هلا فيك اخوي
انا خبرتي مو كثيره بس بفيدك باللي اعرفه
بوكت فيها خيارات كثيره وخصوصا لكم كشباب .... فيه جزيرة جيمس بوند حلوه مره وكذلك جزيره بي بي تتميز عن جيمس بوند بالغطس تحت الماء ورؤية الاسماك ... والا انا احسها مثل جيمس بوند بصراحه يعني اذا مايهمك الغطس مايحتاج تروح لها ...
فيها رحلة للفيله ورياضة الرافتينج وهي جدا ممتعه ورائعه ...
فيها من شواطئها الباتونج بيتش وهذا يعج بالسياح وفيه شاطيء الكارون وهو اهدأ منه .....
زوجي شاف شباب هناك يقولون جالسين في بوكت 13 يوم ... واستغرب زوجي قال لهم مامليتوا؟؟
قالوا : لا كل يوم مكان ... تسلق جبال وسفاري ورمايه ورحلات ثانيه ماشاء الله عليهم ماخلوا شيء ..
بس انا ما اعرف عنها كثير عشان كذا ما اقدر افيدك عنها ...
وترى فوكت غاليه لانه دايما فيه سياح يعني ماعندهم هاي سيزون ولا غيره ... بس لازم تفاصل باسعار الرحلات وسعرها من مكاتب بوكت نفسها ارخص من برى
رحلة الجيمس بوند بحدود 1300 للشخص والبي بي بحدود 1200 للشخص ويمكن تلقى ارخص على حسب البوت اللي راح ينقلك ...
انا جايه هالشهر منها موسم امطار بس حر وشمس بصراحه وما ادري اذا اغسطس يفرق كثير او لا ...
هذا اللي اقدر افيدك فيه وان شاء الله باقي الاخوان مايقصرون معك

مشكوره اختى ماقصرتى
اخوانى انتظر ردودكم

اخوانى وتذكرت بالنسبه للفيزا شلون طريقتها انا من الكويت هل اروح السفاره ؟؟؟او بالمطار

1. سفره هنيه انشاءلله اذاسافرت أنا بسافر شهر 7 بأذن الله


2. ألعام شهر6 و10 أيام من شهر7 ورديت وببجي لأني ماشبعت


3. ذكرتني بايام حلوه غصه يتني ودي اللحين اروح

سفره هنيه انشاءلله اذاسافرت أنا بسافر شهر 7 بأذن الله

ألعام شهر6 و10 أيام من شهر7 ورديت وببجي لأني ماشبعت

رحت بوكت وناسه وايد لأنها مومثل بانكوك ومنطقه راقيه لأنها تكثرفيها الأجانب ومره سألت واحدراعي محل في بوكت قال أغلب الامريكان عايشين هني أو يروحون ويردون وفي محلات يملكها أجنبي وبالنسبه حق الأسعار أكيد غاليه مونفس بانكوك بس بانسبه حقنا احنا يالكويتيين يابلاش أناشريت من بوكت مع العلم أني بروح بانكوك بس الواحد مايقدر يمسك نفسه عادي تسوق واشتر اذا ماتبي تنزل وتقعدلك جم يوم في بانكوك
الأكل يابلاش ارخيص اشتر ربيان من السوبرماركت وخل يشويه حقك ببلاش بس تدفع فلوس الربيان
أو من العربانات الي بالشارع اختار الكميه الي تبيها من الربيان ويطبخ باركيو لذيذ وارخيص وفي مقاهي هناك للشيشه وتطلب تبوله فتوش سبجتي ربيان لذيذ من القهاوي العربيه الي هناك وارخيص
وانتبه ######أمراض والله أمراض كم موقف شفته بعيني
وكثرة الجنوس وايد في بوكت ديروبالكم لا#####
النهار في بوكت للبحر والتشمس والعصاري او المغرب للسوق والليل بعد بس الليل حلو للطماشه والتمشي

ذكرتني بايام حلوه غصه يتني ودي اللحين اروح

• بيبي ايلند PHI PHI ISLAND جزيرة تبعد عن بوكيت 24 كيلو تروحين بالقارب السريع عجيبه اخذي كاميره وفلوس ويبيعون نظارات شمسية عجيبه وفي سباحه هناك عجيب
• في رحله لصيد السمك بالقارب حلوة الرحلة وفي رحله ECO SAFARI
• PUKET ZOOعجيبه وحلوه
• FANTASEAH WORLD وايد حلو في عرض عجيب حجزي حق الرحله من المكاتب الي بالشارع وياخذج باص للرحله غخذي معاج فلوس في مطعم هناك عشى ويبيعون أغراض بسيطه وحلوه تفتح المدينه كل يوم الساعه 8 ونص بليل يبدأ العرض 9بليل
• في رحله للجبال
• رحلة مناظر طبيعية وحياتية
• جيمس بوند ايلند بس أقول الي يروح بي بي ايلند مايحتاج يروح جيمس بوند

وفي فندق ارخيص قعدنا فيه ونظيف ويم كل شي وبالاخص يم اكبر شاطئ في بوكت اسم الوها فيلا alloha villa
سعره وايد ونظيف وفي سيفت بوكس ولا يقصون عيكم بالسعر الغرفه حق شخصين 350 بات او 500 بات
انا ناسيه بالظبط
وشكراا

شباب انصحكم ببتايا لان فوكيت عوائل اغلبها وممله بعض الشي-تحياتي لك

السلام عليكم
اولا
انا زرتها 5 مرات
وافضلها بشهر اغسطس الجو اجمل فيه
الكويتيه تطير لبانكوك دايركت بس
اما الباقي دايركت
رحت على القطريه وعلى الاتحاد وعلى السيلانيه
افضلهم من الخدمات الاتحاد والقطريه بس عيبهم الترانزيت الممل
ثانيا
تقص تذكرة من المطار على بوكت ومدة الرحله تقريبا ساعه وربع او اقل
تقصها رايح بس 2000 بات اذا تبي الطيران الرخيص الي هم
نوك اير و ون تو قو اير
واسيا اير
اقضل شاطئ فيها الباتونغ وهو اشهرها
والي شفته في الشاطئ لوحه تقول انه السباحه ممنوعه
انت لو تروح وتشوف تخاف تسبح المحيط يخوف مو واجهة البحريه
احلى رحله وانصحك فيها الرافتنج
اذا راحين شباب قولي وانا اظبطك بكل شي
حتى الفنادق اعلمك شنو احسنا وجم اسعارها

تحياتى للكل واسعدتنى المشاركه وماقصرتو