بالنسبه للمخطط هل يمكن التعديل فيه بصراحه فيه مدن كثير عليها عدد الايام اللي محددها لها ..مثل لوقانو كثير 5 ايام ونفس الشي ميلان .. اذا اوكي راح انسوي مخطط مبدئي للرحله وانشالله يطلع تمام وياليت تقولي اماكن السكن

هلا اخوي للاسف لايمكن التعديل لانه تم حجز الفنادق ميلان فندق جاليليو ثم فينيسيا كارلتون اندقراند كنال ثم فيلاخ فندق هوليدي ان ثم زيلامسي فندق سي فيلا فريبرج ثم سالزبورغ فندق ساخر ثم ميونخ هيلتون ستي ثم هايدي فندق سويس هايدي ثم لوقانو ديلابكس ثم العودة الى ميلانو ستار هوتيل روزا قاردن
عاد الله الله ياخبيرنا بالبرنامج اللي على ذوقك ولا يهون الباقين نبي الفزعة تكفون لاتفشلون عند اهلي قايلة لهم يجيبونها خبراؤنا المسافرون

بالنسبه لفندق جاليليو اعتقد 3 نجوم وموقعه قريب من الدومو يعني الساحه وراه واذا قارنته مع ستار روز طبعا النتيجه ستار روز افضل بكثير وسبق اني شفت الفندق على الطبيعه وكنت ساكن بستار روز . برنامج ميلان خالي اول يوم استكشاف للمدينه .. وزياره الجاليرا والساحه واول ماتاصل اطلب من الفندق خريطه التسوق .. تنفعل اذا معك حريم والخريطه سهله جداً واطلب ايضا خريطه المدينه وانشالله ماراح تحتاج اي وسيله للموصلات لان الاماكن الحلوه قريبه اذا تحبون المشي .ويوم تزورون الاوت لوت Serravalle هو الاشهر والاكبر يبعد ميلان93 كم أي قرابة ساعه عن طريق الباص تقدر اذا انتم مجموعه والسعر 20 يورو للشخص واسم الشركه زينه تقدر تسأل موظف الكونسيرج عن موقعها واذا تبي وصفها اوصفها لك .
ويوم تروح شارع الدنتي حلو للتسوق .. ويوم تزور ملعب سنسيرو حلو ..
وعلى فكره ترا ميلان اغلبها تسوق ..هذا بالنسبه لميلان وراح ارجع معك لنكمل البقيه ...

ممكن تكنسلين زياره الملعب انا كنت مفكركم شباب ،، وتحطين بدلها زياره المجمع التجاري (la Rinascente) عبارة عن مركز 7 ادوار يجع الماركات كلها وفيه مكتب للتاكس فري بس معليكم منه لان شروطهم انهم يرجعون الفلوس لك بالدولار يعني المطار افضل ..وموقعه بالدومو وانتي رايحه للجالريا قلبلها على اليمين..

اختي اذا تقدرين تشيكين على حجوزاتكم اذا فيها الغاء او لأ
لأن الجدول ماودي احبطك بس الايام كثيره بمناطق حدها نهار كامل فقط بتملون وبيروح وقتكم عالفاضي

وين انترلاكن وين جنيف وين رست الألمانيه ولوقانو بجنب ميلان ليه لوقانو 5 وميلان 6 ايام كأنك قاعده 11 يوم
كل هالمدن كان بإمكانكم تزورونها لأن مدة سفرتكم تقريبا شهر

جنيف وانترلاكن كنا فيها العام الماضي يعطيك العافيه اخي جاليليو في انتظارك ومن عنده زادة معلومات لايبخل رست الالمانية مانقدر نروح لها ونرجع في نفس اليوم ل ميونخ ولا كيف من وين نروح لها مااعتقد نقدر نغير عموما لوقانو حلوة كطبيعة وجو وميلان مو كثيرة عليها التسوق والتمشي في المراكز يروح بسرعة يعطيكم العافية

نكمل برنامج ميلان فيه ساحه اسمها plazza lima هي عباره عن ساحه يبيعون فيها الملابس الجلديه والاكسسورات وتقع على شارع ( بوينس ايرس ) طبعا الشارع لازم لزيارته .
تخصيص يوم كامل لزياره جزيره كومو القريبه من ميلان حوالي 50 دقيقه بالقطار من امحطه الفرعيه وليست الرئيسيه والرحلات كل ساعه وتاخذون جوله بالسفينه على الجزيره على حسب رغبتكم فيه فيه رحلات قصيره ابو ساعه فيه اكثر من ساعه وجوله على كورنيشها بالرجلين وزياره المطل الخاص بالجزيرة والعوده لميلان ..
بالنسبه للوقانو خلوا اليوم الاول استكشاف المدينه عن طريق القطار ( لوقانو تور ) او على الرجلين ..
فيه رحلات تقوم بها سفن تزورون قريه melide وممكن تزورون قريه سويسرا المصغره ..
تخصيص يوم لزياره الفوكس تاون قريب من المدينه حوالي 25 كيلومتر .. ويوم تزورون قريه gandria حلوه القريه وشكل البيوت والشوارع فيها رايق ..
اما بالنسبه لفينيسيا المدينه الحالمه طبعا اهم المعالم ساحه سان ماركو هذا لاول يوم مع زياره المناره المجاوره للساحه والصعود الى اعلى ..واليوم الثاني تركبون الجندول وتخذون لفه في اليحيره وحاولوا انك تكاسرون معهم ترا العرق العربي يسري بدمهم .. الى هنا ننتهي ولنا رجعه مع البقيه .. وبالتوفيق ،،،

الله يجزاك خير في انتظار البقية اذا ممكن احداثيات اكون لك شاكرة خاصة الفنادق