الشارقة55
يا أخوي بالاول تكفى لاتقول تكفون ... تراها مهي بسيطه
ثانيا إذا ماشالتك الفنادق والشقق بيوتنا مفتوحه على الرحب والسعه لا ونحطك فوق رؤسنا
ثالثا منوقال عنك جلده بالعكس كل أنسان وميزانيته والحين ابي اجاوب اسئلتك
ج1- والله مدري أيش تقصد بالساعه 4 هي العصر ولا الفجر !! لان الناس عندنا لا ينامون هم وعيالهم حتى
الضحى ... الكل سهران لحرارة الجو وكذلك لوجود بعض الأماكن المفتوحه ليلا مثل المطاعم والمقاهي
والسينما الى الساعه 3:30 . وكذلك لاننسى المطار ومايحتويه من مرافق. طب وأختار ولا تحتار والبرنامج
أنت تفصله على كيفك.
ج2- في السالميه الاكوارينيوم - أكوابارك - يوم البحار (رخيص وكويس) والمقاهي الشعبيه - حديقه
الشعب -والتمشي في البلاجات قمه في الروعه ولا ننسى (المدينه الترفيهيه) - ستي سنتر (مجمع
تسوق+العاب)
ج3- المباركيه الله يبارك فيك
ج4- المباركيه فيها واذا تبي زود عندك في منطقه الفروانيه ( مجمع العربيد)
في منطقه الفحيحيل (مجمع الدبوس)
ج5- الفنادق كلها عليها عروض 450 ريال فندق خمس نجوم . يابلاش . بس أحجز من ديرتك
ج6- عندك المطاعم على الخليج مالذ وطاب ولا يضر الى أخذت المدام بمطيعم راقي مايتعدى عشاك أنت
وأياها 120 ريال أسمه ميس الغانم
ج7- المباركيه - البلوكات
ج8- حاضرين يا الجلده
أمزح معك ... تروحون وتجون بالسلامه

وعليكم السلام و رحمة اللة
حياك اللة أخوي الشارقة وأكثر أجوبتك تجدها كتالي:
# أجابة سؤال رقم 1 و 2
تجدها بالرابط
بودل للشقق الفندقية -صورمن جوالي لداخل الشقة للعضوة بنت الحسا
https://artravelers.com
شقق مارينا رويال الفندقية للعضو kuwaity2
https://artravelers.com
# أجابة سؤال رقم 6
المطاعم و الأسعار موجودة بالموقع (بلعكس الصرف الزايد مالة معنة)
مطعم ميس الغانم https://artravelers.com
مطعم البردوني https://artravelers.com
جولة للمطاعم علي شارع الخليح https://artravelers.com
# أجابة سؤال رقم 7
سوق الأقمشة أو مايسمي بسوق البلوكات بالعاصمة قرب سوق المباركية
# أجابة سؤال رقم 8
لاتنسي الدعاء

ابشر طال عمرك
اخوانك واحبابك عند وجهك مايقصرون باي شي
تامر امر
برنامج يبدأمن الساعة 4 إلى 1
ما قدر احدد لك برنامج كل واحد تحكمه ظروف بس الجو حار حاول ان الاماكن المكشوفه تجيها بعد المغرب
2-الأماكن والحدائق اللي تستاهل الزيارة خصوصا ما يهم الأطفال .
مملكه الاطفال
اذا كان الاطفال دون 12 سنه
انصحك بالدرجه الاولى ((حديقه حولي بارك))) حديقه اسعارها جيده ومعقوله مقسومه نصفين النصف الاولى العاب الكترونيه مبنى مغطى ومكيف ويوجد فيه مطاعم وجبات سريعه والعاب لاعمار الاطفال من 3سنوات الى 7 سنوات
والنصف الاخر مكشوف ويوجد فيه العاب من 7سنوات الة 16 سنه ويوجد فيه ايضا مطعم ((قيصر)) كبائن للعائلات ويوجد مكتبه
و العاب مجمع الاوقاف (((اللي فيه جلابيات نسائيه))) ايظا يوجد فيه تحت بالسرداب مدينه العاب كثيره ومتعدده الاطفال مادون 10سنوات
ثانيا اماكن تستحق الزياره وللكبار والضغار
1-المركز العلمي
2- المدينه الترفيهيه
3-حديقه الشعب
4- ابراج الكويت
5- الواجهات البحريه الممتده على طول الشريط الساحلي 3-
أسواق أسعارها غير مرتفعة .. لاأريد سوق شرق وما على شاكلته كونه فيه مالا نريد من مناظر
1-سوق المباركيه
2-اسواق الفحيحيل مجمع العنود واجيال
3 - اسواق الفروانيه مجمع الحمراء مول ومجمع العربيد بلازا(متلاصقين ببعض)) ومجمع مبارك الصيفي بلاس ومجمع العربيد خلف جمعيه الفروانيه بجانب اسواق الذهب ((((جلابيات وقماش نسائي وملافع وعبي ))))
4-اسواق خيطان مجمع سلمان الدبوس وهذا اغلبه شنط نسائيه وملحقاتها وعبي ويوجد تحته سوق المحاميد الشعبي
4- أين أجد الجلابيات النسائية .. المدام أشغلتنا عندها .. بس ما تكون غالية مرة .
اذا موغاليه مره
رقم 1 بالجلابيات النسائيه ذات السعر المعقول
هو سوق العربيد بمنطقه الفروانيه خلف جمعيه الفروانيه وبجانب سوق الذهب (((المذكور سابقا))) يوجد
مجمع صغير من 3ادوار اغلبه مشاغل خياطه وجلابيات تتراوح الاسعار بين8دينار الى 40دينار وانتبه ليس العربيد بلازا لانه يوجد اسمين مقاربين لبعض
2- مجمع الاوقاف بمنطقه شرق (المذكور سابقا اللذي يوجد فيه العاب الاطفال)) ايضا يوجد به جلابيات (2في1) تتراوح الاسعار بين 30 الى 250 دينار
5- أحسن مكان للسكن ومو غالي .
بالنسبه للشقق الفندقيه ماعندي خلفيه عنهم ممكن الاخوان يفيدونك
ولكن اذا كنت تريد فنادق حلوه وزينه وسعرها معقول
عندك فندق كروان بلازا((0هوليدي ان سابقا)) 4نجوم بمنطقه الفروانيه(((في نفس منطقه الاسواق الي تبيهم )))
وقريب جدا من المطار ولكن عيبه بيعيد عن مركز المدينه ((والعاصمه))
فندق رمادا((سفير سابقا )) في منطقه الرقعي قريب من منطقه الفروانيه وخيطان والمطار ولكن عيبه بيعيد عن مركز المدينه والعاصمه ولا توجد فيه اسواق تجاريه واماكن حيويه
6- مطاعم زينة ونظيفة وموغالية مرة ... شكلكم بتقولون إني جلدة !!!!!!
1-مطعم اروينتال ((هندي صيني ))) كبائن للعلائللات مطعم سعره معقول نظيف واكله شهي جدا((واطلب منه دجاج ستلايت وادعي لي ))) موجود بالعاصمه وقريب من مجمع المثنى وبالظبط
بين داور الشراتون وبين تقاطع اشاره المثنى
2-مطعم قيصر وله افرع عديده في الفروانيه وحولى((المذكور سابقا في حديقه حولي بارك))
3- مطعم شهريار كبائن للعلائلات بمنطقه شرق
4- مطعم الخليج الصيني بحولى كبائن للعائلات
7- وين أحصل الأقمشة الرجالية الزينة .
موجوده بالعاصمه في (((البلوكات ))) اقمشه رجاليه ونسائيه
وايضا بعض محلات الاقمشه الرجاليه الموجوده في البلوكات لها افرع ايظا بمنطقه الفروانيه((مجمع الحمراء مول )) ولكن قليله لاتتعدى 5محلات تقريبا ولكن سعرها ارخص بقليل
هذا اللي عندي
وسامحنا عالقصور

يعطيكم العافيه اخواني وعساكم عالقوه
وهناك اخوي ايضا تستطيع تاخذ رجله في الهليكوبتر في أجواء الكويت , وتقدر تطلع على مواضيع الاخوان حولها وهي جميله اتمنى لما ازور الكويت اخذ رحله في اجواء الكويت
وعندك الجزيرة الخضراء
والمركز العلمي اهم شي لايطوفك
وكذلك سوق المباركيه والاسواق الشعبيه الي حوله
وهناك عدد من المجمعات التجارية في السالميه مثل مجمع ليلى جاليري , ومجمع الفنار , ومجمع البستان
مادري عن الاخوان اذا كانت الحديقة الي فيها النافورة الموسيقيه باقي فاتحه او لا؟
هل هي اسمها حديقة الشهداء؟
لآني ناسيها بعد مازرناها قبل سنتين بس ماكانت النوافير تشتغل وقتها
على ايامها وقت الثمانينات ماكو فنان ماصور اغنيه عندها مثل رابح صقر وعبدالكريم عبدالقادر ههه
تحياتي: سلطان الشرقية

كلمه تكفون تهز رجال وجبال والشارقه يستاهل والاخوان ماشاء الله ماقصروا ما اقدر ازيد عليه اي شي
بس اذا حاب تتصل فيني ارجوك راح اوصل الكويت يوم الاثنين الجاي
اذا توهقت مالك الا صندوق الرسايل عطني رساله وانا بالشوفه وتستاهل
اخوك ناصر كويتي

الوطن .. مورسيدس بن بنز .. سلطان الشرقية ..
والله خجلتونا بتجاوبكم السريع واللطيف ... الله يجزاكم خير ويجعل لكم من كل ضيق مخرجا
na9erq8 .. شكرا للطفك أنتم أهل الكرم والطيب
بس الله يعافيكم .. ودي لما تذكرون مكان تقولون مكانه ووصفه تقريبا عشان الوقت
وجزاكم الله خير

السلام عليكم و رحمة اللة
أخوي الشارقة أدخل الروابط التي وضعتها أكثرها فيها وصف المكان و البعض يوجد بة خريطة كدليل المجمعات. أيضا لو تطبع هذي المعلومات وتحفظها مك.
وهذي تجربة أحد الأخوة أتبع الجدول https://artravelers.com

مشكور أخوي الوطن بارك الله فيك وكثر الله خيرك
الصريح 777 ....... أشكرك على مرورك وردك .. وكرمك وفتح صدرك
وصراحة الجميع لكم الشكر ... والله تستاهلون من يجيب لكم سكري وبرحي القصيم
بس عاد السموحة مافيه وقت كوني بعد ساعتين جاي الكويت إن شاء الله ويالله التساهيل
وعلى دروب الخير نلتقي ..