https://artravelers.com
05

قطري11
حياكم الله اخوي بديرتكم الكويت
واي خدمه احنا حاضرين ؟؟

1. كويت ماجك((الفحيحيل))


2. الدراريع

نجهز حق وحده من خواتي بتزوج وعقبالكم كلكم
ولكن المشكله انا اول مره نجي الكويت
ومب عارفين وشو احسن المجمعات الي عندكم؟
حاضرين للطيبين
هذا اقباس لرد سابق لي في موضوع مشابه عن تجهيز العرائس
الكاتب :مورسيدس بن بنز
انا كنت سابقا من اصحاب المحلات التجاريه الخاصه بالحريم وكان عندي 3 محلات وصفيتها
بالاضافه اني متزوج وصار عندي خبره من كثر فراره هالحريم الله يصلحهم
العطورات الفرنسيه والميك اب ذات الماركات المعروفه
المركز الفرسي وله افرع عده
محلات بيضون وله افرع عده باغلب المجمعات التجاريه
وفيه غيرخم كثير بس للاسف مايحضرني ذكرهم
العطورات العربيه والخلطات والبخور
سوق المباركيه (((المجمع الخارجي على شكل محلات تراثيه قديمه )) في اكثر من 12محل مثل الشايع والفوردي والقريشي وليس القرشي وايظا القرشي موجود وغيرهم من المحلات
وانتي محظوظه اذا صادفتي معرض العطور والمكياج في كل سنه بتاريخ معين يسوونه بارض المعارض بمنطقه مشرف على الدائري السادس في 90% من محلات الكويت تشارك فيه وباسعار وعروض خاصه
الميك اب العادي تقليد ماركه
بنفس السوق المباركيه بالسرداب اسمه على ما اظن (((الشايع الجمله))) في اكثر من محل وكله شغلات يجيبونها من تايلاند وهو اللي يوزع على اغلب محلات الكويت
وفيه خوش محل بالزاويه بروحه يبيع شنط واحذيه وساعات (((تقليد ماركه درجه اولى))
الشنط والاحذيه ذات الماركات المعروفه والمشهوره
سوق شرق
المهلب
الكوت
الصالحيه
مارينا مول
كويت ماجك
طبعا انا زرت اغلب دول الخليج اسعار الماركات العالميه المشهوره ولامعروفه قريبه جدا من بعض بس تفرق العمله وفي بعض الدول لايوجد وكلاء لماركات معينه وبعض الدول غنيه بها مثل الامارات مشالله كثيره ومتعدده
الشنط الاحذيه العادي والمتوسطه
اللي يجبونها من دبي وتركيا وسوريا ومصر
مجمع الدبوس اللي موجود((( بخيطان )) وليس الفروانيه
مجمع الحمرا مول والعربيد بلازا ((بالفروانيه)) المجمعين متلاصقين ببعض
مجمع مبارك الصيفي بلاس ((الفروانيه ))
مجمع اجيال ((الفحيحيل))
العنود((الفحيحيل)
سوق السالميه القديم

كويت ماجك((الفحيحيل))

الدراريع

بالكويت هالايام هابين بموظه والاتجاه وبكل قوه للمعارض الموقته و للمشاغل الخاصه بالبيوت يتلقينهم حاطين اعلاناتهم بوسط المناطق وجايبين مصممين او مصممات واحيانا يعرضون في بعض المعارض مثل ((بيت سدره بيت ديفا جدام سوق شرق وجريب من المستشفى وارض المعارض بمشرف ))) واغلب توقيتات المعارض قبل المواسم مثل رمضان العيدين دخله صيف دخله شتاء
التايور
مجمع العثمان بمنطقه (((حولي ))) الوجهه الاولى لسيدات الكويت بالنسبه التاييور
مجمع النقره الشمالي ((حولي )) وايضا فيه فساتين سهره واعراس وشنط واحذيه وذهب
المهلب (((حولي )))
مجمع البستان ((السالميه)) ايضا فيه فساتين اعراس وسهره
سوق ((السالميه القديم))
مجمع اجيال ((الفحيحيل ))
سوق السالميه(((مدينه المعلم))
الملافع ولاعبي ودراريع بوطقه
بالفروانيه لا يحضرني اسمه قريب من جميعه الفروانيه وبنك الكويت الوطني
الذهب
سوق الذهب في المباركيه (( العاصمه الكويت ))
وحولي شارع ابن خلدون
والفحيحيل بجانب مجمع العنود
الفروانيه خلف جمعيه الفروانيه
واحدث واغلى الذهب محل (((الباورا))) في سوق الذهب المباركيه ومحل (((مجوهرات الاربش))) في نفس السوق
الساعات الماركه الثمينه
روائع جنيف وله افرع عديده منها (حولي مجمع بيروت-- الفروانيه مجمع مبارك الصيفي بلاس--السالميه--
الاربش وهناك ايضا محلات عديده اخرى لايحضرني اسمها
قمصان نوم
مجمع الايوب ((حولي ))
المشاركه قديمه
وفي هذه الايام تم افتتاح اسواق ومجمعات جديده
منها مجمع مغاتير في منقطه الفروانيه وهو سوق متنوع

هلا فيك اخوي
اهم المجمعات:
سوق شرق
المارينا مول
الفنار
الكوت
مريم
البستان
ليلى جاليري
لاند مارد
اجيال
مجمع النقرة الشمالي والجنوبي
العثمان
للماركات:
مجمع الصالحية
مجمع الراية
مجمع زهرة
عندك ايضا للخامات مجمع البلوكات
الدراريع:
مجمع الاوقاف
العربيد
بالنسبة لبودل موقعها حلو وهي حلوة ومناسبة
وحياك الله

حياكم الله بالكويت
اذا تبي محلات الماركات عندك فلا مودا فيه غوتشي + فندي+ برادا +سلوران .......الخ
والصالحيه فيه ديور + لويس فيتون + سكادا + جفنشي + محلات ساعات......الخ
الرايه فيه بربريز + بالي+ سيلين ......الخ
واذا حق دراريع عند انسام الخلف عندهم سيل بس مادري لي متى السيل عندهم واذا تبين اسعارهم مناسبه عندج بالفروانيه...
ومحلات العطور مثل فافوم و دبنهامز هذي محلات بالمجمعات بس احسن تروحين الجمعيات فيها محلات مالت العطور والمكياج يكون ارخص شوي مثل جمعية الشاميه والروضه و ضاحية عبدالله السالم و وايد جمعيات فيها
و اذا تبون اي شي احنا حاضرين

بصراحه ولا يزعلون اهل الكويت ما اشوف فيها شي مميز اغلبها عاديه جدا ( الاسواق _ الفنادق_ الشقق___etc) استغرب اللي يطلع من السعوديه او دول الخليج للكويت عشان يشتري اغراض لانها ليست دوله مصدره ( مثل دول المنطقه) والبضائع اللي عندهم عندنا والاسعار ارخص اخوي مر علي الشرقيه اذا بتطلع بر وشوف الفرق ..............
8
8 888
8 88888
وجهة نظري

والله يااخ sailor2007 انت الظاهر مشترك بالمنتدى على شان حبك الزايد للكويت وبعدين محد طلب رايك واحتفظ فيه بنفسك احنا مانجبرك حتى تحب ولا تنعجب بالكويت بس نجبرك انك ماتغلط على الكويت بطريقة مباشرة او غير مباشرة واذا انت زرت الكويت وماعجبتك هذا رايك ولولا اختلاف الاذواق لبارت السلع
واللي بيينا ويزورنا بنحطه فوق راسنا والعين اوسع له من المكان ولا مايبي فالله حافظه مع كل الاحترام والحب له

انا اخوكم من قطر وانشالله راح اجي الكويت الاسبوع الجاي علشان نجهز حق وحده من خواتي بتزوج وعقبالكم كلكم
و عليكم السلام ..
بالمبارك و الله يتمم عليكم بخير و يوفقها ان شاء الله
وشو احسن المجمعات الي عندكم؟
مارينا مول
سوق شرق
البستان
الرايه
المهلب
الفنار
زهره
ليلى جاليري
بلازا الساليمه
بلازا حولي
العوضي
الكوت + المنشر
وشو احسن الفنادق والشقق الي تصلح حق العوايل؟
انصحك بالنسبه للفنادق..
مارينا موول او الرايه(ماريوت كورت يارد) او مريديان بنيدالقار(ريتز سابقا)
بالنسبه للشقق..
رويال سويت او رويال ان او تايم سكوير
وابي منك طلب اذا عندكم رقم شركه لومزين تتكفل فينا في رحلتنا البسيطه ؟
تقدر من الفندق توفر لك سياره تكسي او تأجير مع سواق او تأجير انت تسوقها
وحاب اسلكم اذا في مجمع حق الماركات مثل ديور وفندي والي اخر؟
عندنا ..
فيلا مودا (الشويخ) في (برادا,ميو ميو , سان لوران , فرجامو , D&g , جوتشي و ماركات ماعرفهم
مجمع الصالحيه.. (لويس فيتون , فندي , ديور , جفنشي , فرساتشي , تودز , و ماركات ايطاليا بختصار هالسوق كله ماركات و اشياء غاليه ;) )
الرايه (سيلين , بربريز , بالي )
الثريا (جفنشي, كافالي, ماركات كثيره بعد ما اذكر الاسامي )
وحاب اسالكم عن ( بودل للجنحه الفندقيه ) وشرايكم فيه انا سمعت من ناس انه حلو؟
شكله حلو..
بس موقعه مادري ماحبيته..
و حياكم الله