عروسة حلوة
ما شاء الله عليكم .. أنا من اول شفت منتداكم قلت يا بنت كل اللي تبينه فيذا لا تلفي و لا تحتاري
بس و الله اني كبدي حامت على ما سجلت .. بس يللا منتداكم يستاهل من يتعنى له
ام يا جماعة الخير الكتاب باين من عنوانو
أنا و خطيبي زواجنا الشهر الجاي بتسهيل الله ..
عاد خلصت فلوسنا بعيد عنكم ههه
المهم دبرنا حالنا مني و مني

وافي طال عمرك ما قصرت ...

مرحبا صبايا و شباب
أهلا وسهلا بك عروستنا ..
ما شاء الله عليكم .. أنا من اول شفت منتداكم قلت يا بنت كل اللي تبينه فيذا لا تلفي و لا تحتاري
بس و الله اني كبدي حامت على ما سجلت .. بس يللا منتداكم يستاهل من يتعنى له
ام يا جماعة الخير الكتاب باين من عنوانو
أنا و خطيبي زواجنا الشهر الجاي بتسهيل الله ..
ألف ألف مبروك مقدما والله يسهل عليكم ويتمم على خير بأذن الله ..
عاد خلصت فلوسنا بعيد عنكم ههه
المهم دبرنا حالنا مني و مني

جاكرتاوي
أخوي الكريم مشكورة جدا لتنويرك موضوي كونك أول رد
و اسمك صراحة يشجع الواحد يروح ههه
بالنسبة للطيران .. انا بصراحة أول مرة اسمع عن الجارودا
لكن كمان الاتحاد ارخص منه .. يعني ممكن يكون الاتحاد خيار كويس صح ؟
أنا شفت السعر هذا من موقع .. اخترت ما يكون فيه ترانزيت .. بس الانطلاق من البحرين
بالنسبة للحرارة .. والله العظيم اني متخوفة
يعني ما ادري الحرارة بالنسبة لك و انت عزوبي و منطلق للحياة و مو متلفلف بالملابس عشان الستر .. ممكن يختلف عن مفهوم الحرارة عندي

هليل الشمري ..
مشطور أخوي على مرورك
ابن السعودية
مشكور على تنويرك موضوعي ..
صراحة ردك ريحني كثير .. و حمسني للموضوع
خصوصا ان درجة الحرارة مثل ما تفضلت 25 الى 28 .. يعني مثل حرارة الغرفة العادية ..
يعني سوري اعذر جهلي
بس أنا وحدة عايشة في بيئة صحراوية .. خبرنا بحرارة الصيف اللي تعدي ال 50 .. و الرطوبة اللي توصل الى 100
بس 25 معقول جدا
بس شلون على الرطوبة .. عسى مو رطبة
ياربيا ماكو بنات ردوا على موضوعي
أبي مخلوق أنثوي يفهم أني خايفة على مكياجي يسيح و لا شعري يخرب ههه
هذا القصد كله
من كثر تخوفي من مسألة الرطوبة و الحرارة .. صرنا نفكر نحول على تركيا بدل اندونيسيا
بس احس حسافة على بالي جزيرة العرسان .. اسمها لحاله يحمس
أما بالنسبة لموعد الطيران .. مشكور جدا للتوضيح
مو متأكدة اذا نقدر نمدد شوي .. عشان عندي أنا شوية التزامات مع جهة العمل

هذا ما استطيع افادتك به والف مبروك
وهذه الروابط خاصه باخونا خبير بالي (نجم الكويت)
بارك الله فيه
https://artravelers.com/p/re/293712

تروحون وترجعون بالسلامة
وبالنسبة للحر مثل ماذكروا الاخوان حرهم مقبول مو مثل عندنا
وبالي ماتتعوض والأفضل توزعون الأيام بين جاكرتا والجبل وبالي
وبشغلات الحريم ما إلك الا ام عزيز تقدر تفيدك ههه

باختصار أعلم أن الجو في أندونيسيا واحد .. ففي منتصف شهر 11 و12 و1 و2 وأول شهر 3 ..أجواء ممطرة دائماً ...
ففي كل عام هناك أربعة أشهر ممطرة .. وباقي السنة يكون الجو واحد ويختلف من منطقة لمنطقة .. فمثلاً منطقة بنشاك وجبناس يكون بارد وعليل وفي اليل تزيدالبروده .. ولا يكون حار أبداً ..
واما جاكرتا وشربون وبالي .. فتكون حارة الى متوسطة ومناسبة .. أغلب أيام السنة
المناخ بالي
نوفمبر – مارس يكون ا لطقس حار رطب
مايو – سبتمبر يكون الطقس جاف ولطيف نوع ما
طيلة ايام السنه تكون الحراره خلال النهار مابين 20 – 33 درجه مئويه
خلال شهر نوفمبر او الفصل الحار الرطب تهب رياح موسميه غربيه تجلب امطار كثيفه بالاضافه لرطوبه عاليه
وخلال الفتره من يونيو الى سبتمبر الرطوبه تكون منخفضه ويمكن ان تكون الاجواء بارده خلال الليل
واثناء هذه الفتره من السنه من النادر ان ترى الامطار تهطل على سواحل بالى