بالسلامة ان شاء الله
التنقل خليه (ايطاليا - فيها ريميني وريتشوني أحلى شواطئ بعد كان ونيس وشواطئ أسبانيا)
بعدها سويسرا ثم النمسا ثم المانيا وبالتوفيق

ماقصرتي
يعني قصدك أبدأ من ايطاليا؟؟

هلا اخوي .. انا انصحك تخلي اخر بلدتين النمسا وبعدين المانيا .. بالنسبة للتنقل مع الطفال خاصة في اكثر من بلد يمكن يكون وي صعب .. بس يسهل الامر ان شاء الله في الاماكن الي حاجز فيها .. يعني في الطيارة ..اختار اول الكراسي وقوللهم في المطار انه معاك طفلة علشان يحجزونلكم كراسي في اول صف علشان اذا بغت ترقد الطلة يقدرون يحطونلها مثل سرير غير .. (طبعا هذا يسوونه في طيران الامارات .. واعتقد ي الطيران الاخرى يسوون نفس الشيء ) .. بالنسبة للتنقلات الثانية .. وخاصة في القطارات .. نصيحة لاتكثرون من الشنط .. يعني شنطة كبيرة او شنطتين صغار بالكثير .. لانه مرات يكون لازم تغيير قطارات .. يعني عندك-10 5 دقايق تبدل بين القطارات بس .. ف انصحك لاتشل واايد اغراض معاك ..
بالنسبة لاكل الاطفال .. اذا كان على الحليب او غيره من اكل الاطفال فبتحصل محلات كثيرة تبيع اكل الاطفال (مثل سوبرماركت spar في النمسا منتشر في كل مكان) .. بس نصيحة خذوا احتياط من الحليب واكل الطلة الصغيرة .. لانه سبحان الله يمكن ما يناسبها الاكل الجديد او غيره .. وطبعا كل الاكل الي بتشله معاك في الطيارة لازم يكون مسكر مب مفتوح .. علشان يدخلونه معاكم الطيارة ..
بالنسبة للاماكن التريهية .. ما شاء الله في مواضيع كثييرة للاعضاء عن الاماكن السياحية في البلدان الي بتسيرها .. طبعا انته اختار الي يناسبكم منها .. بالنسبة للنمسا .. في فيينا في حديقة براتر واايد حلوة .. واذا بتسير النمسا انصحك تسير زيلامسي بعد لانها خيال .. اما عن ميونخ .. في حدايق كثيرة مثل حديقة اولومبيا .. وي منطقة كولون الالمانية في منتزه اسمه فانتازيا روعه وفي فنادق لو حاب انك تمضي ليلة هناك .. على العموم وانته في النمسا .. في اي ندق تسكن فيه اطلب منهمرحلات شركات السياحة .. يكون فيه عروض توديك لاهم المعالم السياحية وبأسعار معقولة .. للشخص تقريبا من 20 - 30 يورو .. ويكون معاكم مرشد سياحي ..
اتمنى اني قدرت افيدك ولو عندك اي سؤال انا حاضرة

ألف شكر أختي بنت دار زايد
صراحه ماقصرتي الله يعطيك عافيه

وينكم ياجماعه نبي زيادة ردود وتجارب

أنصحك يا أخي ألا تعتمد في تنقلاتك على القطارات ؛ لديكم طفلة تحتاج إلى من يحملها ، وطفل يحتاج إلى من ينتبه له ، بالإضافة للحقائب الإضافية التي يستلزمها وجود طفلين ، كل هذا مع التنقل السريع في القطارات يعني في أبسط أحواله التوتر والقلق ، ونحن لا نسافر لنتوتر ونقلق !!!
لكل هذا أنصحك أن تستأجر سيارة لتتنقل بها أنت وعائلتك ؛ سترتاح كثيرا ، وستفيدك في التنقلات داخل المدن أيضا ، وأعتقد أنها ستكون أوفر من قيمة تذاكر القطارات أيضا .
اجعل ميونخ محطة لوصولك ؛ ففيها أرخص أسعار استئجار السيارات في أوروبا ، وموقعها متوسط وقريب من عدد من الدول ، ولو جعلت العودة منها أيضا ستوفر قيمة رسم إعادة السيارة إلى ألمانيا ...
وفقك الله ...

مشكور أخوي الكاتب ماقصرت