الـسنافي
16-12-2022 - 08:16 pm
السلام عليكم كيفكم شباب انشالله بخير
عندي استفسار بسيط للي عند خبره عن هذا الموضوع
انا قبل يومين كنت بالبحرين
وكنت طاير طبلوني كله احسب اني بالرياض ابلحق على فلم بالسينما على شارع الشيخ خليفه بالبحرين
المهم مالكم بالطويله وانا ماشي يوم قربت للسيف مادريت الا الي يكبس لي وراي شرطه ودريت اني اكلتها
ووقفت وقالو لي ليش مسرع ... المهم عطوني 3 مخالفات بورقه واحده اول مره تمر علي ثلاث مخالفات بورقه وحده
وكتب بها العسكري:
سرعة تفوق سرعة الشارع+تجاوز خاطئ بدون...... (مادري وش كاتب )+تصرف خاطئ بدون .... (الظاهر تركيز)
المهم طلعنا من البحرين انا واخوياي والحمدلله ماحد تعرض لنا لكن انا خايف المره الجايه بيوقفوننا عند الجسر وحنا طالعين او وحنا راجعين ويقولون سدد
وانا ماادري كم القيمه يمكن تكون غاليه او رخيص ياليت الي يعرف شي يفيدنا واكون شاكر ومقدر له
السنافي
يارب يكون الوضع فيه سدد بس
لان اغلب المخالفات للسرعة العالية فيها محكمة و حجز ( لو ما كنت تعرف
)لو نفترض انها دخلت في النظام , اول مرة تروح البحرين بعدها راح يوقفونك عند الجمارك و يطلبون منك مراجعة المكتب , لو كان الموضوع فقط مخالفة راح تدفعها و انت واقف و تدخل ( صارت معاي فوق ال 4 مرات زمان و كلها وقوف خاطيء و السبب كان زميلي يتركنا بالسينما و ياخذ السيارة و هذي غلطة مني ) او فيها محاكمة و يطلب منك تراجع المحكمة ( و صارت مع زميلي لانه كان مع زوجته , او يتم سحبك و ايداعك في الحجز ( غير مأسوف عليك ) و صارت معاي ( بوليس سري ) و تم كتابة الاتي في المخالفة
1. تسابق
2. سرعة فائقة
3. تصييح عجلات
4. تجمهر
5. قطع اشارة
التسابق لاني دعست و كان فيه سيارة رياضية جنبي و دعست
السرعة الفائقة و الشارع كان جدا جدا نظيف و ممتاز و فاضي
تصييح العجلات لان صوت اطارات السيارة طلعت اول ما دعست
تجمهر لاني وقفت في محطة اقابل زملاء لي عند الشارع نفسه
قطع اشارة لانه فيه اشارة برتقالية تضوي و تطفي و انا ما وقفت عندها
المهم الحكم كان
8ساعة حجز ( و القاضية كانت امراءة عاملة بوني تيل )
دفع مخالفة 100 دينار و لا يقبل الريال السعودي
دفع مبلغ 25 دينار رسوم إعادة تأمين و سحب سيارة
حجز السيارة شهرين كاملة
الحجز و انحجزت و ما زعلت كثير لاني طلبت اكون في غرفة لوحدي نظيفة و في فترات الغدا كان اكلنا ساعة برياني و ساعة عدس و ساعة برجر و ساعة كبدة و هكذا
المخالفة و دفعتها بعد طلوع روح لان كل فلوسي كانت بالسعودي و الصراف عطلان الي امام الحجز و انتظرت زميل لي بحريني يجي من عمله بالسعودية و يدفع عني و اعطيه سعودي
رسوم التأمين انتظرت ممثل التأمين يجي للمرور عشان يدفع
سحب السيارة دفعته
حجز السيارة شهرين ( اتصلت بشخص عزيز جدا و طلعها في 10 دقائق )
الحمد لله على كل حال من يومها و انا سجلي خالي من المخالفات
المشكلة الي تذبح في البحرين النظام العقيم جدا
السكارى و العربايد يدخلون و يخرجون في وقت قياسي و انا جرمي كان عظيم " سرعة في شارع مقطوع اصلا نادرا يمر منه بشر "
حاولت اتفاهم من المرور كيف تحاسبون شخص اسرع حساب اعسر من شخص مخمور " رفض انه يرد لكن انا عارف السبب