السلام عليكم ورحمة الله وبركاته
اسعد الله صباحكم بكل خير
اخواني واخواتي الكرام انا قدر الله علي اني احجز رحلة شهر عسل بنهاية الشهر الجاي
ثم بعدها توهق البطل.. الزبده بيني وبينكم فيه كم استفسار ابغى فزعتكم فيها
طبعا انا راح يكون تاريخ الوصول الى باريس يوم 22-6-2012 ولمده ثلاث ايام وبعدها اطلع على سويسرا وهي كالتالي :
1/ ودي اعرف كيف تعاملهم معنا في المطار وهل المطار واضح وسهل التنقل فيه للطلعه يعني .
2/ انا حجزت بفندق Villa Des Ternes Hotel وابغى تعلموني بافضل وسيلة نقل من المطار له .
3/ ودي تعطوني اهم الاماكن السياحيه والمناسبه ويا ليت لو تفضلتوا تسوون لي خطه من الفندق اليها عن طريق القطار مع العلم ان اقرب محطة لي هي Neuilly - Porte Maillot
4/ راح اطلع من باريس الى جنيف في محطه Geneva Cornavin Train Station والسؤال هو اني حاولت احجز من موقع القطارات الاوربيه من باريس الى جنيف بس لما اختار محطة المغادره يطلعلي مكتوب باريس ومدري وش اسم المحطه اللي اقدر اطلع منها لجنيف هل اسمها gare du nord paris او انه عادي اقرب محطه ومعك يالنشمي
5/ انا حاولت احجز تذاكر المغادره من باريس لجنيف عن طريق النت واطبعها في البيت ولكن قرأت ان الواحد لازم انه يمرر ورقة التذكره على المكينه عشان تفتح لي بوابة الخروج للقطارات فلو طبعتها من عندي ورحت هناك هل راح تقبلها المكينه او لازم اني استبدلها اذا رحت هناك (( اعذروني عالسؤال المتنيل بستين نيله بس ما قدر ركبت قطار ابدا حتى قطارنا الحبيب ما طبيته ))
وسلامتكم ... طلبتكم ما تشوفون موضوعي وتتركونه ...
تحياتي
أخوكم / LOVER