سهم سهم
21-12-2022 - 09:22 am
السلام عليكم ورحمة الله وبركاته
اعضاء وعضوات وزوار المنتدى الرائع اسأل الله لكم التيسير والتساهيل في كل امر
فيه موضوع ازعجني كثير كثير ولا ادري والله وش الحل ووش اسوي وهل بواجه عقبات
ياليت تدلوني وتعلموني على اساس افصل في الامر واخربها مره وحده واغير الوجهه من النمسا
الى الصين وياحبي للصين وتاشيرة الصين ......
السالفه ومافيها اني بسافر النمسا بعد اسبوع ومطلع التأشيره من اسبوعين ومن الفهاوه طالعت الجواز
وبالضبط طالعت تاريخ التاشيره واول مره بنفس السفاره لما اعطوني التاشيره والمره الثانيه بالبيت
ورميت الجواز بالدرج وبعد كم يوم طالعت الجواز مره ثانيه وبالضبط تاريخ التاشيره والوضع فيه ريبه يعني
انا قلبي يحس بشئ يقول لي افتح الجواز وطالع تاريخ التاشيره ياغبي وسبحان الله اروح افتح الجواز
واطالع تاريخ بداية ونهاية التاشيره واقفل الجواز وارجعه بالدرج الى ان جاء اليوم ومابقى على سفرتي
الا اسبوع واحد فقط يوم طالعت جوازي بعين العقل لابعين القلب وامحق من عقل وقلب لكن عدوها
اكتشفت انه السفاره النمساويه اعطوني التاشيره مدتها اقل من رحلتي بكثير واقل من حجوزاتي بكثير
يعني مثلا رحلتي بيوم 27 سبتمبر والعوده في يوم 6 اكتوبر قسما بالله ماتسوى قيمة التأشيره اللي
عطيتهم ياعساها بحلوقهم والمشكله حجوزاتي بعيده كل البعد عن هذا التاريخ فايش تنصحوني اسحب
عليهم واكمل السفره ؟ من باب لاتسألو عن اشياء ان تبدا لكم تسؤكم ومن باب ايضا لاتحرك تبلش
والا اروح السفاره ولو حصل ورحت السفاره هل تتوقعون انه وقعوا في خطأ مع اني متاكد انه وقعو في خطأ
فادح والا كيف يعطوني تاشيره تنتهي قبل يوم رحلة العوده ..... والمشكله التي تؤرقني انه ماباقي على سفري
الا اسبوع واحد ولو حصل ويعدلون التاريخ اخاف يلطعوني اسبوعين زياده ....وهل لو قالو لي مانعدلها او بيتاخر التعديل
هل يجوز لي مطالبتهم بارجاع قيمة التاشيره ورمي التاشيره في وجوههم ..... وقانونا ماهو الاجراء المتبع في مثل
هذه المصيبه .....
افتوني في باقعتي ومصيبتي اسأل الله لكم التيسير في حلكم وترحالكم وان لايحركم الاجر في الدنيا والاخره
بصراحه ماعندي حل بس حزنت لوضعك كثير.. لو إنك بالرياض لازم تروح لهم وتستفسر منهم
المشكله إنك قد تواجه مشكلة بالمطار ويرجعونك يمكن يقولون إنك يمكن مددت بالحجز وهذا ماهو خطأ السفاره
ربي يكون في عونك مبدئياً إتصل فيهم تلفون وربي يوفقك وعلمنا وش يصير معك