السلام عليكم ورحمة الله وبركاتة
البارح وصلت من السفر وطلعت من المطار باخذ تاكسي وكل عادة اتجهة الى شركة التكاسي ولم اجد احد على الكونتر!!
لم اجد سوى بلطجية متخلفين وكانهم في البطحاء وليسو في مطار دولي يعتبر واجهه لدولة.
انا في العادة اخذ تاكسي الي البيت 45 ريال وهذا السعر ثابت من زمان ولاكن هذه المره شفت العجب !!
اول واحد تفاوضت معه قالي ب 60 ريال وانزلك اول واحد!؟؟ ليش فيه احد بيركب معي؟ قال ايه فيه 3 ركاب.
والثاني 80 وقال معي راكب واحد!!
لقيت هندي بعد التفاوض وصلنا الى اتفاق 55 ريال وركبت معه ولاكن الطامه الكبرى ان التاكسي الي قدام سيارتنا رفض يفتح الطريق بحجة انه لم يركب احد الى الان!!
قلت طيب اقتح خلاص انا بمشي قال هذا النظام الي وضعته ادارة المطار...يا ساتر!! يعني والحل قال اصبر لين اركب احد ومتى ان شالله ناوي تركب قال اصبر حتى لو ما اركب الى الفجر!!
طبعا انا ما تحملت هذا الاسلوب المتخلف وارتفح الصوت ولا بقى سبه ما سبيته ورحت لم الشرطه وكلمتهم
قالي الشرطي التاكسي الي انت راكب معه كم ترتيبه قلت ليش؟؟؟ قال اسال قلت الثاني قال طيب الحين اخلي الي قدامك يوخر. قلت لو انا الاخير وش اسوي؟. قال تنتظر!! انا في هذي اللحظه ما مسكت نفسي وتهاوشت مع الشرطي وقلت ان تنظم واجة الدوله موب على كيفك تعطل الناس انتي الي لازم تفرض النظام موب تخلي كل شي فوضى المهم خل راعي التاكسي يوخر. وقال راعي التاكسي انا بوخر عشان العسكري ولا المفروض تركب معي !! قلت لو ما بقى الا انت ماركبت معك وتبي توخر غصب عنك المهم وخر سيارته وركبت مع الهندي وقلت له وين التنظيم السابق الي المطار قال الشركة متهاوشه مع ادارة المطار!!
وشفت خواجات راكبين مع تاكاسي وينتظرون البشوات الي قدامهم يركبون زبون عشان يتحركون.
قسم بالله شي يفشل ويرفع الضغط
الى متى يا ادارة المطاره هذه الفوضى؟؟