روحــي تحبــك
28-06-2022 - 11:56 pm
السلام عليكم ورحمة وبركاته
أنا مسافر إذا الله أراد يوم
3/ أغسطس
12/شعبان
وكل شوي يطرى علي تساؤل
وأتوهق وأنهبل
قلت يا ولد مالها إلا ربعك لا ضاقت عليك
دخلت موقعكم ما خليت ولا تركت موضوع
خصوصاً مواضيع الأخ العزيز بو شرف
عليه بياض الوجه ما قصر
ودي يسافر معي لأنه دليله
وسفير الهند
وغيرهم كثير قريت لهم ودعيت لهم بالغيب بدعوة خير
عموماً يالغالين
عطوني معلومات عن كيرلا
وجهتنا بتكون على مطار كوتشي بداية
وزي ما أوضحت لكم تاريخها
بتكون تقريباً أسبوعين
قبل أطلع وش قصة الفيزا
موب فاهم
وشلون أطلعها :112:
ما خلصنا من البطاقه والجواز تطلع لنا هذي
أنتظركم يالغالين
ومشكورين مقدماً
إذا ما أعطيتوني معلومات
بهون وما أسافر لكيرلا
>> تكفى رووح خ
ياليتك تقرأ إستفسارات الإخوان لأن فيها بكجات أو برامج كثيره لمدة إسبوعين
بس لازم تقرر هل بتروح مع مكتب سياحي أو لا لأنه لازم تراسلهم وتتفق معهم
أنا راح أفيدك بخصوص الفيزا إذا كنت سعودي تستخرجه من السفاره الهنديه بالرياض
وهذا عنوانهم
عمارة الصفوة في حي السليمانية خلف أسواق السدحان بوابة رقم 2 في الدور الثاني مكتب رقم 2207
ت – 2886935 – 2886972 - 2886896 – فاكس 2886928
وهذي إحداثيات السفاره للي مايدلون بالرياض مثلنا
N 24 42 474
E 046 41 308
المطلوب –
صورة من الهوية + صورة من دفتر العائلة + شهادة الميلاد المؤقتة إذا كان الطفل في جواز مستقل و اصغر من عمر سنة
+ صورتان حديثة لكل شخص + تعبئة النموذج الخاص بالفيزا
و المبلغ لكل فيزا 225 ريال
تأخذ الفيزا مدة 4 أيام عمل
اوقات دوام المكتب
من 8:30 صباحاً الى 3 مساءاً
وأهم شيء تأخذ معك كاش لإن ماعندهم صرافات
ولازم أول ماتدخل تاخذ رقم لأن الدور يروح عليك إذا ماكان معك رقم أو كرت
وتعبيئة النموذج بالإنجلش وعلشان ماتحوس الدنيا فيه هنود يعبولك النموذج
بخمس ريال للنموذج الواحد لأن كل جواز له نموذج
والله يسهل أمورك