أجل خوي
حتى أنا مبتعث معك لنيوزلندا (تبع التأمينات)
بس ممكن تعطيني أسم جامعتك علشان أساعدك
وبالمناسبة ترا الراتب 4500 ريال سعودي
أي بالدولار النيوزلاندي 1600 دولار
وبالسراحة أنا أسأل نفس سؤالك
هل 1600 دولار نيوزلندي تكفي ؟؟؟؟؟؟؟؟؟؟
تكفون الفزعة يا شباب
تراي بحيرة وأرتباك والسفرة اليوم 10:30 ليلا

abuyam
هلا بك أخوي
أول شي انا ماعندي اي معلومة عن نيوزيلاندا للأسف
بس لي تعليق على المكافأة انت قلت انهم قالوا لك 1700 دولار
بس لاتعتمد على هالكلام
لان المكافأة هم يرسلوها لك بالريال السعودي على حسابك وتختلف من شهر لشهر على حسب اختلاف سعر الصرف
خذها معلومة مني لاني مثلك مبتعث لدراسة البكالوريوس على حساب التأمينات الاجتماعية و لكن في استراليا
انا من طلاب الدفعة اللي قبلكم و الحمدلله خلصت سنة اللغة و السنة الجاية ابدأ الفاونديشن
المكافأة مقدارها 4500 ريال ولكن احنا نستلم للاسف 4150 ريال بسبب خصم التأمين الطبي :112:
و زي ماقلتلك كل شهر يوصلنا مبلغ مختلف مرة مبلغ عالي و مرة مبلغ قليل بس الحمدلله ان الفرق بين اعلى راتب واقل راتب مازادت عن 100 دولار
ونصيحتي لك حاول تكون في مدينة صغيرة لان المدن الكبيرة دايما غالية
تحياتي لك
زهير
ملبورن - استراليا

المرتبك
الله يوفقك وانا مو مسافر مع العشرة الي اليوم انا مع العشرة الثانين
زهير الله يعطيك العافية على الجواب بس هل اقدر اختار جامعة ومدينة على كيفي ؟
لاني اظن ان فيه جامعة محددة لنا

السلام عليكم ورحمة الله
والله يا إخوان الموضوع يعتمد على المدينة اللي راح تتواجدون فيها
على سبيل المثال وضمن إحصائية سمعتها لم كنت هناك أن أوكلاند أغلى مدينة للمعيشة بعدها مدينة نيلسون(قلب مضمخ بالدماء lool) ,,,الثالثة ولينغنتون ,,,,الرابعة للأسف ما أذكرها ,,,,الخامسة كرايس تشرتش
الحين خلونا نحسبها مع بعض
وبما أن السكن راح يكون عليكم
فمعدل(المتوسط) سعر تأجير الشقة المؤثثة والمناسبة لنا كسعوديين ب 300 دولار أسبوعيا =1200 شهريا
السيارات إذا كنت تبغى سيارة كويسة بتشتريها ب10000 دولار
هذي أهم حاجتين هناك ..... السكن والسيارة
بالنسبة للأشياء الثانية الأكل الملابس.....إلخ
باختصار نيوزلندا أغلى من ديرتنا ضعف أو ضعفين أحيانا
عدا الكتب والدخان(السجائر) هذي غالية بشكل خيالي
أناأؤيد يا إخوان إذا يمديكم الوقت اشتروا كل شئ تقدرون عليه من السعودية
هذا الشئ راح يساعدكم على الحد من المصاريف هناك
خلاصة الكلام::: في نيوزيلندا إذا ما كنت مدخن أو راعي طلعات وهجوله وتمشي صدقني ماراح تحتاج إنك تصرف أي شئ......
بالتوفيق واستمتعوا بالطبيعة الخلابة هناك

abuyam
هلا بك أخوي
بالنسبة لي أنا قالولي اختار المدينة والجامعة التي تبغاها في استراليا
يعني الخيار متروك لك بس هم ينصحوك انك ماتروح المدن الكبيرة
اي سؤال اخر عزيزي انا تحت الخدمة
اخوك
زهير

الفدرالي والله خوفتني
انا اتصلت على التأمينات والي رد علي مو متأكد شكله المهم سألته عن المدينة قال أغلب الظن في أوكلاند بس هو مو متأكد بس أنا بمرهم يوم السبت وبسأل
بس بالنسبة للسكن كنت سألتهم من أول وقالوا متوسط 180 دولار بالاسبوع
بس الاكل غالي ولا لا؟ الملابس ؟الكتب ؟
والسيارة انا ما ابي سيارة جديدة يعني من 85-90 هل بحصلها في حدود 1500دولار؟
أخوي زهير هم الى الحين ما قالوا لنا اختاروا وزي ما قلت لاخوي الفدرالي بمرهم السبت وبسألهم وبرد لكم خبر

1. انا توني جاي من نيوزلندا وجلست فيها اكثر من 6 شهور


2. ابقولك الي اعرفه هناك

السلام عليكم

انا توني جاي من نيوزلندا وجلست فيها اكثر من 6 شهور

ابقولك الي اعرفه هناك

البلد غاليه شوي بس با النسبه للسكن بتحصل با 150 دولار الى 400 دولار با الاسبوع على حسب رغبتك شقق مثل غرفة نوم و صاله و مطبخ و حمام وانتم بكرامه اما فيه غرف 150 الى 200 دولار با الاسبوع وهذي غرفة نوم و مكتب با الغرفه و مطبخ مشترك مع اربع غرف او اكثر وحمام مشترك بس انا اشوف اكثر الشباب يسكنون مع بعض يخذون شقه كبيره ثلاث غرف نوم و صاله كبيره وتطلع على الواحد اقل من 200 دولار اما الاكل فيه الوجبات السريعه مثل برقر كنج و ماكدولنز الوجبه من 6 دولار الى 8 دولار وفيه مطاعم ايرانيه و هنديه الوجبات من 7 دولار الى 11 دولار
اما با النسبه للملابس غاليه مره انصح انك تاخذ الملابس كلها من بلادك التكاسي غاليه مره من20 دولار و فوق
اما با النسبه لي انا اصرف با الشهر 1200 دولار من غير السكن يعني كلها طلعات وتمشيات وعندم شبكات بصات حلوه وارخص شي يعني تطلع لك كرت شهر كامل با 86 دولار تركب اي باص تبيه الا المناطق البعيده
وان كانك تبي سياره اعرف واحد شاري له سياره با 1200 دولار سياره اي كلام بس تمشي وتروح ويسافر عليها
بس المشكله البنزيم غالي شوي والمواقف با الساعات
والله يعينك ويوفقك واي سؤال ثاني انا حاظر

صعبه نعطيك جواب والمدينه ما حددوها ...

ابراهيم بن محمد
شكرا على المعلومات الي اعطتني فكرة موجزة عن التكاليف وتسلم ويعطيك الف عافية
استاذنا الكبير مايسترو
انا اتصلت على التأمينات ورد علي واحد شكله ماهو متأكد وهو قال انه مو متاكد قال المدينة ممكن اوكلاند
عندي سؤال
السيارة كيف نظامها الدركسون يمين ولا يسار
هم زينا بالسعودية ؟