ودي الف العالم
18-05-2022 - 05:23 am
السلام عليكم اعضاء منتدي المسافرون
بما انني جديدة عليكم واعجبني موقعكم تجرئت وكتبت وابغا مساعدة منكم
انا ابغا اسافر للندن بعد شهر ونصف تقريبا وودي اعرف اسافر علي الخطوط السعودية او اتحاد الامارات
علشان انا ابغا الرخيصة 000
وعندي مشكلة صغيرة وهي انو زوجي ملتحي واخاف يجينا مضايقات هناك00 وش رايكم
وانا عندي بلندن قريب وراح يستقبلنا بالمطار وابغا اروح لفرنسا يعني اخذها 5 ايام لندن و5 ايام فرنسا
وش رايكم اخذ قرروب من الرياض ولاحجزبس التذاكر وقريبي يحجزلي من هناك
وش احسن الخطوط
واذا احد عندة تعليق مهما كان صغيير لا يتردد وينصحني
وانشاء اللة ابدعي للي يقولي اي شي مهما كان ضغير
واسالة اللة التوفييق 000000000000
وعليكم السلام ورحمة الله وبركاته
مراحب ..
والمنتدى نور بطلتج معانا وان شاءالله تستفيدين وأتفيدين ..
أسعار التذاكر ..الأتحاد ارخص من السعوديه..حسب ماقريت من الأعضاء ان السعوديه ب 5000 وحاجه !!
الأتحاد اقل من 3000 ..
أما مسألة الزوج واللحيه ..فروحي حق الزوج وحبيه على راسه وقلي له هذي من القطري ..الله ايحفظه لج ..
مافي اي مضايقات بالنسبه للحيه..يقدر ايسافر وايروح المكان الي يبي بدون محد ايقوله شي ..
اذكر سنة 2005 شهر 11 كنا في لندن..وكان شارع ادجول رود كله ناس ملتحين وكلهم كويتيين ..
لما سألت عن سبب كثرة الملتحين في من اهل الكويت قالوا ان مجلس الأمه هو الي باعثهم علاج على حساب الدوله ..فلا أتحاتين مسألة اللحيه ابداً ..
اما مسألة الشقق فراح اعطيج رقم مكتب وخلي قريبج ( إذا ممكن ) ايكلمهم ويحجز لكم دام انه من أهل لندن لأن اسعار الشقق هذي حلوه وانا شخصياً انتظر منهم أيميل ..رقم المكتب ممنوع وضع أرقام شخصية - ملبورن -
مسألة فرنسا تعتمد عليكم أنتم إذا تبون قروب سياحي او لا ..انا شخصياً أفضل استخدام اليورو ستار ( القطار الي بين لندن وباريس ) والتذاكر اخذوها من هناك..وكان مكان الحجز بدري كل ماقلت الأسعار ..
وإذا كانت الرحله الأولى لكم لباريس فأنصح اتمرين على منتدى فرنسا واتشوفين الاماكن السياحيه ..
واي خدمه احنا في الخدمه ..