وكازامي يجيك مطفي النور.. هلابك عزيزي
تقسيمك جميل واختياراتك روعه ولي تعليقات بسيطة.
ياليت تخلي لنكاوي بفندق واحد. ويكون الفندق غير هذي اللي اخترتها.
انا اعلم بالغلا اللي في فنادق لنكاوي لكن انت تبي تستمتع وتبي شي ترتاح فيه
عشان فندق لنكاوي اختر فلامنقو في بينانغ وراح يتوفر مع دراهم .
شوف لاقون او فوربوينت شيرتون. او استمر على بيست ستار.
فندق كوالا مااعرفه مباشرة. لكن مريت عليه قبل شهر وهو بشارع العرب وهذي اول سلبيه
حيث الزحام والقذارة والخلاعه والشيش والصجة والدجة والحفريات .
اقترح تشوف فندق التايم سكوير او ميترو وهي رخيصة ونظيف وخصوصا ميترو وراح توفر الكثير من الدراهم للنكاوي.
هذا رايي ولست ملزم به.
التساولات
التنقل من سلانجور الى بينانغ باص ايرولاين من البراميد ,
.الباص فخم وممتاز وهالشي اقتصادي وربي يوفقك.
بالامكان حجز الباص من النت وانا جربت هالشي وكان مريح .
من بينانغ للنكاوي عبر الفيري لكن من وين احجز التذاكر ؟
.الفيري خيار اقتصادي وتجربة جديده وممتعه اذا كان البحر هادي اما اذا كان غير كذا
فستكره اليوم اللي ركبت فيه العبارة. وعندي اقتراح وهو طيران فايرفلاي
لاني في رحلتي الاخيرة اللي كانت قبل شهر وجدت سعر تذكرة فايرفلاي قريب من العبارة
من الفرق الشاسع بينهما في الوقت فالعبارة ممله ثلاث ساعات والطيارة اقل من ساعة
والفرق في الراحة. جرب تشوف فايرفلاي وماليندو وايراسيا وشوف ارخص شي وقارنه بسعر
العبارة واحكم. وبالامكان حجزها جميعا من النت .
من لنكاوي الى كوالالمبور طيران اير اسيا
تم حجز التذاكر ب 266 رينقت لشخصين رأيكم بالسعر ؟
.ممتاز ولو جربت فايرفلاي او ماليندو يمكن تلاقي اقل لكن السعر حلو.
وانتبه من ايراسيا لاتتاخر والوزن لاتزيد والبوردنق اطبعه قبل بالفندق او من هنا
لان اي غلطة بياكلونك.
بالنسبه للنكاوي
أقرب المعالم السياحيه لفندق بيست ستارعلى شاطئ سينانغ هل التلفريك والمانجروف قريب
أو افضل اطلع لها لما اسكن في باي فيو ؟
.اذا كان قرار نهائي هالفنادق راح نشوف جدول مناسب. واتمنى تحاول تغير او ترتاح بفندق واحد لان ثلاث ايام
فندقين وشيل وحط شنط احسها مالها طعم ومرهقه.
بالنسبه لمدينة الالعاب صن واي هل حجز التذكره من النت ارخص أو لا
وياليت الرابط لو كان ارخص ؟
.نعم ارخص وبامكانك زيارة موقع اسياترافيل والحجز يكون من موقعهم.
ونفس السؤال لباصات ايرولاين
هل حجز التذكره من النت ارخص او لا ؟
والفيري
هل حجز التذكره من النت ارخص او لا ؟
.السعر واحد من النت او من هناك . ولكن اوفر لك من هنا
لان التكسي الين موقع التذاكر بفلوس وايضا الوقت بيروح عليك.
فريح راسك وخلص اوراقك من هنا وخلاص.
بإذن الله النيه كل الأكل من المطاعم العالميه ماك وبرجركنج و دومينوز بيتزا وغيرهم بسبب سوء طبخ الأكل العربي وارتفاع اسعاره ,
.لالا الاكل العربي غالي وليس بذيك الجوده
لكن هناك مطاعم روعه مثل فش ماركت وفيفااتاليا وخصوصا الهنديه مثل صاقر .
والتقارير ملئية بالمطاعم.
كوالالمبور متى احتاج التاكسي حيث ان السكن في شارع العرب ؟
وهل الميترو يكفيني للوصول لجميع المعالم في كوالالمبور ؟
.اغلب معالم ماليزيا بالمترو ماعدا جنتق والقريتين
وفاموسا ونياقرا. وحديقة الفراشات والطيور.
وميقا مول وسوقو وشلالات تمبلر.
بالنسبه للتلفريك وهضبة بينانغ و المانغروف
هل يحتاج التاكسي ينتظرني أو بنلقى تاكسي ؟
.نصيحة محب استاجر سيارة وسوق والله ماهي صعبة.
ممتعه خصوصا اذا بتسكن في فوربوينت شيرتون.
المانغروف شترط عليهم ياخذوك ويرجعوك. التلفريك لازم ينتظرك
الهضبة لازم ينتظرك او ترجع بالباص.والانتظار مكلف.
بالنسبه للتأمين للفنادق أفكر اخذ 100 دولار كاش واقدمها تأمين لكل فندق يطلب تأمين رايكم واسترجعها ؟
.ممتاز ومو لازم دولار خلها رينقت وتختلف من فندق لاخر كمية الفلوس اللي يطلبونها.
وبالامكان تستغني عن الميني بار (كل ماهو داخل الثلاجة ) وبلاشي تامين.
ارجو لك رحلة موفقه.
كازامي

جعل والدينك في الجنة ياكازامي ,
تسلم يمينك ياغالي وبيض الله وجهك وجعلها في موازين حسناتك
,,,

ووالدينك ومن يعز عليك ومن يقرا كلامك وجميع المسلمين..ونحن بالخدمه.
كازامي