انا توي جاي اليوم من جنيف وزرت المدن هذي كلها وراح اقولك السيارة افضل وسيلة تنقل في سويسرا
لانك في السيارة تاخذين راحتك وتسمتعون بالمناظر الجميلة

السيارة الخيار المفضل عندي
او
المواصلات العامة السويسرية من قطارات وخلافة تعتبر الافضل على مستوى اوروبا بدون منافس وهي سهلة الاستخدام لان شبكتها تغطي معظم الاماكن

ياحياتي انتم ماقصرتو يا chubby وياسعد القحطاني يعطيكم الف عافيه
طيب اخوي chubby قلت لي انك زرت المدن هذي طيب ولا عليك امر تقولي كم المسافه بين كل مدينه ومدينه
لاني قريت ان المسافات بينها طويله بالساعات بس ابي اتاكد منك
معليش كثرت اسئله وبكم استأجرت السياره ومن وين
طيب اخوي سعد القحطاني قلت لي القطارات المشكله كيف اخذ تذاكر واخاف اضيع محطات القطار ولا عليك امر اذا انت تدري التذاكر كم تكلفتها ؟؟
ادري ازعجتكم بس ماسألتكم الا اني اشوف انفسكم طيبه وصدوركم واسسعه على اللي يسألكم الله يخليكم

أخي ميلان ان شاء الله ربي ايسر عليك ترتيب الجدول ويوفقك في سفرتك
بخصوص الجدول كثير مليان من ناحية السكن تقدر تختصر وايد فيه
يعني مافي داعي السكن في جنيف ولوزان مع بعض حدد فقط واحدة منهم
يا جنيف أو لوزان أو مونترو من رأيي افضل مونترو هذه الخيارات في حالة
أنه ميزانيتك للسكن مفتوحة أما في خلاف ذلك يمكنك الاطلاع على تقارير الأعضاء
ودليل أبو عزيز السكن في الضواحي الفرنسية مثل ديفون " أوفر ..
=====
ولازم ترتب محطة السكن مع الوصول لسويسرا والعودة لأرض الوطن
بحيث يكون ترتيب الجدول ك التالي :
الوصول مطار جنيف الانطلاق في نفس اليوم ل انترلاكن إذا أمكن
5 أيام انترلاكن ( تقسمها على أهم الأنشطة في انترلاكن من قمة ينغفور & الشلالات القرى المحيطة )
2 يوم لوقانو ( اليوم الاول راحة من عناء الطريق واستكشاف للمنطقة اليوم الثاني شوفلك شي من الأنشطة من تقارير الأعضاء)
3 أيام لوسيرن ومنها تطلع لزيورخ ( الاستمتاع بقممها الرائعة واستكشاف المنطقة ويوم لزيورخ والتمتع بالتسوق ويوم
شلالات شفنهاوزن )
4 أيام مونترو أو الريف الفرنسي ديفون ( المحطة الأخيرة تطلع فيها ل انسي وأخذ جولة في بحيرة leman
ممكن تطلعون ل قشتاد وممكن تتطلع على تقارير الاعضاء أكثر عشان تحدد شو الأنشطة الي تحبها وعلى
أساسها تختار الأماكن .. )
وسيلة النقل يفضل على الأماكن الي مختارنها خصوصا لوقانو السيارة
بشهادة جميع من جرب السيارة الأفضل .. ومع القارمن كل شي سهل بإذن الله ..
بخصوص القطارات سهلة جداً أنا استخدمتها مرتين في سويسرا أما المرة الياية ان شاء الله
بتكون السيارة والانتقال من مدينة لمدينة في سويسرا سواء بالسيارة أو القطار أمر سهل جداً
لا تعطيه حيز من التفكير أهم شي عليك ب القوقل مات وشوف المسافة بين كل المناطق
أهم شي انته ابحث وركز عشان الشي يرسخ في بالك واطلع على خريطة سويسرا
والأمور بتكون كلها سهلة بإذن الله ...

السلام عليكم ورحمة الله وبركاته
هلا وغلا الغالي
وحياك الله بين اخوانك وخواتك وان شاءالله اتفيد وتستفيد
في البدايه اتمنى اتغير التخطيط بالكامل ..
مجرد تقرا المدن تتعب من كثرتها فما بالك بالتنقل ..!!
يعني سفرتكم كلها من قطار لقطار ومن فندق الى فندق !!
5يوم في 6 مدن !!
احنا ناخذ 15 يوم في مدينتين ..
اضم صوتي لصوت خبيرتنا ام عبود ..
المدن القريبه ممكن دمجها وتوفير عناء المواصلات والفنادق وعلى الأقل الشناط ترتاح اشوي من كثرة التبطل والتسكر ^^*

انا مع ام عبود خصوصا يوم قالت
um-3bod
والأمور بتكون كلها سهلة بإذن الله ...
وبالنسبة لتذاكر القطار اذا فررت تستهدم القطارات , عندك السويس باس تقدر حتى تشتريها قبل السفر وتفعلها اذا وصلت من محطة القطار . تشمل جميع المواصلات قطارات باصات رحلات البوت ما عدا القطارات الجبلية اليونفرو والهاردر كولوم وتيتليس وما الى ذلك + الترفليكات هذي كلها تاخذ عليها خصم بوجود السويس باس.
و للمعلومية السويس باس فيه له موضوع كاتبه ابو عزيز يشرح اواعها

مشكورين ماقصرتو والله لايحرمني منكم صراحه فكرتكم رهيبه
اكرر شكري لك يام عبود ويالقطري وسعد القحطاني الله يخليكم ويوسع عليكم
بس تراني مو اخ انا اختكم ^_^
من د خجلتوني بطييبكم ..
لكن تكفون اي استفسار بجي لكم وامابيكم تقصرون معي

حياكم الله سواء اخت او اخ وكلكم غالين ..
واي سؤال احنا لكم بالمرصاد

شباب اعتذر عن مشاركتي الاخيرة..... تفشل كلها اخطاء
اكيد ما دققتوا صح
, واعتبرو انكم ما شفتو شي. اهم شي المعلومات مزبوطه