نجم النجوم
12-08-2022 - 11:36 pm
بسم الله الرحمن الرحيم
السلام عليكم
لو سمحتوا يااخون انا رايح مصر بعد كم يوم وحبيت اسألكم عن كم شي والله يعينكم علي
اول الأسئلة هي :
1/ أنا راح اخذ معي جهازي لاب توب هل يحتاج ادفع عليه جمارك هناك في مطار القاهره ؟؟؟ أو يزعجوني عليه ؟؟
2/ هل الافضل أن اخذ دولارات زي بيروت ولا جنيهات ؟؟؟ وهل اصرفها كلها من السعودية ولا اصرف شي من هناك ؟؟
3/ تعرفون شركة هناك اسمها الشركة الاسلامية للتسويق العقاري ؟؟
4/ وش أفضل مكان الواحد يحط فيه فلوسه وجوازه اذا أخذ شقه هناك ؟؟
5/ هل فيه هناك صرافات بنوك أليه متوفره بكثره وأقدر أصرف فيها من هناك ببطاقات بنك الرياض أو بنك الراجحي ؟؟
6/ هل الافضل أخذ شقه في المهندسيين أو مدينة نصر مع العلم أن الشقة في المهندسيين تقع في شارع الانشراح والثانية التي في المهندسيين تقع في شارع جول جمال أما الشقة التي في مدينة نصر تقع بجانب مترو الميرغني ؟؟ أي وحده فيهم تنصحوني ؟؟
ومشكورين وعذراً على الإطالة
وطلبتكم ياليت تجاوبوني على الاسئله
1- اعتقد انا مافى مشكلة راح يعاملوا جهاز الاب توب نفس معاملة الاجهزة الاكترونية ( راح يتسجل فى الجواز )
واذا لاقدر الله مارجعت فيه راح تدفع عليه جمارك .
2- اختلف المسافرون....... هناك من يأخذ دولارات وهم الغالب وهناك من يصرف جنيهات من السعودية وهم قلة
نصيحة اخوك ... خذ دولارات وريح نفسك .
3- ابعد عن الشركات فى مصر ولا تغرك المسميات .
4- الجواز والمال مشكلة المشاكل .. ما اقول الا اذا اخذت شقه غير مفتاح الشقه ولا يكون تخلى مفتاح عند الشغالة
وخلك حريص ولا تخلى البيض فى سلة واحدة ( اقصد لا تخلى المال فى مكان واحد ) والجوازات سجلها فى السفارة
زيادة حرص مو اكثر ( على فكرة عمرى ما سجلت الجواز فى السفارة مخليها على الله ) خويك زاحف ز
5- ما عندك مشكلة مع الصرفات وعندى لك حل بناء على نصيحة احد الاصدقاء ( تراها مجربة ) خذ شيكات سياحية بالدولار واصرفها من اى بنك فى اى فندق فى القاهرة .
6- بالنسبة للشقق .. العبره بمستوى الشقه فى ناس تفضل المهندسين وناس تفضل مدينة نصر ولولا اختلاف الاذواق لبارت الشقق .
تحياتى لك وسفرة موفقه وحاضرين للطيبين