حمدالله على السلامة ..ام محمد
بدايه موفقه
وانا من المتابعين وبنتظار تقريرك لاني افكر لزيارة البلاد الجميله لكن متردد قليلا ؟؟؟؟
وعندي بعض الاستفسارات ؟؟؟
هل الطرق بين المناطق جيدة لان زوجتي حامل ولكن صحتها جيدة والحمد الله ؟
وكيف حالة الطقس سمعت ان فترة امطار غزيرة وعواصف والجو حار ماعدا مونار والذي يؤثرة على الرحلة ؟؟
واخيرا هل كيرلا مناسبة للرحلة عائلية وملائمة للاطفال فوق اربع سنوات ؟؟
واسمحيلي على كثرة الاسئلة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الحمد لله على السلامة

سجليني من ضمن المتابعين ..... لكن عجلي علينا رحلتي قربت هاليومين ابدفع العربون لكن بسألك هل تنصحين بمراري بيتش في البي ؟ وهل الفنادق فل وزحمة مثل مايقول صاحب المكتب لازم تحجز بدري ؟ومارأيك بمكتب سفاري هل هوثقة نحول المبلغ له ؟وماهي نوع الغرف التي أطلبها في البكج لإنهم يقولون شمس يتلاعب في نوع الغرف؟
طولت عليك لإن السفرة قربت , مشكورة

1. أبو محمد 1

أبو محمد 1

الله يسلمك اخوي بومحمد ... والله ياخوي الصراحة عني استمتعت بالرحلة وايد وخاصة بمونار لانها منطقة بغاية الروعه .... باردة وجميلة وراح تشوف ها بالصور باذن الله ... بالنسبة لاستفساراتك ... الشوارع ما فيها خفر ولا شي جيدة لكنها كله تعرجات وحاصة لما تقرب لمونار وداخل مونار ... لانها منطقة جبلية فما عرف لو فاهم قصدي يعني الشارع شوي تاخذ يمين شوي يسار وجي اغلب الدرب .... عني حسيت شوي بدوخة ولوعه .... وطلب من السائق شوي يخف السرعه وكنا كل شوي ننزل نتحرك شوي وبنرد نركب بس الصراحة المناظر جميلة طول الدرب تنسيك التعب وكل شي ...
أما عن الطقس احيانا ممطر واحيانا مشمس واغلب الوقت مغيم ومافي منه خوف بالعكس جميل ان كان ممطر او غيره ... والجو في مونار وتيكيدي بارد حتى المنتجعات هناك ما فيها مكيفات بس مراوح لان الجو مب محتاجر مكيف ...
أما عن استفسارك هل مناسبة للعائلة والله احنا كنا انا وبومحمد والعيال بس عيالي كبار بالغين البنت 18 سنة والولد 16 سنة ... بس المكان حلو ... ولو تسال عن أماكن العاب ... ماشي غير مراجيح وزحليقات غير جي ماشي ... في تيكيدي حضرنا مسرحية عني ما عيبتني وايد هي عبارة عن مسرحية غنائية صامتة بس حركات بس تضحك وراح احط لها صور وحضرنا بعد عرض لسيوف ولعب بالنار ها كان جميل وعجبني ....
واي استفسار اخر انا خاضرة وان شاء الله تستفيد اكثر من التقرير نفسه وغرضي الاول والاخير منه افادة الجميع

المسافر 99
الله يسلمك اخوي

1. درب يرد مايسد

درب يرد مايسد

هلا فيك اخوي درب يرد ما يسد .... مراري بيتش سكنت فيه يومين ... فيه شغلتين ما عيبوني .... تلفزيون في الغرف ماشي .... في صالة بوسط المنتجع هناك بس تلفزيون يعني للكل .... والبي ما فيها وايد اماكن ازورها يعني بتقضي وايد وقت في المنتجع بتمل بصراحة بدون تلفزيون ... والنقطة الثانية الحمام الله يعزك ... ربع من الحمام يكون مكشوف فيه جي مثل الحصى وجداره مب عالي .... يعني مثلا بالليل تبى تروح الحمام عادي تشوف حشرات مول ما عيبني ... بس مشينا عمرنا هاليومين هناك ...
بالنسبة لمكتب سفاري انا تعاملت معاه الحمد لله كان تعاملهم جيد والغرف كان جيدة بس في منتجع اباد بكامركوم كانت الغرفتين الي دخلناهم مب نظاف وريحتهم مب لهناك وعقب كلمت شهاب الدين واتصل لهم وغيروا لنا الغرف لثانية نظيفة ... وبالنسبة للسائق ما كان يعرف عربي وايد وكنا نقدر نغيره من المكتب بس بومحمد ارتاح له وقال ما بغيره وبومحمد كان يعرف شوي اردوا فدبر عمره معاه وهو كان بعد يعرف عربي بس مب لهناك أما بالنسبة للاماكن السياحية بالعكس كان يدل وايد لانا كنا سالنا واحد سعودي بمونار فقال احنا من خمس ايام بمونار ما رحنا مكان لان سائقهم ما وداهم مكان بعكس السائق مالنا كان كل يوم يودينا منطقة وكان اخلاق وطيب وايد وارتحنا معاه وايد ع طول الرحلة ... وبالنشبة لتحويل الفلوي احنا كنا حولنا له من الامارات 2500 ولما وصلنا هناك رحنا للمكتب ماله وكان مفروض نعطيه 10000 الباقية نقصهم الف وعطيناه التسع باول يوم والحمد لله ما خدعنا بشي ... وغير ها كان طول الايام الي قضيناها يتصل يطمن علينا ...
والسموحة منك اخوي وان شاء الله تستفيد من تقريري وبحاول انزل لكم الصور قريب ... لان تعرف واصلين امس وزيارات للاهل وجي وبعد اسبوع رايحين العمرة ... لكن بحاول كثر ما اقدر انزل التقرير كامل والصور هاليومين ...
وحاولت ارفع الصور عن طريق الموقع ما قدرت .. برد احاول واذا ما قدرت راح ارفعها على موقع ثاني والسموحة ..

.’.’.’.
الحمدلله على السلامة أم محمد :.
.’.’.’.

الحمد لله على السلامه
ياليت تعجلين يا ام محمد
هاليومين شكلي بحجز الفنادق وابي اشوف الصور بخصوص الموقع تحميل الصور موقف من شهور والى الان ما اشتغل شوفي لك موقع ثاني مثلا هذا حلو بس سجلي فيه بعضوية وهي مجانية علشان الصور ماتنحذف
http://photobucket.com/

الحمد لله عالسلامه ام محمد
وش رأيك انا مسافر بعد اسبوعين
باذن الله حبيت آخذ رأيك في الباكج حقي
هل مناسب وهو كالتالي/
فندق رمادا في كوتشي لواحد يوم
اثنين يوم في فندق تي آند يو في مونار
اثنين يوم في فندق كرين ودز في تيكدي
واحد يوم في فندق زورى في كومركم
مع الفطور و السواق و السيارة و الضرائب الحكومي
مع اطيب التحية و التمنيات