الشحططة بالمطار شر لا بد منه لكن جيد إن الواحد يستهبل عليهم ولا يعصب يحاول يبتسم في كل وقت .
الجماعة يختلفون في أخذ التاكسي من المطار لكن مرة من المرات وكنت حاجز عودة للسعودية انتظار وكان يوم الجمعة السبت عندي دوام يعني لازم ارجع طبعا الكلام هذا قديم رحت للمطار الساعة عشر مع إن الرحلة الساعة الواحدة بعد الظهر ركبت مع كرتون قصدي تاكسي قلتله المطار يمين يسار زحمة وشمس وحر وضيقت صدر والنفس شينة تعرفون أنتم وضع العودة وما يخفى على أحد المهم وصلت المطار رحت اتلكع أحاول معهم أبيهم يطلعوني على الرحلة أثر الدعوة زحمة قالو الانتظار ما يفتح إلا الساعة 12 يعني بعد ساعتين جلست ساعتين فتح الانتظار دخلو ثلاث شباب حجزهم انتظار راحو للكونتر عطوه المقسوم جلست شوي طبعا معي بطاقة الفرسان ( الزرقا الي تباع بالبقالات) يعني آكل بنفسي مقلب راكب راكب الله لا يعقب شر ربع ساعة وجلس يعد الانتظار ياولد شكله نسا اسمي رحت له قال ما فيه أمل يابدل ياغير مرة قال فيه رحلة يوم الأحد يمكن تلقى عليها بعد مهب أكيد أيه الزبدة في الموضوع رجعت والنفس شينة .
طبعا صالة المغادرة فوق وقفت بلو بيرد وركبت معه .
ما يخفى عليكم إن صالة القدوم تحت طبعا أنا راكب بلوبيرد يعني تاكسي من الطراز الأول وعلى العداد .
بعد كذا اكتشفت إنك إذا جيت لجاكرتا لا تاخذ تاكسي من الي جنب صالة القدوم لأنهم نصابين اطلع فوق وخذ تاكسي بلو بيرد على العداد .
وهذي نصيحة للجميع لسلامتك وراحتك خذ تا كسي على العداد يكلفك 60ألف ربية ولا تاخذ من تحت ب 120 ألف ربية .