مشكور اخوي azizto
ولكن اتوقع ان هذا الموضوع طرح في السابق...ولكن ما في مانع نشاركك...
اجمل مارايت في كولا لمبور...برجين التوام..والمطار...
تحياتى
مع تمنياتى لك بالاستفاده معنا ...والافاده

أجمل ما رأيت جزر لنكاوي وأمواج بينانج وشاطئ كوانتان والألعاب المائية في الفاموسا وجو جنتج شكلى ما خليت شي بس هذا ما أعجبنى وبصراحة

وعليكم السلام ورحمة الله وبركاته .....
تكرم والله اخوي azizto ......
ترى اجمل ما رأيت في ارض الملايا اهلها وناسها المسلمين ...
وخاصة اللي اصلهم ;) ( ملايو ) ....
لكن كمعالم ومناطق ترى ما انسى الورستار قدح ومزارع الرز اللي
على مد البصر .....وجنتنغ والكل يعرفها .....ولا ننسى مطارهم
اللي يرفع الراس ....المطار واجهة بلد يا اخوي ....وبلد مثل ماليزيا
ما تملك نصف ميزانيتنا وعندها ذا المطار , والله شيء عظيم وحق
لهم ان يحترموا لانهم احبوا واخلصوا لبلدهم ;) ....
والله ماليزيا كلها على بعضها حلو ..ولو كتبت صفحات والله ما اوفي .
شكرا لك اخوي والسلام عليكم

السلام عليكم
حياك الله اخ azizto و فكرتك جميله....
اجمل ما ادهشني الحشرات المضيئه سبحان الله حقا معجزه ربانيه .
و السلام

وعليكم السلام ورحمة الله وبركاتة
أجمل مارأيت جزيرة لنكاوي وطريق كاميرون الأكثر من رائع ولكنه متعب وخطير

أشكر حميع من شارك معي في هذا الاقتراح وأخص بالشكر الاخ المشرف العام ( الخواطر) ،،،،، وجميع الأخوان والخوات ،،،،،

وعليكم السلام ورحمة الله وبركاته
ماليزيا أغلب ما فيها حلو أخوي azizto
سبحان الله لو الجو بعد أفضل من جذيه كان محد ينافسها أبد .
وأكثر ما عجبني بماليزيا انها سببت لنا نوع من حالة الإنبهار و المفاجأه منذ وصولنا للمطار لأني الصراحه ما توقعت بالمره اني بلقي دوله آسيويه بهالنظام والنظافه و الجمال و الطبيعه .. ادري انه فيه دول أحلي من ماليزيا يمكن اضعاف الاضعاف لكن تفاجئي فيها هو الي خلاها تحلي بعيني ...
و فوق كل مواصفاتها كافي انك تقدر تاكل لقمه نظيفه ومأمونه فيها .
تحياتي ...........

كل ما رأيتة منذ ان دخلت المطار وغادرتة مرة اخرى ..... جميل .

السلام عليكم ورحمة الله وبركاته
أين أعضاء المنتدي الباقين مايشاركون ، وأبي أسأل أخي الشعيبي
عما ذكر بأن هناك مزارع الرز والورستار قدح ،،، أين تقع في ماليزيا ،،
وللجميع الشكر مره أخري علي المشاركه ،،،