خلاص انا مسافر
06-10-2022 - 03:51 pm
السلام عليكم ورحمة الله وبركاته
يا جماعة الخير
اللي عنده خلفيه يرد علي
واللي ماعنده خلفيه رجاءاً يتفرج بس
لأني مابي لخبطه
ابي ناس خبره في السفر الى لندن
اخواني واخواتي انا انسان طفشان وقررت اسافر لندن عند زميلي هناك
عنده شقه في لندن
ابغى النصائح من مجاميعه
لأني بتمشى لحالي
زميلي راح يكون مشغول اغلب الاحيان بحكم الدراسه
اللي ابيه منكم يا حبايب قلبي نصائح حلوه وجدول حلوو
أول شي الاماكن اللي اروح لها من متاحف حلوه وشوارع حلوه واسواق ومطاعم وملاهي
ثاني شي ابغى فنادق رخيصه وحلوه نوعاً ما في حالة اني ما اسكن عند خويي يكون عندي فندق كويس اضمنه
يعني فندق رخيص وحليو شوي تقدر تنام فيه وانت مرتاح
ثالث شي هل فيها بحر واذا فيها وش اساميها ووش احسن شي فيها سواءا كورنيش او شاطيء
رابع شي وش وضع الترين او القطارات والباصات هل هي تؤدي بالغرض وتغنيك عن التاكسي وكيف اسعارها
خامساً كيف وضع الميزانيه
يعني ناوي اجلس فيها من 15 يوم إلى 20 يوم
كم يبيلي ميزانيه من غير التذاكر
تكفون يا شباب ابي المساعده واذا حصل انكم تحطون صور ما يمنع
تحياتي للجميع
وبالتوفيق