السلام عليكم ورحمة الله وبركاته
ومساكم الله بالخير او صبحكم الله وكلن على حسب توقيته ..
يا اخواني واخواتي الاعزاء ابشركم ان الفيزا طلعت والسفر قرّب وعندي عدة اسئلة :
اولها اني شريت لي بعير وابي اشحنه لأمريكا على كونتينر ماخبرتم لي قصّابين منتازين
.
.
امزح ... امزح ... لاحد يصدق خايف تقولون وش الطعس اللي يبي يسافر ببعارينه ..
يا اخواني والله تدور في ذهني عدة اسئلة اولها عن الامور المالية ..
هل اقدر اخذ معاي مبلغ كبير وهل النظام الامريكي يسمح بهالشيء او اني اروح ملحّط ..
ثانياً كيف التعامل مع الشيكات السياحية (ترافل شيك) هل معمول بها في امريكا ومعترف بها في البنوك الامريكية من اجل فتح حساب او مثل ربعنا العشره مشقوقة ماتنفع
ثالثاً الرخصة الجديدة هل تغني عن الرخصة الدولية لاسيما ان الرخصة الجديدة مترجمة من الخلف ووضعها عال العال او اني اطلّع رخصة قيادة امريكية لأن فترة دراستي اكثر من اربع سنوات .
خامساً الهاند باق هل هي مسموح الصعود بها على الطائره عشان ابشر زوجتي المصونة حفظها الله
سادساً الله يعطيكم العافية ويوفقكم في دراستكم جميعاً وترجعون لأوطانكم سالمين غانمين معافيين