شامي وامري لله
27-10-2022 - 12:20 am
السلام عليكم ورحمة الله وبركاته
بصراحه ودي اسافر ديره سياحيه بحته وتصلح للشباب
وقررت اني اسافر تايلند هالصيفيه بأذن الله مع اني اكره الزحمه و السفر بالصيف بما فيه من زحمه وارتفاع الاسعار لكن وشنسوي
انا بسافر للشام بقضي فيها ثلاث لليالي ومن اهناك بطير للتايلند
وبغيت اسئلكم عدة اسئله
1- كم يبيلي ميزانيه حق 10 ايام اكون فيها معزز مكرم .؟ علماً عدد المسافرين شخصين فقط
2- هل فيها مشكله اذا كان معاي شخص يحمل جواز سفر سعودي ؟ لان صديقي الا بيسافر معاي سعودي
3- هل فيها نصب مثل الدول العربيه ؟
4- وشلون الاكل العربي والحلال بالديره هاذي لان بأوربا يذبحك الجوع وانت مااكلت عيشه تنهضم
5 - الامراض الوبائيه مثل السارس هل هو منتشر ايضاً بالمناطق السياحيه ؟
ارجو الرد على اسئلتي ولكم جزيل الشكر
ج1) الميزانية حيب صرفيتك .. لكن لمدة عشر أيام اتوقع 1.000 دولار كافية.
ج2) بالنسبة لسفر السعودي .. حسب ماهو معروف انه ممنوع ولازم بتصريح لكن ان شاء الله مافي خوف واللي قاعدين يسافرون يروحون ويرجعون ولا فيه اي مشكلة
ج3) الحذر مطلوب في كل بلد .. لكن مقارنة بالدول العربية مافيه شي
ج4) يا كثر المطاعم العربية اللي عندهم .. لا تخافون
ج5) بالنسبة للأمراض ان شاء الله مافيه الا الخير .. وسارس اللعين انتهى لكن فيه بالصين احيانا.
اتمنى اني قدرت افيدك ...
تحياتي ،،،