- تاريخ الرحلة كان في تاريخ 2/6/2008 الى 15/6/2008
السلام عليكم ورحمة الله وبركاته
بداية اعذروني على تاخر كتابة تقريري وثانيا اعذروني على عدم تواجد الصور ولكن سوف امتعكم برحلتي لبلاد العمة :bounce8: .
تاريخ الرحلة كان في تاريخ 2/6/2008 الى 15/6/2008
صراحة اول موقف لي في المطار كان مافي سفرية لاندونسيا بعد وصلنا المطار رغم اني حاجز اوكي على الخطوط السعودية وقاص التذاكر بس كانت الفاجعة ان وصلت قبل الرحلة بساعتين تقريبا وقال لي موظف الخطوط مافي مكان :55654: طبعا انفجعت وعصبت شوية :5: كيف مافي مكان وانا حاجز اوكي قال لي الاندونسيين المعتمرين في صالة الانتظار من الساعة 2 الظهر وموعد الرحلة الساعة 9:30 ماشاءالله تبارك الله مساء قلت للموظف كيف كيف الحل قال تتأجل لبكرة :16: قلت بس رحنا فيها حاولت مع الموظف يمين يسار تكفا شوف لنا حل وسبحان الله في كل تخيرة خيرة قال لي انتظر معاي الى ان يبقى على موعد الرحلة 45 دقيقة اذا لم يحضر اصحاب المقاعد ( الافق طبعا :106 تدخلوا مكانهم وانتظر ومعاي كم شخص قلنا الله يستر ويسرها.
دقت ساعة الصفر وجاء الموعد ولم يأت احد قلنا الحمد لله :bounce8: ركبنا على الافق انا والمدام وطفلي الصغير الله يحفظه يعني حقيقة شي رهيب قلنا الله يديم علينا الحظوظ .قطعنا المسافة ونحن مرتاحين وكان اهم شي عندي في الطائرة طفلي شايل همه لانه صغير وحركاته كثيرة شوية الله يحفظه بس طلبنا سرير له عشان ينام .
المهم وصلنا بحفظ الله وسلامته يوم 3/6/2008 الساعة 11 صباحا بتوقيت اندونسيا واسمع الموقف هذا .لما وصلنا للجوازات عشان تاشيرة الدخول طلبت مني الموظفة الجوازات فختمت على جوازي انا والمدام وقلت مانقدر نختم على جوازات طلفك ليش يامي ماسولنك شي قالت الورقة المفروض نملأها بالبيانات غير موجودة قلت بس هذه مشكلة ثانية طلع الخطا من نفس المضيفة الي في الطائرة بعد ما سألتها هل للطفل ورقة بيانات قلت لا المهم قالت الموظفة في شخص في الخلف يعطيكم الورقة فارجعنا للخلف ونحن نمشي في الصالة جاء واحد وعارف اننا محتاجين للورقة وقالي اعبيها لك قلت الله يستر عليك وقديمة الحركة لانو صار لي نفس الموقف سابقا:3: انتهينا من الورقة وسلمنها للموظفة ومشينا والحمدلله وعلى طول رحت استلمت الحقائب وكان بنتظاري ابن خالي عايش هناك دائما استعين به عند الملامات المهم رحنا لمكتب كاها عشان حجز الفندق وحجزت على فندق قراند شنباكا اربع نجوم تقريبا حق يومين ولما جيت اطلع الفلوس واعطيها ابن خالي عشان يحاسبهم كانت الفاجعة انو اخوكم صاحب التقرير كانت معاه 12 ورقة من فئة 50000 الف ربية واظنها 500000 الف ربية وكان المقلب الثالث في الرحلة في هذه اللحظة على طول جاء في نفسي كيف اسكن ، كيف اكل:36_11_15: ، كيف اشتري:36_1_36: الحمدلله أني أخذ معاي بطاقة الصراف مع الفيزا ومعاي تقربيا 800 دولار فكت الازمة المهم أخذنا الفندق لمدة يومين وأول مرة ادخل هذا الفندق وكان الضحية على يدي قتل خمس صراصير في يومين:36_6_10: على طول عملت شيك اوت وعلى الجبل (بنشاك) يوم واحد فقط وعلى باندوق يوم ايضا وانبسطنا والحمد لله وسوف نكمل باقي القصة غداً ان شاء الله ..............يتبع
الحمد لله على السلامة
بس التقرير ما يكتمل الا بالصور عجل علينا تكفى