تعبين الطلب الي تاخذينه من عندهم مع صوره وراها خلفيه بيضه والجواز ومبلغ مالي قدره 488 ريال

بخصوص التأشيره اختي امرها سهل جداا
اول شي روحي لعمارة الشريف نفس ماقلتي في الطابق الخامس
اول ماتدخلين اخذي كم استمارة تبينها
وارجعلي البيت عبيها لانها اكثر من عشريين صفحه
يعني اخذي طلبات زياده احتياط لااتغلطين او شي
وبعدين لاعبيتيها
لاتوقعين عليها خليها ووقعي عليها في السفاره
واخذي صورة وحده خلفيتها بيضاء
ومبلغ وقدره 488 ريال لست شهور
ولازم يكون حضورج لانج بتوقعين وبتصميين بأيدج
تحياتي لج

يعطيكم الف عافيه
بس عندي سوال بعد في ناس يقلون في هناك شخص سوري يعبي لك الاوراق بسرعه وتعطيه 40 ريال بدال ما ارد البيت وسالفه ؟
والسوال الثاني مايبون حجز فندق او حجز طياره ولا شي؟

هم يبون بس اسم وعنوان السكن الي بتسكنين فيه ويبون ايعرفون المبلغ الي بتودينه معاج وموعد الرحله وتاريخها وموعد الرجوع

تدرين شنو سويت انا ياراعية البنتلي ..
انا اخذت سبع طلبات
شوفي شسويت فيهم
واحد ترجمته بالعربي وكتبت بالقلم الرصاص على كل سؤال ترجمته فوقه
وطلب عبيت الطلب الاول كمسووده
وبديت اعبئ الثاني ..
وبعدها عبيت واحد بقلم جاف وبدقة كامله
وعلى فكرة مب كل الصفحات اتعبينها
لان فيه صفحات مكتوب فيها اشياء مااتخصج
مثلا هل شاركت في حروب وماادري شنو
ومثلا هل انت ذاهب للدراسه وصفحات تتخصص للطلبه اللي بيروحون للدراسه
وصفحات تتخصص للي يبون يتزوجون اهناك او بيسكنون سكن خاص
وعلى فكرة بتعبيين اسامي ابوج وامج وتاريخ ميلادهم فلازم اتحفظينهم
وعلى سالفة السوري اللي اتقولين له انا نفسج يوم رحت اول مره سألت عن هالشي
فمحد جاوبني وقالولي ماعندنا هالشي بس ممكن نساعدك بترجمة بعض الاسئله يعني مب كلها
انا ترجمة طلب ووطبعته ووزعته على ربعي واهلي اللي بيسافرون لندن
طبعا الاشياء سهله وبعضها فقط اتعرفين ترجمتها واتحطين صح او خطأ
وهم يفتحون الساعه 9 الصبح الى الساعه 12
ومن الساعه 1 الى الساعه 3 ونص اعتقد او 3
اذا رحتي دشي واخذي رقم ومعاج جوازج والمبلغ وانطري دورج
لاوصل دورج روحي عطيهم الطلب ووقعي وبيقولون لج روحي الغرفه اللي مسكرة بجانب المكتب
وبيقولون لج انطري دورج للبصمه وللتصوير
ترى بيبصمون اصابعج كلها وبيصورونج فحاولي تبتسميين خ
تمنياتي لج بالتوفيق

يسلمو وماقصرتو ويعطيكم الف عافيه

زين ماقلتو لي اذا قدمتها الصبح متى تخلص؟

حتى لو قدمتيه الظهر بيخلص ثاني يوم العصر
لان التسليم يوميا يكون من الساعه 4 العصر الى الساعه 5 العصر
يعني عندج ساعه وحده بس
والتسليم ياخذ خمس دقايق بس خلي معاج الوصل اللي بيعطونج في وقت البصمه والتصوير في التقديم
يعني اذا قدمتيه اليوم بيخلص ثاني يوم العصر
تحياتي لج

تسلم اخوي قطري ماقصرت