هلالي مغترب
حياكم الله وحاظرين لاي استفسار

اخى الكريم بخصوص السكن انتة حدد السعر راح اساعدك انشاللة

الله يعطيك العافيه
بس للاسف مالقيت عندهم حجز
اذا فيه غيرها

اخوى الهلالى حياك الله بديرتك الكويت وبين اهلك وعساها طيب الاقامة
هذا موضوع كتبه زميلنا المشرف السابق كريدت فيه معلومات جدا طيبة
ان شاء الله يحقق لك الفايدة وسامحنا على القصور
https://artravelers.com/p/re/173453
انا ما اعرف بالشقق الفندقية
لكن اذا حصلت سكن فى منطقة السالمية على البحر فغالبا يكون موقع جيد وقريب من المواقع السياحية والاسواق واحرص ان تكون عمارة جديدة
والله يحفظكم

يعطيكم العافيه جميعا
طيب كم سعر صرف الدينار الكويتي مع الريال السعودي
وهلا لابد من الصرف
وايهما افل استخادم الريال او الدينار

20= 262
40= 524
الصرف بالسعودى افضل

هلا بالهلالي والهلاليين ولا يهينون الاخرين
اما بالصرف انا صارف امس 13.25
وبالتوفيق للهلال امام الغرافه القطري

المسرحيات عندك ليله رعب للكبار فقط للفنان عبدالعزيز المسلم
رقمهم 24711122
و مسرحيه عصابه عزوز
رقمهم 65141414
بطوله احمد حسين و عبدالله و محمود بوشهري و صمود و هيا عبدالسلام و ابراهيم دشتي ......و باقي فنانين.
و مسرحيه التوأم السبعه
رقمهم 90084036 -- 65633588
بطوله هدى حسين و تصلح للاطفال حيل
و مسرحيه المدينه الثلجيه
رقمهم 25421977
و مسرحيه الفارس و الاميره و الغابه
رقمهم 99244227
و في مسرحيه ليله و الذيبين و الخوات الخمس و الصياد و في غيرهم بعد كثير ......
اما على الاسعار فمو متأكد منهم
بس اذا تبون بالاسطر الاولى تكون 10دنانير
اما الوسط 7 دنانير
اما الورا 5 دنانير
و اذا حابين تروحون حفله للفنان حسين الجسمي و نانسي عجرم
ثالث ايام عيد الفطر السعيد
رقمهم 55361484
و سعر التذكره في 50 60 80 100
و في مسرحيه سنووايت شكلها حلوه و تصلح للاطفال بس للاسف ما اعرف رقمهم بس انت دوره بالنت او باليوتيوب اكتب اعلان مسرحيه سنووايت انا اذا فكره اودي اخواني راح اوديهم لها لانه مبين عليها راح تكون روعه ....
و الكل يمدحها و اخذها مني حتى بالجرايد يمدحونها
و حياك الله