونشوف وش الي فيها من اشياء حلوه وبعده علطول على بالي
وبعد بالي على جاكرتا يومين لاننا ما ارتحنا فيها زحمه وحر وطلعنا على الجبل مره ثانيه ثلاث ايام ورجعت للسعوديه صح طولت عليكم بس تحملوني شوي
وابحط ارقام السواقين الي جربتهم من جد رايقين خاصه السواق الي في بالي بعد ما طردنا الي وصلنا لبالي لانه طلع نصاب اتمنى انه ينحطون بالقائمه السوداء وفيه غيره
ويعطي العافيه من حط رقم دحلان لانه ن جد سواق ماله ولا عليه ما عليه الا اوصلك للمكان الي تبيه وياخذ حقه بس لانه اخر ثلاث ايام بالجبل اتصلت عليه وجلس معنا صح انه كبير بالعمر بس رايق
واليكم بعض الصور بدون تعليق مرور بجاكرتا والجبل وباندق والطريق الى بالي وبالي
اسف مره ثانيه على الإطاله