الجو مناسب
الفيزا ماتاخد وقت ... في ناس طلعوها في يوم
الخطوط المصرية طيبة واسعارها رخيصة

بنت مكه الله يوفقك والله يجزاك خيير يااعسل
ياريت تفيدوني اكثرر

هلابك دلوعه
تصدقين سبق اني رحت 11 يوم بتكلفه 14000 فقط لشخصين
هذي دفعه لك علشان ماتحبطين من ميزانتيتك
بس التوقيت له دور بالموضوع كنا رايحين بالخريف ؟؟؟ ماسكه نشوف الفصول الاربعه
تخيلي تذكرتين على الخطوط السعوديه ب3200ريال...
ندخل بالموضوع
اهم شي عندك التذاكر لو قصيتي تذاكر بسعر كويس ممكن تكفيك الميزانيه
لو فرضنا حصلتي تذاكر ب6000 ريال كويس في توقيتك وجربي الخطوط المصريه اذكر انه رخيصه.
بالنسبه للاماكن الافضل ماتكثري تنقل لأن المده قليله 10 ليالي والتنقل بيكلف اكثر
وعلى ذلك اقترح توصلي ميونخ وتاخذي سياره لمدة سبع ايام بقيمة 2000 ريال وتتوجهي لزيلامسي وتستاجري كوخ سبع ايام
سبق وشفت كوخ اسمه demozel في كابرون الليله ب250 ريال فقط وموصي عليه مشرفنا ابوعمر وتقييمه كويس واراء النزلاء يمدحونه.
لكن لو قلنا سكن بكابرون ب400 *7=2800 ومنها تتمشو وتاصلو الى سالسبورغ والمناطق الي حوله وترجعوا لأن النهار طويل .
والامر المهم ايضاً تاخذي معك شنطة مؤنه صغيره فيها كل ماتحتاجونه اذا كنتو 2 ماراح تكون صعبه. وتبعدوا عن المطاعم افضلكم واوفر
ترجعي بعد كذا لميونخ وتسلمي السياره وتجلسي ثلاث ليالي *400 ريال =1200 ريال
تحتاجين مصروف يومي 100يورو*10=1000يورو(70 يورويومياً ممكن تكفي )...
المحصله 6000ريال تذاكر
2000ريال سياره
0ريال سكن
0ريال مصروف يومي
ويبقى 1000ريال هذي اتعابي
مع التنظيم كل شي يصير
اعطيني تاريخ السفره بالظبط واشوف لك حجز الكوخ في كابرون
اي استفسار جاهزين

نسيت اقولك لاتشحنو السياره تطلع اغلى
اللي يصلح له الشحن الي بيجلس فتره طويله
وبالنسبه للنوفي انا معي جهاز 1310 مشتريه 399 ريال من دار موجه الحين سعره 500ريال يفي بالغرض
والخرايط ماتشترينه لأنه غاليه اعطيك ملفه جاهز

للاسف الاسعار ارتفعت لقرب الصيف وبالتالي ماتوقع تلقي تذاكر لشخصين اقل من 7 الاف

الخطوط المصريه حلوه بس الحجز المبكر افضل تحصلين اسعار كويسه انا حجزت قبل جولاي ب 4 شهور للشخصين 4600 ريال. اما من ناحية الصرفيه كنت حاط في بالي لكل يوم 100 يورو نظامنا وجبتين نفطر الصباح ونطلع مانرجع الا بعد العصر وقتها نطيح جوع من المشي والله ماكنت اصررف اكثر من 50 يورو اكل من ماك او كنتاكي او برجر كنق ومن ضمنها كوفي وايس كريم وكنت اروح بعض الاحيان مطعم هندي مايتعدى 70 يورو طبعاً شهر عسل لازم ننوع لكن اذا بتدخلين اسواق وتصرفين والله يبيلك اكثر. من ناحية الفيزا ماتاخذ 14 يوم بتكفيك بالراحه الميزانيه اذا انتم شخصين بدون تذاكر انا لو اسافر مره ثانيه ماتزيد عن 25 الالف بكل التكاليف اهم شي تراعين وقت الحجوزات من الطيران والفنادق بدري

الله يسعدكم كلكم افدتوني بس احس اني ترددت
حرام التذاكر 6 الاف هذا اذا مو اكثر
والاكل احس مهم وصعبه نشيل اكلنا من هنا يعني انا قلت
اذا دبرنا سالفه المواصلات بسياره نستاجرنها وماسوينا شوبينق بنتدلع بالاكل والتمشي
طيب اخوي عبدالعزيز السياره كيف ناخذها من هناك صعبه احس زوجي يقول ان لغتهم الماني
لازم مرشد سياحي
طيب السفره احتمال تكون ب 20 - 8

دلووعه حبيبي
اهم شي انجليزي يمشي نفسه والقياده بالريف سهله وممتعه جدا
ولا تبون مرشد سياحي ....افا عليك مرشد سياحي وانتي بمنتدى المسافرون العرب
شرط ان الاخوان بهالمنتدى يعرفون شي مايعرفه الالمان نفسهم ههه
اختي زي مارتبت لك الرحله اهم شي ابحثي عن تذتكر طيران رخيصه شيكي كل الطيران واسألي عن المقاعد المخفضه (ليما كلاس) لعلك تحصلي شي
وبالنسبه للاكل والله ابركلك تاخذي اغراضك معك وسهله لاتصعبينه
وبالنسبه للسياره اسهل شي تدخلين على مواقع التاجير في البلد الي بتروحين له وترتبين الحجز
انتي خلصي التذاكر ونعلمك عن تفاصيل السياره بعدين

الله يسعدك ياارب ويجزاك خير
بشوف الحجز ان شاء الله وراجعتلكم